Þjálfunarverkefninu Iceland Air Meet 2014 lauk síðastliðinn fimmtudag var samdægurs haldið lokahóf þar sem farið var yfir helstu niðurstöður. Verkefnið er með því umfangsmesta sem Landhelgisgæslan hefur annast og tekið þátt í.  Á föstudag lauk svo loftrýmisgæslu Norðmanna sem var samtvinnuð Iceland Air Meet.

Hátt í eitt hundrað innlendir jafnt sem erlendir gestir fengu í dag kynningu á annars vegar loftrýmisgæslu NATO og hins vegar samnorræna þjálfunarverkefninu Iceland Air Meet 2014 sem staðið hefur yfir öryggissvæðinu við Keflavíkurflugvöll frá 3. febrúar síðastliðnum. Náið samstarf innlendra jafnt sem erlendra aðila er nauðsynlegt við framkvæmd svo umfangsmikils verkefnis og var samróma álit allra að vel hafi tekist til.

sameiginlegrar loftrýmiseftirlits og loftrýmisgæslustöðvar Atlantshafsbandalagsins í Uedem, Þýskalandi, (Combined Air Operations Centre Uedem- CAOC Uedem ), Luitenant General Wundrak heimsótti Ísland dagana 13. - 14.  febrúar. CAOC Uedem er ein af tveimur miðstöðvum NATO og sún sem er norðan Alpafjalla. Stjórnstöð NATO í  Keflavík „Control and Reporting Center (CRC) hluti af stjórnkerfi CAOC Uedem.  Landhelgisgæsla Íslands rekur stjórnstöðina í Keflavík.  

Landhelgisgæslan og Fáfnir Offshore hf undirrituðu í dag fimm mánaða samning um leigu á varðskipinu Tý, frá byrjun maí nk. Skipið verður leigt til eftirlits- og björgunarstarfa sem og almennra löggæslu- og þjónustustarfa fyrir Sýslumanninn á Svalbarða með heimahöfn í Longerbyen.  Sýslumaðurinn á Svalbarða fer með yfirstjórn allrar stjórnsýslu sem lýtur að aðkomu norska ríkisins á Svalbarða, þar með talið löggæslumál til sjós og lands, leit og björgun og umhverfismál.

Sprengjusérfræðingar Landhelgisgæslunnar luku um klukkan 16:00 í dag sprengjuleit í flugvél WOW air sem lenti á Keflavíkurflugvelli klukkan rúmlega tvö í dag. Engin merki um sprengju fundust í vélinni.Hótun um að sprengja væri í vélinni barst þegar vélin var um það bil hálfnuð á leið sinni frá London.Neyðaráætlun vegna flugverndar var virkjuð, bæði á Suðurnesjum og í Samhæfingarstöð í Skógarhlíð.

Yfirmenn flugsveita Norðurlandanna heimsóttu í gær þjálfunarverkefnið Iceland Air Meet sem fer fram á Keflavíkurflugvelli. Kynntu sér starfsemina og heilsuðu upp á flugsveitirnar sem þar eru við störf. U.þ.b. 300 liðsmenn frá Noregi, Svíþjóð og Finnlandi taka þátt með starfsmönnum Landhelgisgæslunnar.

112-dagurinn er haldinn um allt land á morgun, þriðjudaginn 11. febrúar. Hann er einnig haldinn víða um Evrópu en 112 er samræmt neyðarnúmer í Evrópu. Markmið dagsins er að kynna neyðarnúmerið og þá margvíslegu aðstoð sem almenningur hefur aðgang að í gegnum það. Að þessu sinni er áhersla lögð á að auka öryggi í ferðum fólks að vetrarlagi, hvort sem er á vegum eða utan alfaraleiða.

Flutningaskipið Green Maloy strandaði í höfninni á Þórshöfn um 01:20 í nótt. Um er að ræða 5.000 tonna flutningaskip, 109 metra langt en skipið var á leið úr höfn þegar það strandaði. Varðskipið Þór var samstundis kallað út og sigldi á vettvang.  Skipið losnaði af sjálfsdáðum af strandstað um klukkan 04:00 í nótt og var þá varðskipinu Þór snúið við.

Landhelgisgæslunni barst í morgun tilkynning um að tundurdufl hefði borist í veiðarfæri BERGEY VE 544 úti fyrir Austfjörðum. Þyrla Landhelgisgæslunnar flaug með sprengjusérfræðinga LHG og búnað um borð í varðskipið Þór sem flutti þá áfram um borð í Bergeyju. Ekki var talin þörf á að flytja áhöfn Bergeyjar frá skipinu og gerðu sprengjusérfræðingar tundurduflið óvirkt um borð.

Þyrlan TF-SYN sem er í stórri skoðun í Noregi hefur nú verið máluð í nýjum áberandi lit sem til stendur að allar þyrlur LHG beri í framtíðinni. Landhelgisgæslan telur að þessi litur hæfi betur björgunarþyrlunum þar sem hann er mjög áberandi og auðkennandi fyrir björgunartæki.

Landhelgisgæslan tók í gærkvöldi þátt í leit sem fór fram við Reykjavíkurhöfn eftir að tilkynning barst um að maður hefði lent í sjónum. Maðurinn sást ganga út á varnargarðinn um klukkan 21:00 og þegar hann skilaði sér ekki til baka voru viðbragðsaðilar kallaðir út. Kafarar Landhelgisgæslunnar og áhöfn á harðbotna bátnum Leiftri voru við leit frá um 22:00 til 00:30 eða þar til leit var hætt.

Þjálfunarverkefnið „Iceland Air Meet 2014 (IAM 2014)” var formlega sett í morgun að viðstöddum yfirmönnum þjóðanna sem taka þátt í æfingunni og fulltrúum Landhelgisgæslunnar. Þátttakendur Iceland Air Meet 2014 (IAM2014) koma frá aðildarríkjum NATO þ.e. Íslandi, Noregi, Hollandi og Bandaríkjunum. Einnig taka þátt í æfingunni flugsveitir frá Finnlandi og Svíþjóð sem eru þátttakendur í samstarfinu Partnership for Peace. 

Víðtæk leit sem staðið hefur yfir frá því í gær á Faxaflóa hefur ekki borið árangur. Þyrla Landhelgisgæslunnar flaug í dag um svæðið og var ekkert sem vakti athygli þeirra sem gat hugsanlega tengst neyðarkallinu. Leit var frestað í um kl. 22:00 í gærkvöldi en þá höfðu um 200 manns verið við leit á sjó og landi í sjö klukkustundir..