Nýverið undirrituðu Georg Kr. Lárusson, forstjóri Landhelgisgæslunnar og Gunnlaug Einarsdóttir, staðgengill forstjóra Umhverfisstofnunar, samning um samvinnu stofnananna við eftirlit með mengun sjávar í íslenskri mengunarlögsögu. Á sama tíma opnaði Svandís Svavarsdóttir umhverfisráðherra nýtt veftækt vákort af Norður – Atlantshafi

Hið árlega aðventuhlaup Björgunarmiðstöðvarinnar fór fram síðastliðinn föstudag.  Alls tóku 90 starfsmenn þátt í hlaupinu, þar af 57 frá Landhelgisgæslunni sem er glæsileg þátttaka.

Séraðgerða- og sprengjueyðingasvið Landhelgisgæslunnar hlaut í vikunni viðurkenningu NATO vegna æfingarinnar Northern Challenge sem Landhelgisgæslan hefur skipulagt og borið ábyrgð á síðastliðin tólf ár. Markmið æfingarinnar er að æfa viðbrögð við hryðjuverkatilfellum.

Landhelgisgæslunni barst í gærmorgun beiðni frá tryggingafélagi Jónínu Brynju, sem strandaði við Straumnes síðastliðinn sunnudag, þar sem óskað var eftir að þyrla Landhelgisgæslunnar yrði fengin til aðstoðar við að bjarga verðmætum úr bátnum. Fólst aðstoðin í að koma mannskap með öruggum hætti á strandstað og vera öryggisins vegna til taks á svæðinu. 

Fjarskiptamiðstöð lögreglunnar hafði samband við stjórnstöð Landhelgisgæslunnar kl. 12:30 í gær og óskaði eftir aðstoð þyrlu LHG við eftirlit með rjúpnaskyttum innan bannsvæðis í þjóðgarðinum á Þingvöllum. Var þyrla Landhelgisgæslunnar þá á leið í æfingaflug og var ákveðið að verða við þessari ósk enda er eitt af lögbundnum hlutverkum LHG að aðstoða við löggæslu á landi.

Þyrla Landhelgisgæslunnar TF-LÍF lenti í Reykjavík kl.22:40 í kvöld eftir að áhöfn hennar bjargaði tveimur skipverjum fiskibátsins Jónínu Brynju sem strandaði NV- af Straumnesi um klukkan sjö í kvöld. Að sögn flugstjóra þyrlunnar voru mennirnir staðsettir um eina sjómílu N- af Straumnesvita. Fundust þeir strax þegar á svæðið var komið en þeir voru klæddir flotgöllum í um 10 metra breiðri fjöru og  bátur þeirra brotinn í stórgrýttu flæðarmálinu.

Séraðgerða- og sprengjueyðingasvið Landhelgisgæslunnar var nýverið við köfunaræfingar í Sandgerðishöfn með köfurum Slökkviliðs höfuðborgarsvæðisins. Skipulag æfinganna var í umsjón Landhelgisgæslunnar en tilgangur þeirra var tvíþættur.

Endurmenntunarnámskeið Slysavarnarskóla sjómanna var nýverið haldið um borð í Sæbjörgu fyrir starfsmenn Landhelgisgæslunnar. Nauðsynlegt er fyrir starfsmenn varðskipanna að sækja slíkt námskeið í öryggisfræðslu á fimm ára fresti til að viðhalda þekkingu sinni

Landhelgisgæslunni barst upp úr klukkan sex í morgun aðstoðarbeiðni frá fiskibátnum Þórsnesi II sem hafði tekið niðri á grynningu innarlega í Breiðafirði. Um kl. 07:44 tilkynnti skipstjóri Þórsness II að skipið hefði losnað að sjálfsdáðum af strandstað þegar flæddi að en háflóð verður um kl. 11:00 í dag.

Áhöfn þyrlu Landhelgisgæslunnar tók í morgun þátt í minningarathöfn við bráðamóttöku Landspítalans í Fossvogi  þar sem fórnarlamba umferðarslysa var minnst og heiðraðar voru þær starfsstéttir sem koma að björgun og aðhlynningu á vettvangi slysa.  Einnig voru viðstaddir þeir aðilar sem annast sálgæslu þeirra sem með einum eða öðrum hætti eiga um sárt að binda af völdum umferðarslysa.

Stig Østergaard Nielsen hershöfðingi, yfirmaður nýrra höfuðstöðva Dana fyrir björgunar- öryggis- og varnarmál á Norðurslóðum - Arktisk Kommando, heimsótti í dag Landhelgisgæsluna. Arktisk Kommando (MRCC Grønland - Joint Arctic Command) varð nýverið til við sameiningu stjórnstöðvanna á Grænlandi og í Færeyjum.

Tvær myndir sem unnar voru af starfsmönnum sjómælingasviðs Landhelgisgæslunnar komust nýlega í úrslit alþjóðlegrar samkeppni sem haldin var um myndir í almanak 2013 fyrir Caris sem þróar hugbúnað fyrir úrvinnslu mæligagna og framleiðslu á sjókortum.

Landhelgisgæsla Íslands vekur athygli á að samfara slæmri veðurspá og um 972 mb loftþrýstingi verður óvenju mikil sjávarhæð næstu daga . Umráðamenn skipa, báta og hafna eru beðnir um að hafa varann á.  Á þetta sérstaklega við um hafnir SV-lands. 

Þyrla Landhelgisgæslunnar var kölluð út kl. 18:30 eftir að bílslys varð í Vestur - Húnavatnssýslu. TF-LÍF fór í loftið kl. 18:51 og ók sjúkrabíll til móts við þyrluna sem lenti við Staðarskála í Hrútafirði kl. 19:40.

Landhelgisgæslan hefur nú gefið út sjávarfallatöflur fyrir árið 2013. Í þeim er reiknaður tími og hæð flóðs og fjöru í Reykjavík, á Ísafirði, Siglufirði og Djúpavogi ásamt upplýsingum um tíma- og hæðarmun sjávarfalla í mörgum öðrum höfnum í landinu. Einnig er Sjávarfallaalmanakið 2013  komið út.