Fréttasafn

Stefna okkar er að halda almenningi, stjórnvöldum og starfsfólki vel upplýstu um starfsemina og stuðla þannig að jákvæðri og sterkri ímynd Landhelgisgæslunnar í þjóðfélaginu.



Útskrifuðust sem atvinnukafarar - 30.11.2018

Sadf

Köfunarnámskeiði Landhelgisgæslunnar, Slökkviliðs höfuðborgarsvæðisins og ríkislögreglustjóra lauk í lok mánaðarins með útskrift ellefu nemenda. Þrír þeirra eru starfsmenn Landhelgisgæslunnar en um er að ræða eina allra erfiðustu þrekraun sem starfsmenn stofnunarinnar gangast undir

Varðskipið Þór náði Núpi á flot - 26.11.2018

46782258_347243209413086_7402728742881067008_n

Varðskipið Þór náði línubátnum Núpi á flot í Patreksfirði á tíunda tímanum í morgun. Varðskipið var sent vestur eftir að tilkynning barst um strandið í gærkvöld og hóf áhöfn þess þegar í stað undirbúning við að ná skipinu af strandstað. Taug var komið fyrir á milli skipanna og þegar færi gafst í morgunflóði var Núpi komið á flot. Björgunarskipið Vörður dregur Núp síðasta spölinn inn í Patreksfjarðarhöfn þar sem skemmdir verða kannaðar.

Aðmíráll danska flotans heimsótti Landhelgisgæsluna - 23.11.2018

IMG_7199

Georg Kr. Lárusson, forstjóri Landhelgisgæslunnar tók í gær á móti Torben Mikkelsen aðmírál danska flotans, ásamt samstarfsmönnum í höfuðstöðvum Landhelgisgæslunnar. Starfsemi Landhelgisgæslunnar í Skógarhlíð, á Reykjavíkurflugvelli og í Keflavík var kynnt fyrir dönsku sendinefndinni.

Týr kominn, Þór farinn - 22.11.2018

Thor-fra-Ty

Varðskipið Týr kom heim úr þriggja vikna úthaldi í gærmorgun. Á sama tíma lagði stóri bróðir úr höfn í Reykjavík og verður næstu vikur við landhelgisgæslu við Íslandsstrendur.

Landhelgisgæslan veitir Færeyingum ráð í sjókortagerð - 21.11.2018

Torshavn

Á dögunum barst Landhelgisgæslunni fyrirspurn frá Færeyjum þar sem óskað var eftir upplýsingum hvernig stofnunin skipuleggur og stendur að sjómælingum og sjókortagerð. Árni Þór Vésteinsson, deildarstjóri og sérfræðingur í sjókortagerð, átti fund með fulltrúum færeyskra yfirvalda.

Fjarskipti frá Noregi og Englandi - 20.11.2018

Image004_1542749269679

Stjórnstöð Landhelgisgæslunnar hefur glímt við afar óvenjuleg talstöðvarskilyrði í dag vegna háþrýstisvæðis sem liggur frá Noregi til Íslands. Skilyrðin valda því að stjórnstöðin nemur fjarskipti frá Englandi, Noregi og Norðursjó sem alla jafna ættu ekki að drífa nema 30-40 sjómílur. 

Köfunarnámskeið við Skarfabakka - 15.11.2018

IMG_7275

Landhelgisgæslan, Slökkvilið höfuðborgarsvæðisins og Ríkislögreglustjóri standa um þessar mundir fyrir átta vikna köfunarnámskeiði. Ásgeir Guðjónsson, kafari hjá Landhelgisgæslunni, segir mikilvægt að nemendur séu lausnamiðaðir og hafi góða sjálfstrú. Ekki gangi að kafarar séu haldnir innilokunarkennd eða séu myrkfælnir. 11 eru á námskeiðinu að þessu sinni.

Landhelgisgæslan og Landmælingar efna til samstarfs - 14.11.2018

IMG_7267_1542206212099

Georg Kr. Lárusson, forstjóri Landhelgisgæslunnar, og Eydís Líndal Finnbogadóttir, settur forstjóri Landmælinga Íslands, skrifuðu í dag undir samstarfssamning sem felur í sér samstarf stofnananna um aukið aðgengi almennings að rafrænum kortaupplýsingum og endurbættum kortagögnum af strandlínu landsins.

Neðansjávarfar prófað í varðskipinu Þór - 12.11.2018

IMG_1533

Prófanir á nýjasta neðansjávarfari Teledyne Gavia ehf. fóru fram í varðskipinu Þór á dögunum. Farið nefnist SeaRaptor en það getur náð 6000 metra dýpi og hefur fjölda mælitækja sem nýtast við athugun sjávarbotnsins. 

Landhelgisgæslan leitar að starfsmanni - 8.11.2018

Capture2
Landhelgisgæslan óskar eftir að ráða sérfræðing á rekstarsvið. Viðkomandi þarf að vera traustur, með ríka þjónustulund og geta tekist á við krefjandi verkefni.

Skrifað undir samning vegna kaupa á nýjum léttbáti - 7.11.2018

IMG_5775

Georg Kr. Lárusson, forstjóri Landhelgisgæslunnar og Björn Jónsson, framkvæmdastjóri bátasmiðjunnar Rafnar, skrifuðu á dögunum undir samning um kaup á nýjum léttbáti fyrir varðskipið Tý. Léttbáturinn verður afhentur Landhelgisgæslunni í lok mánaðarins. 

15 bjargað um borð í TF-GNA við erfiðar aðstæður - 3.11.2018

IMG_2452

15 var bjargað um borð í TF-GNA, þyrlu Landhelgisgæslunnar, við erfiðar aðstæður þegar flutningaskipið Nordvik strandaði við hafnargarðinn í Helguvík í nótt. Á meðan björgunaraðgerðum stóð lamdist skipið við stórgrýttan hafnargarðinn. Tvær þyrlur Landhelgisgæslunnar voru kallaðar út auk varðskipsins Týs.