Fréttasafn

Stjórnstöð Landhelgisgæslunnar barst um klukkan tvö í dag beiðni um þyrlu vegna veiks einstaklings á utanverðu Snæfellsnesi.

Um klukkan 17:30 hafði vegfarandi samband við Landhelgisgæsluna en hann hafði þá fundið tvo hluti sem hann taldi vera sprengjur stutt frá Bláfjallaafleggjaranum hjá Sandskeiði.

Benóný Ásgrímsson flugstjóri fagnar 50 ára starfsafmæli sínu hjá Landhelgisgæslu Íslands í dag. Benóný á að baki hreint stórkostlegan feril sem þyrluflugstjóri og er að öðrum ólöstuðum reynslumesti flugstjóri landsins í leitar- og björgunarflugi og þótt víðar væri leitað.

Áhöfn þyrlu Landhelgisgæslunnar hafði nú síðdegis afskipti af handfærabát sem var að veiðum undan Ströndum og hafði verið vísað til næstu hafnar af Landhelgisgæslunni. Voru skipverjar bátsins, tveir menn færðir til sýnatöku vegna gruns um að vera undir áhrifum við stjórn bátsins.

TF-LIF, þyrla Landhelgisgæslunnar er nú á leið að skemmtiferðaskipinu Astoria til að sækja alvarlega veikan farþega.

Það var heldur betur líf og fjör um borð í varðskipinu Þór í gær en varðskipið er statt á Dalvík og var gestum Fiskidagsins mikla boðið um borð í varðskipið. Hvorki meira né minna en 4129 gestir heimsóttu skipið í gær og þar á meðal forseti Íslands, Guðni Th. Jóhannesson sem mætti alveg óvænt ásamt eiginkonu sinni Elizu Reid

Varðskipið Týr kom til hafnar fyrir skemmstu að lokinni vel heppnaðri og annasamri eftirlits- og löggæsluferð um miðin. Meðal annars sinnti áhöfnin á Tý sameiginlegu eftirliti með Fiskistofu. Var farið um borð í fjölda skipa auk þess sem skútu var komið til aðstoðar.

Þyrla Landhelgisgæslunnar hefur verið við umferðareftirlit með lögreglu um helgina og hefur það almennt gengið vel. Þá var þyrlan kölluð til vegna mótorhjólaslyss undir Ármannsfelli.

Stjórnstöð Landhelgisgæslunnar barst rúmlega þrjú í dag tilkynning um að torkennilegur hlutur hefði fundist rétt við vestari flugbrautarendann í Borgarnesi og kallaði stjórnstöðin þá þegar út sprengjusérfræðinga Landhelgisgæslunnar.