Fréttayfirlit

Sjávarútvegsskóli Sameinuðu þjóðanna heimsótti LHG

Sérfræðingar frá samstarfsstofnunum Sjávarútvegsskóla Sameinuðu þjóðanna kynntu sér í morgun starfsemi Landhelgisgæslunnar, helstu verkefni á sviði fiskveiðieftirlits og fjareftirlitskerfi stjórnstöðvarinnar. Er hópurinn staddur hér á landi til að kynna sér lög um fiskveiðar, fiskveiðistjórnun og nýtingu auðlindarinnar.

Þyrla LHG sótti slasaðan vélsleðamann

TF-LIF_8625_1200

Þyrla Landhelgisgæslunnar var kölluð út kl. 12:42 að beiðni Neyðarlínunnar eftir að tilkynning barst um slasaðan vélsleðamann á Goðalandsjökli (á Mýrdalsjökli). TF-LIF fór í loftið kl. 13:20 og hélt beina leið á slysstað þar sem var lent kl. 13:59. Lenti þyrlan við Borgarspítala Háskólasjúkrahús í Fossvogi kl. 14:50.

Yfirmaður varnarmála í Danmörku heimsótti Landhelgisgæsluna

Yfirmaður varnarmála í Danmörku, General Peter Bartram heimsótti í morgun Landhelgisgæslu Íslands ásamt sendiherra Danmerkur á Íslandi, Frú Mette Kjuel Nielsen. Í fylgd þeirra voru yfirmenn höfuðstöðva varnarmála og flughers í Danmörku auk yfirmanns Arktisk Kommando á Grænlandi sem fer með stjórn björgunar-, öryggis og varnarmála á Norðurslóðum fyrir hönd Danmerkur.

Mikið fannfergi á Bolafjalli

Óvenju mikið fannfergi hefur verið í vetur á Bolafjalli þar sem Landhelgisgæslan annast rekstur ratsjárstöðvar. Að sögn starfsmanna Landhelgisgæslunnar í ratsjárstöðinni eru tæp 20 ár síðan þeir sáu síðast slíkt snjómagn á fjallinu. Sjá myndir frá snjómokstrinum sem segja meira en nokkur orð.

TF-SYN kom til landsins í nýjum lit

Þyrla Landhelgisgæslunnar TF-SYN er væntanleg til landsins í kvöld en síðastliðna mánuði hefur hún verið í umfangsmikilli skoðun og viðhaldi í Noregi.  Settur var í þyrluna nætursjónaukabúnaður sem gerir hana mun hæfari til leitar-, björgunar- og eftirlitsstarfa hér við land. Þyrlan var einnig máluð í nýjum áberandi appelsínurauðum lit sem til stendur að allar þyrlur Landhelgisgælunnar beri í framtíðinni.

Vinir Villa með forystu í Mottumars

Nokkrir af starfsmönnum Landhelgisgæslunnar hafa tekið þátt í söfnunarátakinu Mottumars undir liðsnafninu Vinir Villa. Þeir hafa nú náð öruggri forystu í átakinu en með því heiðra þeir minningu góðs vinar og samstarfsfélaga, Vilhjálms Óla Valssonar - Villa, stýrimanns og sigmanns hjá Landhelgisgæslunni, sem lést þann 30.mars 2013 eftir stranga baráttu við krabbamein.

Þyrla LHG fór í sjúkraflug í Flatey

GNA3_BaldurSveins

Þyrla Landhelgisgæslunnar var kölluð út kl. 22:05 í gærkvöldi að beiðni læknis í Stykkishólmi vegna alvarlegra veikinda í Flatey á Breiðafirði. TF-GNÁ fór í loftið kl. 22:51 og lenti í Flatey kl. 23:38.  Var maðurinn fluttur um borð í þyrluna sem fór að nýju í loftið kl. 23:53 og lenti við Borgarspítalann kl. 00:35.

Bilun kom upp í ferjuflugvél - TF-GNA fylgdi vélinni inn til lendingar

GNA2

Varðskip og þyrla Landhelgisgæslunnar voru í gær sett í viðbragðsstöðu vegna lítillar flugvélar sem var á leið frá Íslandi til Grænlands. Þyrlan TF-GNÁ var í æfingaflugi þegar aðstoðarbeiðnin barst og flaug tafarlaust til móts við flugvélina. Varðskipið Ægir sigldi til móts við staðsetningu flugvélarinnar og stjórnstöð Landhelgisgæslunnar kallaði út staðsetningu vélarinnar til skipa á svæðinu.

