Fréttayfirlit: júní 2008
Ný flugvél fyrir Landhelgisgæsluna afhent í Kanada
Mánudagur 23.júní 2008
Tímamót urði í smíði nýrrar eftirlitsflugvélar Landhelgisgæslunnar föstudaginn 20.júní sl.þegar vélin var afhent frá Bombardier, flugvélaverksmiðjunum í Toronto, sem smíðar flugvélina, til Field Aviation sem breytir henni í eftirlitsflugvél.
Tímamót urði í smíði nýrrar eftirlitsflugvélar Landhelgisgæslunnar föstudaginn 20.júní sl.þegar vélin var afhent frá Bombardier, flugvélaverksmiðjunum í Toronto, sem smíðar flugvélina, til Field Aviation sem breytir henni í eftirlitsflugvél.
Hert eftirlit með fiskiskipum á eftirlitssvæði Norðaustur-Atlantshafsfiskveiðiráðsins við Ísland
Mánudagur 23.júní 2008
Landhelgisgæslan hefur eins og undanfarin ár stundað eftirlit með karfaveiðum á Reykjaneshrygg, bæði innan og utan fiskveiðilögsögu Íslands. Norðaustur-Atlantshafsfiskveiðiráðið (NEAFC) sem stjórnar veiðum á svæðinu hefur hert reglur um veiðarnar bæði hvað varðar aflamagn, veiðisvæði og tímabil veiðanna á mismunandi svæðum. Litið er á það sem alvarlegt brot ef upplýsingar um veiðar skipa aðildarríkja eru ekki aðgengilegar í gagnagrunni fiskveiðráðsins og er þá veiðileyfi viðkomandi skips ekki í gildi.
Á undanförnum vikum hefur Landhelgisgæslan sent fjölda tilkynninga til aðildarríkja fiskveiðiráðsins þar sem gerðar eru athugasemdir vegna skorts á upplýsingum m.a. tilkynningar um aflamagn þegar komið er inn á veiðisvæði, vikulegar aflaupplýsingar og tilkynningar um umskipun úti á hafi. Nokkrar aðildarþjóðir hafa komið þessum málum í lag í kjölfarið en aðrar ekki.
Landhelgisgæslan hefur eins og undanfarin ár stundað eftirlit með karfaveiðum á Reykjaneshrygg, bæði innan og utan fiskveiðilögsögu Íslands. Norðaustur-Atlantshafsfiskveiðiráðið (NEAFC) sem stjórnar veiðum á svæðinu hefur hert reglur um veiðarnar bæði hvað varðar aflamagn, veiðisvæði og tímabil veiðanna á mismunandi svæðum. Litið er á það sem alvarlegt brot ef upplýsingar um veiðar skipa aðildarríkja eru ekki aðgengilegar í gagnagrunni fiskveiðráðsins og er þá veiðileyfi viðkomandi skips ekki í gildi.
Á undanförnum vikum hefur Landhelgisgæslan sent fjölda tilkynninga til aðildarríkja fiskveiðiráðsins þar sem gerðar eru athugasemdir vegna skorts á upplýsingum m.a. tilkynningar um aflamagn þegar komið er inn á veiðisvæði, vikulegar aflaupplýsingar og tilkynningar um umskipun úti á hafi. Nokkrar aðildarþjóðir hafa komið þessum málum í lag í kjölfarið en aðrar ekki.
TF-SIF á Flugsafn Íslands á Akureyri
Laugardagur 21.júní 2008
Nú stendur yfir Flughelgi Flugsafns Íslands, á Akureyri. Mikið var um dýrðir við safnið í dag, fjöldi flugvéla var til sýnis auk þess sem vélar af ýmsu tagi sýndu listir sínar. Björgunarþyrla Landhelgisgæslunnar, TF-SIF var í dag afhent safninu og er henni sómi gerður að því, eftir 22 ára dygga þjónustu við Landhelgisgæsluna.
Nú stendur yfir Flughelgi Flugsafns Íslands, á Akureyri. Mikið var um dýrðir við safnið í dag, fjöldi flugvéla var til sýnis auk þess sem vélar af ýmsu tagi sýndu listir sínar. Björgunarþyrla Landhelgisgæslunnar, TF-SIF var í dag afhent safninu og er henni sómi gerður að því, eftir 22 ára dygga þjónustu við Landhelgisgæsluna.
