Fréttayfirlit

Umfangsmikil leit að frístundabát sem hvarf úr tilkynningarskyldukerfi 

Umfangsmikil leit hófst í gær að frístundaveiðibát sem gerður er út af sunnanverðum Vestfjörðum. Báturinn sem leigður er til erlendra ferðamanna til sjóstangveiða hvarf úr sjálfvirku tilkynningarskyldukerfi Landhelgisgæslunnar upp úr klukkan 16:00.

Þór kemur með Lagarfoss til hafnar í Reykjavík

Varðskipið Þór kom með Lagarfoss til hafnar í Reykjavík um áttaleytið í morgun. Verkefnið gekk vel en Lagarfoss er stærsta skip sem varðskipið Þór hefur dregið til þessa og sannaði varðskipið gildi sitt í þessu verkefni.

Ferð varðskipsins Þórs með Lagarfoss í togi gengur vel

Varðskipið Þór er nú vestur af Surtsey með flutningaskipið Lagarfoss í togi. Stýrið á Lagarfoss bilaði djúpt suður af landinu í fyrradag og var Þór sendur honum til aðstoðar. Ferð skipanna gengur vel og örugglega.

Varðskipið Þór til aðstoðar flutningaskipinu Lagarfoss

Varðskipið Þór er á leið til aðstoðar flutningaskipinu Lagarfoss sem er með bilað stýri um 90 sjómílur suðaustur af Dyrhólaey. Ráðgert er að Þór verði hjá Lagarfoss um kl.05:00 í nótt og dragi Lagarfoss til Reykjavíkur.

Leit hefur verið hætt nema frekari vísbendingar komi fram

Leit hefur nú verið hætt sem fram hefur farið í dag í kjölfar neyðarkalls sem barst á rás 16 í gegnum sendi á Höfn í Hornafirði.

Enn leitað vegna neyðarkalls sem barst í dag

_MG_0659

Landhelgisgæslan hefur í dag leitað ítarlega með þyrlu sem og með aðstoð lögreglu og Slysavarnarfélagsins Landsbjargar að ástæðu neyðarkalls sem barst stjórnstöð Landhelgisgæslunnar tæplega hálftvö í dag á rás 16 í gegnum sendi við Höfn í Hornafirði.

Víðtækt útkall vegna neyðarskeytis - ástæður ókunnar

Klukkan 13:17 heyrði stjórnstöð Landhelgisgæslunnar neyðarkall á rás 16 í gegnum sendi við Höfn í Hornafirði. Engar upplýsingar liggja fyrir um hver sendir neyðarkallið en þyrla Landhelgisgæslunnar, björgunarskip Slysavarnarfélagsins Landsbjargar, lögregla og varðskipið Þór eru á leið á vettvang til leitar. Ef einhverjir hafa nánari upplýsingar eru þeir vinsamlegast beðnir um að hafa umsvifalaust samband við stjórnstöð Landhelgisgæslunnar í síma 545-2100 eða við lögreglu.

Hressir krakkar heimsækja varðskipið Ægi

Varðskipið Ægir fékk skemmtilega heimsókn á dögunum er hópur af hressum krökkum sem sækja sumarnámskeið á Sauðárkróki kíkti um borð. Varðskipið Ægir er sem stendur við bryggju á Sauðárkróki og er unnið við margvísleg viðhaldsstörf um borð.

Þyrla Landhelgisgæslunnar sækir tvo erlenda ferðamenn sem festust á flæðiskeri

Stjórnstöð Landhelgisgæslunnar barst beiðni klukkan 16:13 í dag frá fjarskiptamiðstöð lögreglu um aðstoð þyrlu vegna tveggja erlendra ferðamanna sem fastir voru á flæðiskeri á sunnanverðu Snæfellsnesi og flæddi hratt að.

Loftrýmisgæsla Atlantshafsbandalagsins hefst 23. júlí með flugsveit tékkneska flughersins

Loftrýmisgæsla Atlantshafsbandalagsins við Ísland hefst að nýju fimmtudaginn 23. júlí með komu flugsveitar tékkneska flughersins. Alls munu um 70 liðsmenn taka þátt í verkefninu og til viðbótar starfsmenn frá stjórnstöð NATO í Uedem, Þýskalandi (Combined Air Operations Center).

Varðskipið Þór í sjúkraflutningum á Hornströndum

Varðskipið Þór er nú á leið í Veiðileysufjörð í Jökulfjörðum til að sækja slasaða konu sem þar var á ferðalagi. Varðskipið var statt við utanvert Ísafjarðardjúp og er áætlað að það verði komið á vettvang nú fljótlega upp úr kl. 18:00. 

Þyrlan TF-LIF á leið upp á Arnarvatnsheiði að slökkva kjarr- og mosaelda

Lundarreykjadalur_sinubruni3

Þyrla Landhelgisgæslunnar, TF-LIF er nú á leið upp á Arnarvatnsheiði til að slökkva kjarr- og mosaelda. Beiðni barst frá lögreglunni í Borgarnesi um aðstoð þyrlu við slökkvistörfin en ekki er hægt að komast að eldinum með dælubílum.

Tvær þyrlur Landhelgisgæslunnar í sjúkraflugi

Tvær þyrlur Landhelgisgæslunnar, TF-LIF og TF-GNA eru nú í sjúkraflugi. Stjórnstöð Landhelgisgæslunnar barst rétt fyrir hálffimm í dag beiðni um aðstoð þyrlu vegna hjartveiks manns vestast á Snæfellsnesi. Stuttu síðar barst önnur beiðni vegna hjartveiks ferðamanns sem staddur var á Hornbjargi.

Varðskipið Týr í slipp - ber aldurinn vel þrátt fyrir atgang í gegnum árin

Varðskipið Týr er nú í slipp hjá Stálsmiðjunni og er áætlað að verkið taki um þrjár vikur. Um er að ræða slipptöku sem fyrirhuguð var á þessum tíma til að gera margvíslegar endurbætur á skipinu en um leið verður gert við þær skemmdir sem urðu á Tý er siglt var á varðskipið í Reykjavíkurhöfn fyrir skemmstu.