TF-EIR, þyrla Landhelgisgæslunnar var kl. 19:15 á sunnudag beðin um að taka þátt í leit að konu sem vitað var að væri í sjálfheldu í vesturhlíðum Vífilsfells. Stjórnstöð Landhelgisgæslunnar hafði þá fengið fregnir af leitinni sem hafin var af Slysavarnarfélaginu Landsbjörgu en ekki hafði borið árangur. Þyrlan var að koma úr gæsluflugi og fór samstundis á vettvang.

Sérfræðingur sprengjusveitar Landhelgisgæslunnar var nýlega verðlaunaður fyrir framúrskarandi frammistöðu í yfirgripsmikilli NATO æfingu sem haldin var samtímis á fimm stöðum í Evrópu. Tólf þátttakendur af þrjú hundruð talsins hlutu verðlaunin, sem voru afhent formlega af Brigadier General Scott D.West sem er CO (Chief of staff) fyrir Joint Warefare Centre (JWC) NATO.

Okkar maður starfaði innan stjórnstöðvar sem sá um stjórnun æfingarinnar í heild sinni. Kallaðist hún EXCON (Exercise Control) og var í æfingarbúðum JWC í Stavanger í Noregi.

TF-SYN flugvél Landhelgisgæslunnar flaug í dag yfir varðskipið TÝ og skútuna sem í gærkvöldi var stöðvuð af varðskipinu út af SA-landi. Komið var að TÝ og skútunni á stað 63.59.7N - 12.15.8V Skútan siglir á eigin vélarafli undir stjórn varðskipsmanna.

Varðskipið TÝR stöðvaði kl. 22:35 í gærkvöldi för seglskútu djúpt út af SA-landi vegna gruns um stórfellt fíkniefnabrot. Hafði áhöfn TF-SYN fylgt skútunni nær óslitið eftir frá því þeir fundu skútuna kl. 12:30. Var Challenger þota frá danska hernum fengin til að leysa TF-SYN af í um klukkustund meðan farið var til eldsneytistöku á Höfn Hornafirði.

Fjórir sérsveitarmenn fóru í gúmbáti að skútunni og handtóku þrjá menn. Áður hafði lögregla og Landhelgisgæslan verið í talstöðvarsambandi við skútuna, sem hunsaði fyrirmæli um að stöðva og gefast upp. Mennirnir sýndu ekki mótspyrnu. Varðskipið mun færa skútuna til hafnar á Íslandi.

TF-LÍF þyrla Landhelgisgæslunnar tók um helgina þátt í viðamikilli slökkviliðsæfingu sem skipulögð var að slökkviliði Borgarbyggðar.

Fékk slökkvilið Borgarbyggðar til afnota íbúðarhúsið Fíflholt á Mýrum og æfð voru ýmis slökkvistörf. Eftir hádegi kom þyrlan á staðinn og hafði meðferðis svokallaða slökkvifötu sem rúmar tvö þúsund lítra af vatni og hengd er neðan í þyrluna. Vatninu er síðan gusað yfir logandi svæði eða mannvirki.

Varðskipið TÝR stöðvaði kl. 22:35 í kvöld för seglskútu djúpt út af SA-landi vegna gruns um stórfellt fíkniefnabrot . Sérsveitarmenn fóru frá varðskipinu um borð í skútuna og handtóku þrjá menn sem voru að því loknu færðir um borð í varðskipið. Varðskipið mun færa skútuna til hafnar á Íslandi. Um er að ræða sameiginlega aðgerð Landhelgisgæslunnar, lögreglunnar á höfuðborgarsvæðinu, lögreglunnar á Eskifirði og Sérsveitar Ríkislögreglustjóra sem hófst með handtöku þriggja manna á Austurlandi í gærkvöld.

Áhöfn TF-LÍF, þyrlu Landhelgisgæslunnar var á Þórshöfn og Vopnafirði í vikunni með kynningar fyrir viðbragðsaðila um hvernig umgangast ber þyrlur í björgunaraðgerðum. Voru kynningarnar vegna flugslysaæfingar sem haldin var á Þórshöfn. Farið var í eftirlitsflug frá Raufarhöfn fyrir Langanes að Bakkafirði og þaðan á Vopnafjörð.

