Fréttasafn

Stefna okkar er að halda almenningi, stjórnvöldum og starfsfólki vel upplýstu um starfsemina og stuðla þannig að jákvæðri og sterkri ímynd Landhelgisgæslunnar í þjóðfélaginu.



Baldur fylgdi frönsku skonnortunni Etoile til Reykjavíkur - 30.5.2013

Etoile
Eftirlits- og sjómælingaskipið Baldur fylgdi í dag skonnortunni Etoile frá Akranesi til Reykjavíkur en Etoile heiðrar Hátíð hafsins með heimsókn sinni þetta árið.  Skútan verður til sýnis við Sjómannasafnið í Vesturhöfn Gömlu Hafnarinnar um helgina. Áhöfn Etoile mun einnig taka þátt í hátíðarhöldum sjómannadagsins með starfsmönnum Landhelgisgæslunnar.

TF-GNA sótti sjúkling um borð í erlent farþegaskip - 30.5.2013

WP_20130530_010
Landhelgisgæslunni barst kl 15:14 aðstoðarbeiðni frá norsku farþegaskipi vegna farþega um borð með hjartaáfall. Skipið var var staðsett um 47 sjómílur suður af Ingólfshöfða og var því strax gefin fyrirmæli um að sigla nær landi til að stytta vegalengd þyrlu í útkalli. TF-GNÁ fór í loftið kl. 16:14.

Þyrla kölluð út eftir slys á Hvolsvelli - 29.5.2013

TF-LIF_8625_1200

Þyrla Landhelgisgæslunnar var kölluð út að beiðni fjarskiptamiðstöðvar RLS kl. 18:09 eftir að slys varð á Hvolsvelli. TF-LÍF fór í loftið kl. 18:33 og var þá sjúkrabifreið á leið til móts við þyrluna. Lent var við sjúkrahúsið á Selfossi kl. 18:49 og var sjúklingur fluttur um borð í þyrluna.

Vetur á Gunnólfsvíkurfjalli - 29.5.2013

29-Mai-2013-003

Þrátt fyrir að orðið sé vorlegt á höfuðborgarsvæðinu er ekki sömu sögu að segja á Gunnólfsvíkurfjalli þar sem Landhelgisgæslan sér um rekstur ratsjár- og fjarskiptastöðar.  Sjá myndir sem voru teknar í morgun.

Varðskipið Þór við eftirlit - Tekur einnig þátt í hátíðarhöldum sjómannadagsins. - 28.5.2013

SjomannadagurTHOR8

Varðskipið Þór hélt í gær úr höfn í Reykjavík um verður skipið næstu vikur við eftirlit innan íslenska hafsvæðisins. Þór tekur að sjálfsögðu þátt í hátíðarhöldum sjómannadagsins um næstu helgi, heimsækir Bolungarvík laugardaginn 1. júní og Flateyri á sjálfan sjómannadaginn 2. júní.

Annríki hjá stjórnstöð og flugdeild um helgina - 27.5.2013

Talsvert annríki var um helgina hjá stjórnstöð og flugdeild Landhelgisgæslunnar vegna aðstoðarbeiðna. Á föstudag var þyrla kölluð út  vegna leitar að erlendum göngumanni á Fimmvörðuhálsi og eftir köfunarslys á Þingvöllum. Á laugardag var hún aftur kölluð út tvisvar sinnum eftir slys í mótorkrosskeppni.  

Umferðareftirlit með þyrlu LHG - 23.5.2013

Umferdareftirlit_LHG_Logr040808

Lögreglan á Selfossi fór í eftirlitsflug með þyrlu Landhelgisgæslu Íslands á annan í Hvítasunnu.  Flogið var austur með suðurströnd landsins og eftirlitinu sinnt, bæði úr lofti og af jörðu niðri.   Í leiðinni var tekin æfing með lögreglumönnum á Hvolsvelli þar sem æfð var mæling ökuhraða ökutækja á vegi niðri með svokallaðri jafnhraðamælingu.   Slík mæling fer þannig fram að þyrlunni er flogið með sama hraða og ökutækinu sem mælt er er ekið.

Gagnlegar æfingar Landhelgisgæslunnar með tundurduflaslæðurum - 22.5.2013

DSC_4380

Floti tundurduflaslæðara Atlantshafsbandalagsins sem hefur verið í heimsókn hér við land lét úr höfn í gærkvöldi og sigla skipin nú til heimahafna sinna í Evrópu. Skipin fimm voru við æfingar með Landhelgisgæslunni í sl. viku auk þess sem æft var með Slökkviliði höfuðborgarsvæðisins.Við lok æfingarinnar var farið yfir helstu niðurstöður og árangur heimsóknarinnar. Allir aðilar voru sammála um mikilvægi og gagnsemi þeirra.