Þyrla danska varðskipsins í viðbragðsstöðu fyrir Landhelgisgæsluna

Thor_Lynx_eldsneyti

Lynx þyrla danska varðskipsins Hvidbjörnen hefur undanfarna daga verið á bakvakt fyrir þyrlur Landhelgisgæslunnar en skipið er hér við land vegna áhafnarskipta. Stafar það af því að TF-LÍF er í reglubundinni skoðun og TF-SYN er staðsett í Noregi vegna umfangsmikillar skoðunar og viðhalds sem fer senn að ljúka.

Samherji afhenti hjartastuðtæki fyrir þyrlur LHG

Útgerðarfyrirtækið Samherji á Akureyri afhenti í gær Landhelgisgæslunni að gjöf tvö hágæða hjartastuðtæki í tilefni af því að þann 9. mars voru tíu ár liðin frá því að þyrla Landhelgisgæslunnar TF-LÍF bjargaði sextán manna áhöfn fjölveiðiskipsins Baldvins Þorsteinssonar EA-10, sem strandaði í Skarðsfjöru á Suðurlandi, um þrjár sjómílur austur af Skarðsfjöruvita.

Veikur skipverji sóttur austur af Horni

TF-LIF_8434_1200

Landhelgisgæslunni barst kl. 09:05 í morgun aðstoðarbeiðni frá línuveiðiskipi, sem var staðsett um 20 sjómílur austur af Horni, vegna skipverja með brjóstverk. Eftir samráð við þyrlulækni var ákveðið að kalla út þyrlu Landhelgisgæslunnar og sigldi skipið á auknum hraða að landi.

Æfingaeldflaug kom í veiðarfæri

20130605_untitled_0051

Línuskipið Valdimar hafði í morgun samband við Landhelgisgæsluna vegna torkennilegs hlutar sem kom í veiðarfæri skipsins þegar það var staðsett um 40 sjómílur VNV af Reykjanesi. Ekki var mögulegt fyrir skipið að senda mynd af hlutnum en af lýsingu að dæma var talið að hluturinn væri æfingaeldflaug.

Landhelgisgæslan þakkar þjóðinni traustið

Samkvæmt Þjóðarpúlsi Gallup sem kom út í gær mælist Landhelgisgæslan með mest traust stofnana hér á landi eða 89 prósent. Er þetta fjórða árið í röð sem Landhelgisgæslan mælist með mest traust íslenskra stofnana.

TF-GNA sótti vélsleðamann sem slasaðist á Þorskafjarðarheiði

Þyrla Landhelgisgæslunnar TF-GNA, var kölluð út kl. 12:25  eftir að vélsleðamaður fór fram af snjóhengju á Þorskafjarðarheiði. Þyrlan fór í loftið kl. 12:45 og var haldið beint á staðinn. Þegar komið var á staðinn var björgunarsveit frá Reykhólum þegar komin á staðinn og var farin að hlúa að manninum.

Varðskipið Þór kominn til Reykjavíkur eftir tveggja mánaða fjarveru

Varðskipið Þór kom til hafnar í Reykjavík í gærmorgun eftir nærri átta vikna eftirlits- og löggæslu á hafsvæðinu umhverfis Ísland. Hófst leiðangurinn á suðvesturmiðum, austur- og norðausturmið þar sem farið var til eftirlits með loðnuveiðum. Var síðan haldið á suðausturmið og norður fyrir land.

Fjölbrautarskóli Suðurnesja heimsótti ÞÓR

Á dögunum komu í heimsókn um borð í varðskipið ÞÓR nemendur af vélstjórnabraut Fjölbrautarskóla Suðurnesja ásamt kennurum. Eins og gefur að skilja var áhugi þeirra mestur á því sem viðkemur vélbúnaði skipsins, fengu þeir miklar og góðar upplýsingar frá vélstjórnamönnum skipsins varðandi hina ýmsu þætti er snúa að getu skipsins

Síða 1 af 2