Landhelgisgæslan hefur um árabil stundað eftirlit með karfaveiðum innlendra og erlendra skipa á Reykjaneshrygg bæði með gæsluflugvélum og varðskipum. Fyrir nokkrum árum var fjöldi skipa að karaveiðum á þessu svæði frá þjóðum utan NEAFC en með samstilltu átaki aðildarþjóða NEAFC tókst að útrýma þeim og eru nú aðeins skip aðildarþjóðanna á svæðinu.

Í vikunni var haldið námskeið fyrir starfsmenn Landhelgisgæslunnar um NEAFC Scheme of Control and Enforcement, með sérstaka áherslu á sérreglur vegna karfaveiða á Reykjaneshrygg. Umsjón námskeiðisins annaðist Gylfi Geirsson sérfræðingur Landhelgisgæslunnar í málefnum NEAFC.

Á fimmtudag fór fram æfing áhafnar TF-LÍF í notkun Bambi Bucket búnaðar (slökkviskjólu). Gekk æfingin vel og mun búnaðurinn mun nýtast sem mikilvægt verkfæri við að ráða niðurlögum elda á svæðum sem farartæki slökkviliðsins geta ekki af einhverjum ástæðum nálgast, má þar nefna sumarbústaðasvæði og sinuelda.  

Fór æfingin fram við Kleifarvatn. Um var að ræða fyrstu æfingu með búnaðinn, en hann var jafnframt kynntur fulltrúum frá slökkviliði höfuðborgarsvæðisins.

Varðskip Landhelgisgæslunnar hafa að undanförnu verið við eftirlit m.a. á Vestfjarðamiðum. Farið var um borð í fiskiskip og afli þeirra mældur. Kom þar í ljós að afli var um 60% undir mörkum og var því í kjölfarið sett skyndilokun. Auk þess var komið að fiskiskipi staðsettu inni í skyndilokunarhólfi og var skipstjóri áminntur harðlega fyrir verknaðinn.

Lögreglan á Hvolsvelli var með eftirlit á hálendinu um páskahelgina í samvinnu við Landhelgisgæsluna og var TF-EIR þyrla Landhelgisgæslunnar notuð við eftirlitið. Meðal annars var flogið um Emstrur, Landmannalaugar og yfir Eyjafjallajökul en þar voru margir á ferð eða um 30-40 jeppar.

TF-LÍF þyrla Landhelgisgæslunnar var í gærkvöldi kölluð út vegna konu sem fengið hafði hjartastopp á hóteli á Vesturlandi. Stjórnstöð Landhelgisgæslunnar barst beiðni um þyrluna kl. 19:29 í gegn um Neyðarlínuna og var flugtak TF-LÍF frá Reykjavíkurflugvelli kl. 19:52.

Á þeim tímapunkti var sjúkrabifreið lögð af stað með konuna til Reykjavíkur en kl. 20:03 lenti þyrlan við Fiskilækjarmýri, beið þar sjúkrabifreiðin og var konan flutt yfir í þyrluna.

Áhöfn varðskipsins Ægis barst á skírdag boð frá heimamönnum á Þingeyri um að koma í leikhús bæjarins. Að sjálfsögðu var svo gott boð þegið og fóru 6 áhafnarmeðlimir á sýninguna.

Þau ánægjulegu tíðindi bárust í dag frá flugdeild Landhelgisgæslunnar að TF-LÍF er að nýju klár í verkefni eftir að hafa verið í 500 tíma skoðun og bið eftir varahlut frá því í janúar. Eru nú allar þrjár þyrlur Landhelgisgæslunnar, LÍF, GNÁ og EIR til taks ásamt flugvélinni TF-SYN og eru nokkrar æfingar áætlaðar hjá flugdeild yfir páskahelgina.

Stjórnstöð Landhelgisgæslunnar barst kl. 22:28 í gærkvöldi tilkynning í gegn um Neyðarlínuna um að neyðarblys hefði sést á lofti norður frá Eiðistorgi. Þyrla Landhelgisgæslunnar TF-GNÁ var við næturæfingar við Straumsvík með björgunarskipinu Einari Sigurjónssyni og fór samstundis til leitar.