Leitað að skútu á hafsvæðinu milli Bermuda og Nýfundnalands, einn íslendingur um borð
Fimmtudagur 19.júní 2008
Bandaríska og kanadíska strandgæslan hafa í sameiningu staðið fyrir umfangsmikilli leit að seglskútunni Dystocia, á hafsvæðinu milli Bermuda og Nýfundnalands undanfarna daga. Seglskútan sem er 35 feta, einmastra, af Bavaria gerð, er í eigu íslendings og um borð er íslendingur, sem hugðist sigla skútunni til Íslands. Hann lagði af stað frá Bermuda þann 31.maí eða 1.júní og ekki hefur náðst samband við hann síðan 3.júní.
Bandaríska og kanadíska strandgæslan hafa í sameiningu staðið fyrir umfangsmikilli leit að seglskútunni Dystocia, á hafsvæðinu milli Bermuda og Nýfundnalands undanfarna daga. Seglskútan sem er 35 feta, einmastra, af Bavaria gerð, er í eigu íslendings og um borð er íslendingur, sem hugðist sigla skútunni til Íslands. Hann lagði af stað frá Bermuda þann 31.maí eða 1.júní og ekki hefur náðst samband við hann síðan 3.júní.
Eftirlitsflug um Vestfirði í dag
Miðvikudagur 18.júní 2008
Fyrirhugað er að þyrla Landhelgisgæslunnar fari í eftirlitsflug um Hornstrandir í dag til að svipast um hvort ísbirnir sjáist á svæðinu. Eftirlitið fer fram í nánu samstarfi við Umhverfisstofnun.
Ætlunin er að fljúga aftur yfir svæðið á næstu dögum. Eins verður hefðbundnu ískönnunarflugi á Fokker flugvél Landhelgisgæslunnar, TF-SYN, haldið áfram.
Fyrirhugað er að þyrla Landhelgisgæslunnar fari í eftirlitsflug um Hornstrandir í dag til að svipast um hvort ísbirnir sjáist á svæðinu. Eftirlitið fer fram í nánu samstarfi við Umhverfisstofnun.
Ætlunin er að fljúga aftur yfir svæðið á næstu dögum. Eins verður hefðbundnu ískönnunarflugi á Fokker flugvél Landhelgisgæslunnar, TF-SYN, haldið áfram.
Ekki viðrar alltaf til sjómælinga - Sjómælingasvið LHG á Vestfjörðum
Miðvikudagur 18.júní 2008
Ekki viðrar alltaf til sjómælinga. Meðfylgjandi mynd tók Gunnar Örn Arnarson skipstjóri á mælingabátnum Baldri síðastliðinn mánudag, 16.júní, þegar Baldur lá við bryggju á Flateyri.
Ekki viðrar alltaf til sjómælinga. Meðfylgjandi mynd tók Gunnar Örn Arnarson skipstjóri á mælingabátnum Baldri síðastliðinn mánudag, 16.júní, þegar Baldur lá við bryggju á Flateyri.
TF-SYN í ískönnunarflugi
Miðvikudagur 18.júní 2008
Í dag fór Fokker flugvél Landhelgisgæslunnar, TF-SYN í ískönnunarflug úti fyrir Vestfjörðum. Ískönnunin hófst klukkan 17:35 á stað: 66°10´N, 028°35´V og var ísröndinni fylgt þaðan til norð-austurs. Ísröndin reyndist vera næst landi 70 sjómílur NNV af Straumnesi og 77 sjómílur NV af Barða.
Í dag fór Fokker flugvél Landhelgisgæslunnar, TF-SYN í ískönnunarflug úti fyrir Vestfjörðum. Ískönnunin hófst klukkan 17:35 á stað: 66°10´N, 028°35´V og var ísröndinni fylgt þaðan til norð-austurs. Ísröndin reyndist vera næst landi 70 sjómílur NNV af Straumnesi og 77 sjómílur NV af Barða.
Landhelgisgæslan í eftirlitsflugi um Hornstrandir
Miðvikudagur 18. Júní 2008
Þyrla Landhelgisgæslunnar, TF-GNA, var að koma úr eftirlitsflugi á Vestfjörðum þar sem flogið var um Hornstrandafriðland og svipast vandlega um eftir ísbjörnum. Með í för var Jón Björnsson, landvörður Hornstrandafriðlandsins. Flogið var um allt svæðið frá Aðalvík austur að Ófeigsfirði, eftir eldsneytistöku á Ísafirði. Ekki sáust nein ummerki um ísbjörn á leitarsvæðinu.
Þyrla Landhelgisgæslunnar, TF-GNA, var að koma úr eftirlitsflugi á Vestfjörðum þar sem flogið var um Hornstrandafriðland og svipast vandlega um eftir ísbjörnum. Með í för var Jón Björnsson, landvörður Hornstrandafriðlandsins. Flogið var um allt svæðið frá Aðalvík austur að Ófeigsfirði, eftir eldsneytistöku á Ísafirði. Ekki sáust nein ummerki um ísbjörn á leitarsvæðinu.