Varðskipið Þór við eftirlit á Reykjaneshrygg - 21.5.2013

IMG_1721_fhdr

Varðskipið Þór var nýverið við eftirlit á Reykjaneshrygg en þar standa nú yfir úthafskarfaveiðar á svæði Norður Atlantshafsfiskveiðinefndarinnar (NEAFC). Þar eru nú að veiðum tólf íslensk skip og þrjátíu erlend utan 200 sjómílna efnahagslögsögunnar. Varðskipsmenn fóru til eftirlits um borð í skip á svæðinu en þar hefur verið mokveiði undanfarna daga. Tvö skip fengu alvarlega áminningu.

Þyrlur LHG kallaðar út eftir rútuslys á Snæfellsnesi - 18.5.2013

TF-LIF_8625_1200

Upp úr klukkan 13:00 varð harður árekstur langferðabifreiðar og húsbíls um fimm kílómetra vestur af Grundarfirði við Látravík. Fimmtán manns voru í langferðabílnum og tveir í húsbílnum.Einn farþegi úr húsbílnum er alvarlega slasaður og annar minna slasaður og er Líf þyrla Landhelgisgæslunnar flutti þá til Reykjavíkur og lenti við Landspítalann í Fossvogi um kl. 15:30.

Starfsmönnum LHG boðið í siglingu með tundurduflaslæðurum - 17.5.2013

Tundurdslaedarar

Starfsmönnum Landhelgisgæslunnar var í vikunni boðið að kynnast starfi tundurduflaslæðaranna sem hafa verið við æfingar með Landhelgisgæslunni að undanförnu. Siglt var með hollenska skipinu HNLMS Urk í Hvalfjörð og var þar búnaður skipsins notaður til að skoða hafsbotninn.

Á sleðanum í vinnuna - 16.5.2013

Bolafjall_Mai2013_2

Landhelgisgæslan tekur að sjálfsögðu þátt í vinnustaðaátakinu Hjólað í vinnuna með tveimur liðum. Ekki hafa allir möguleika á að taka þátt, t.d. þau sem starfa á varðskipunum og starfsmenn Landhelgisgæslunnar á ratsjárstöðinni Bolafjalli. Ástæðan sést vissulega á þessum myndum

Tundurdufl fannst við leit tundurduflaslæðara - 15.5.2013

Bellis

Sprengjusérfræðingar og kafarar Landhelgisgæslunnar hafa að undanförnu verið við æfingar og leit neðansjávar með flota tundurduflaslæðara Atlantshafsbandalagsins sem eru í heimsókn hér við land. Við leitina í dag fannst breskt tundurdufl í Hvalfirði á 33 metra dýpi sem tilheyrir kafbátagirðingu sem var lögð út í seinni heimstyrjöldinni. Duflið fannst með sónar belgíska skipsins Bellis og köfuðu síðan kafarar Landhelgisgæslunnar niður til að auðkenna það. Ákveðið var að eyða tundurduflinu.

Leikskólinn Nóaborg heimsækir flugdeild Landhelgisgæslunnar - 15.5.2013

Noaborg

Flugdeild Landhelgisgæslunnar fékk í morgun heimsókn fróðleiksfúsra barna úr útskriftarhópi leikskólans Nóaborgar. Guðmundur Ragnar Magnússon stýrimaður og sigmaður tók á móti hópnum og sýndi þeim þyrlur og flugvél Gæslunnar.

Voru þau mjög ánægð með heimsóknina og fannst spennandi að skoða þessi stóru björgunartæki.

Landhelgisgæslan brýnir fyrir sjómönnum að hlusta á neyðarrás 16 - 15.5.2013

_MG_0632

Nú þegar strandveiðar eru komnar í fullan gang hafa allnokkur tilfelli komið upp þar sem erfitt hefur verið að ná í báta sem eru að veiðum en þeir eiga að nota neyðarrás 16 á VHF og ber skylda til að hafa hana opna. Einnig hefur verið erfitt að ná í farsíma um borð. Er slíkt afar bagalegt þegar Landhelgisgæslan þarf nauðsynlega að kalla á aðstoð fyrir báta sem lenda í vandræðum á sama svæði.

Þór við æfingar með tundurduflaslæðurum - 14.5.2013

009

Varðskipið Þór hefur síðastliðna tvo daga verið við æfingar með skipum úr flota tundurduflaslæðara Atlantshafsbandalagsins sem eru nú í heimsókn hér við land.  Æfingarnar eru mjög fjölbreyttar og fá áhafnir skipanna margvíslega þjálfun m.a. er æft verklag við björgunaraðgerðir,gerðar siglingaæfingar, æfð leit að smygli í skipum, aðstoð við löskuð skip og fleira. 

Síða 1 af 2