Fréttayfirlit

Áhöfnin á varðskipinu Ægi tekur þátt í hreinsun í friðlandi Hornstranda

Áhöfnin á varðskipinu Ægi tók í gær þátt í afar skemmtilegu verkefni sem fólst í hreinsun í friðlandi Hornstranda. Varðskipið og léttbátar þess ferjuðu sjálfboðaliða í land á Hornströndum og fluttu svo gríðarlegt magn af rusli til baka til Ísafjarðar eða alls 46 saltpoka. Hver saltpoki er um 1 rúmmetri og því um að ræða ótrúlegt magn af rusli sem hent hefur verið í sjó.

Varðskipið Ægir fær skemmtilega heimsókn frá krökkum í þriðja bekk Lundarskóla á Akureyri

Varðskipið Ægir fékk skemmtilega heimsókn nú í vikunni er eldhressir krakkar úr þriðja bekk Lundarskóla á Akureyri kíktu um borð. Varðskipið, sem þá var á Akureyri var að hefja eftirlitsferð en nú er Ægir við eftirlits- og löggæslustörf undan norðvesturlandi.

Þyrla Landhelgisgæslunnar kölluð út vegna strandaðs báts við Hópsnes

Stjórnstöð Landhelgisgæslunnar barst nú kl. 12:23 neyðarkall frá bátnum Gottlieb 2622 sem var vélarvana við Hópsnes á Reykjanesi. Rak bátinn hratt að landi. Fjórir skipverjar voru um borð. Þegar í stað var þyrla Landhelgisgæslunnar kölluð út sem og björgunarsveitir á Suðurnesjum og björgunarskip Slysavarnarfélagsins Landsbjargar. Þá var samhæfingarstöðin einnig virkjuð.

Varðskipið Þór við eftirlit á úthafskarfamiðum

Varðskipið Þór er nú statt við eftirlit á úthafskarfamiðunum við 200 sjómílna mörk efnahagslögsögunnar á Reykjaneshrygg.  Samkvæmt samningi Norður-Atlantshafsfiskveiðinefndarinnar (NEAFC) máttu veiðarnar hefjast á miðnætti aðfaranótt sunnudagsins 10. maí. 

Þyrla Landhelgisgæslunnar, TF-LIF sækir slasaðan vélsleðamann

Stjórnstöð Landhelgisgæslunnar barst kl. 13:42 í dag beiðni um aðstoð þyrlu vegna fjórhjólaslyss í Réttarhnjúk, skammt frá Glaðheimum í Jökuldal en þar hafði einn maður slasast. Þar sem slysstaður var langt frá byggð var talið nauðsynlegt að fá þyrlu á staðinn.

Áhöfnin á Tý bjargar 328 manns af tveimur litlum bátum

Varðskipið Týr siglir nú til Sikileyjar með 328 flóttamenn sem áhöfnin bjargaði af tveimur bátum norður af Líbíu. Um var að ræða 236 manns á trébát og hinsvegar 92 á litlum gúmmíbát. Tæplega 70 konur og börn voru í hópnum.