Landhelgisgæslan í viðbragðsstöðu vegna hvítabjarnar í Skagafirði
Þriðjudagur 17.júní 2008
Landhelgisgæslan hefur verið í viðbragðsstöðu vegna ísbjarnar sem kom fram við Hraun í Skagafirði í gær en var felldur undir kvöld í dag. Þyrla Landhelgisgæslunnar, TF-GNA, var flogið á Sauðárkrók í gær og var þar í viðbragðsstöðu, ef grípa þyrfti til aðgerða og til að flytja sérfræðing á svæðið. Varðskip hélt til hafnar og var undirbúið til að flytja björninn.
Landhelgisgæslan hefur verið í viðbragðsstöðu vegna ísbjarnar sem kom fram við Hraun í Skagafirði í gær en var felldur undir kvöld í dag. Þyrla Landhelgisgæslunnar, TF-GNA, var flogið á Sauðárkrók í gær og var þar í viðbragðsstöðu, ef grípa þyrfti til aðgerða og til að flytja sérfræðing á svæðið. Varðskip hélt til hafnar og var undirbúið til að flytja björninn.
90 ár liðin frá því loftskeytastöðin í Reykjavík tók til starfa
Þriðjudagur 17.júní 2008
Í dag eru 90 ár liðin frá því að loftskeytastöðin í Reykjavík, Reykjavík Radíó var opnuð til almenningsnota. Þessi starfsemi er nú rekin af Landhelgisgæslunni, sem Vaktstöð siglinga, og má því segja að það sé elsta starfandi eining Landhelgisgæslunnar.
Í dag eru 90 ár liðin frá því að loftskeytastöðin í Reykjavík, Reykjavík Radíó var opnuð til almenningsnota. Þessi starfsemi er nú rekin af Landhelgisgæslunni, sem Vaktstöð siglinga, og má því segja að það sé elsta starfandi eining Landhelgisgæslunnar.
Sprengjusérfræðingar við störf í Líbanon
Mánudagur 16.júní 2008
Nú nýverið lauk dvöl meðlima sprengjudeildar Landhelgisgæslunnar í Líbanon, þar sem þeir unnu að sprengjueyðingu. Þetta er verkefni á vegum íslensku friðargæslunnar (ICRU), í samstarfi Landhelgisgæslunnar, Utanríkisráðuneytis og Dómsmálaráðuneytis. Tveir hópar skiptu með sér tímabilinu og voru Jónas K. Þorvaldsson sprengjusérfræðingur og Alexander Reuter Runarsson aðstoðarmaður sprengjusérfræðings í verkefninu frá 19.mars til 18.apríl sl. þá tóku sprengjusérfræðingarnir Marvin Ingólfsson og Martin Sövang Ditlevsen við og voru til 6.júní sl. Allt tímabilið starfaði Eggert Snorri Guðmundsson neyðarbílsmaður (e.Medic) frá Slökkviliði Höfuðborgarsvæðisins með sprengjusérfræðingunum.
Nú nýverið lauk dvöl meðlima sprengjudeildar Landhelgisgæslunnar í Líbanon, þar sem þeir unnu að sprengjueyðingu. Þetta er verkefni á vegum íslensku friðargæslunnar (ICRU), í samstarfi Landhelgisgæslunnar, Utanríkisráðuneytis og Dómsmálaráðuneytis. Tveir hópar skiptu með sér tímabilinu og voru Jónas K. Þorvaldsson sprengjusérfræðingur og Alexander Reuter Runarsson aðstoðarmaður sprengjusérfræðings í verkefninu frá 19.mars til 18.apríl sl. þá tóku sprengjusérfræðingarnir Marvin Ingólfsson og Martin Sövang Ditlevsen við og voru til 6.júní sl. Allt tímabilið starfaði Eggert Snorri Guðmundsson neyðarbílsmaður (e.Medic) frá Slökkviliði Höfuðborgarsvæðisins með sprengjusérfræðingunum.
Starfsmenn LHG fagna afmæli Vs. Ægis
Laugardagur 14.júní 2008
Í tilefni 40 ára afmælis varðskipsins Ægir fagnaði áhöfn skipsins, ásamt öðru starfsfólki Landhelgisgæslunnar og var boðið í siglingu um sundin í nágrenni Reykjavíkur, um borð í skipinu. Veðrið lék við mannskapinn og mættu starfsmenn og fjölskyldur þeirra fylktu liði. Grillvagninn sá fyrir veitingum sem runnu ljúflega niður í blíðunni. Þarna gafst starfsmönnum og fjölskyldum þeirra einstakt tækifæri til að kynna sér starfsemi um borð í varðskipi og koma saman um leið og fagna afmæli skipsins.
Í tilefni 40 ára afmælis varðskipsins Ægir fagnaði áhöfn skipsins, ásamt öðru starfsfólki Landhelgisgæslunnar og var boðið í siglingu um sundin í nágrenni Reykjavíkur, um borð í skipinu. Veðrið lék við mannskapinn og mættu starfsmenn og fjölskyldur þeirra fylktu liði. Grillvagninn sá fyrir veitingum sem runnu ljúflega niður í blíðunni. Þarna gafst starfsmönnum og fjölskyldum þeirra einstakt tækifæri til að kynna sér starfsemi um borð í varðskipi og koma saman um leið og fagna afmæli skipsins.
Varðskipið Ægir er 40 ára í dag
Fimmtudagur 12.júní 2008
Í dag eru liðin 40 ár síðan varðskipið Ægir kom til landsins. Skipið var smíðað í Álaborg í Danmörku árið 1968 og breytt í Póllandi árin 1997, 2001 og 2005. Ægir átti stóran þátt í 50 og 200 mílna Þorskastríðunum og var Ægir meðal annars fyrst íslenskra varðskipta til að beita togvíraklippum á landhelgisbrjót. Það var þann 5. september árið 1972 þegar klippt var á togvíra bresks togara.
Búnaður skipsins hefur verið uppfærður eftir þörfum í gegnum árin auk þess sem stærra viðhald og breytingar fóru fram í Póllandi árin 1997, 2001 og 2005.
Kajakræðari sem grennslast var eftir er kominn fram
Miðvikudagur 11.júní 2008
Kajakræðarinn sem grennslast var eftir fyrr í dag er kominn fram og hefur haft samband við Landhelgisgæsluna. Tæknilegir örðugleikar ullu því að hann náði ekki sambandi. Hann er staddur á Snæfellsnesi og gengur ferðin vel.
Kajakræðarinn sem grennslast var eftir fyrr í dag er kominn fram og hefur haft samband við Landhelgisgæsluna. Tæknilegir örðugleikar ullu því að hann náði ekki sambandi. Hann er staddur á Snæfellsnesi og gengur ferðin vel.
Eftirgrennslan stendur yfir eftir kajakræðara
Miðvikudagur 11.júní 2008
Eftirgrennslan stendur yfir eftir kajakræðara, Marcus Demuth, sem lagði upp í hringsiglingu um Ísland síðastliðinn laugardag. Marcus lagði upp frá Geldinganesi í Reykjavík, með stefnu á Akranes, Mýrar og Snæfellsnes.
Ekkert hefur heyrst frá Marcusi og eru þeir sem kynnu að hafa séð til hans eða hitt, síðan síðastliðinn laugardag, beðnir að hafa samband við Stjórnstöð Landhelgisgæslunnar í síma: 545 2100
Eftirgrennslan stendur yfir eftir kajakræðara, Marcus Demuth, sem lagði upp í hringsiglingu um Ísland síðastliðinn laugardag. Marcus lagði upp frá Geldinganesi í Reykjavík, með stefnu á Akranes, Mýrar og Snæfellsnes.
Ekkert hefur heyrst frá Marcusi og eru þeir sem kynnu að hafa séð til hans eða hitt, síðan síðastliðinn laugardag, beðnir að hafa samband við Stjórnstöð Landhelgisgæslunnar í síma: 545 2100
Skipherra heiðraður eftir 40 ára farsælt starf
Þriðjudagur 10.júní 2008
Nú nýverið var Sigurður Steinar Ketilsson skipherra heiðraður þar sem hann átti 40 ára starfsafmæli hjá Landhelgisgæslunni.
Í tilefni starfsafmælisins hélt Halldór Nellett, framkvæmdastjóri Aðgerðasviðs ræðu að viðstöddum fjölda starfsmanna og afhenti Sigurði Steinari gjöf og blómvönd í tilefni dagsins.
Nú nýverið var Sigurður Steinar Ketilsson skipherra heiðraður þar sem hann átti 40 ára starfsafmæli hjá Landhelgisgæslunni.
Í tilefni starfsafmælisins hélt Halldór Nellett, framkvæmdastjóri Aðgerðasviðs ræðu að viðstöddum fjölda starfsmanna og afhenti Sigurði Steinari gjöf og blómvönd í tilefni dagsins.
Síða 1 af 2
- Fyrri síða
- Næsta síða