Fréttayfirlit

Þyrlan sótti slasaðan mann í Þistilfirði

Þyrla LHG flutti í gærkvöld mann sem slasaðist á fjórhjóli í Þistilfirði á sjúkrahús á Akureyri. Beiðni um aðstoð þyrlu vegna týndra fjárleitarmanna á Ströndum var afturkölluð. 

Hrósmiðar og hamborgarar á starfsmannafundi

Hrósmiðar og hamborgarar settu svip sinn á fjölsóttan starfsmannafund Landhelgisgæslunnar sem haldinn var í gær í flugskýli 2 á Reykjavíkurflugvelli. Þar var meðal annars kynnt tillaga að nýju skipuriti og stórafmælisbörn heiðruð.

Umhverfisvænn Týr eins og nýr

Varðskipið Týr er eins og nýtt eftir að hafa fengið hressilega yfirhalningu í slippnum á Akureyri. Skipsbotninn var málaður með sérstakri silíkonmálningu sem er mun umhverfisvænni en aðrar tegundir botnmálningar. Með endurbótunum verður skipið sparneytnara og mengar minna. 

Þór hafði afskipti af farþegabáti

Varðskipið Þór hafði afskipti af farþegabáti á sundunum á Kollafirði í gærkvöld. Haffærisskírteini bátsins var útrunnið, lögskráningu áhafnar ábótavant og um borð voru næstum því fjórfalt fleiri farþegar en áður útgefið farþegaleyfi heimilaði. 

Lögfræðingar í sjómælingatúr

Í vikunni fór fram hér á landi málstofa á vegum NATO Center of Exellence of Operations in Confined and Shallow Waters. Á þriðja tug lögfræðinga frá aðildarríkjunum tóku þátt og fórur nokkrir þeirra í siglingu um Kollafjörð með sjómælingabátnum Baldri. 

Sjávarfallatöflur og almanak 2018 komin út

Sjávarfallatöflur fyrir árið 2018 eru komnar út. Sjávarfallaalmanak fyrir árið 2018 er sömuleiðis komið út. Sjávarfallatöflurnar hafa að geyma sjávarfallaspá fyrir Reykjavík, Ísafjörð, Siglufjörð, Djúpavog og Þorlákshöfn.

Vel heppnuð Northern Challenge-æfing

Northern Challenge 2017, alþjóðlegri æfingu sprengjusérfræðinga sem fram fór hér á landi, lauk undir lok nýliðinni viku. Er það mál þeirra sem að æfingunni komu að hún hefði heppnast einstaklega vel en aldrei hafa svo margir tekið þátt í henni.

Yfir tuttugu túnfiskveiðiskip suður af landinu

Á þriðja tug erlendra skipa eru nú á túnfiskveiðum á samningssvæði Norðaustur-Atlantshafs fiskveiðinefndarinnar, NEAFC-svæðinu svonefnda, suður af íslensku lögsögumörkunum. Þetta kom í ljós í eftirlitsflugi flugvélar Landhelgisgæslunnar í vikunni. 

LHG á starfsgreinakynningu á Suðurnesjum

Fulltrúar Landhelgisgæslunnar voru á meðal þeirra sem kynntu grunnskólanemendum á Suðurnesjum og öðrum áhugasömum starfsemi sína í vikunni. Samband sveitarfélaga á Suðurnesjum gekkst fyrir viðburðinum. 

Viðurkenningar veittar vegna skútubjörgunar

Áhöfn rannsóknaskipsins Árna Friðrikssonar, flugmenn flugvélar Isavia og stjórnandi og varðstjórar í stjórnstöð LHG hlutu í morgun viðurkenningu bandarísku strandgæslunnar fyrir þátt sinn í björgun áhafnar bandarísku skútunnar í sumar. 

Ísbreiðan óvenju norðarlega í ár

Ísbreiðan á Norðurskautinu er talsvert norðar en hún var um sama leyti í fyrra. Á sama tíma hafa margar tilkynningar borist frá sjófarendum um borgarísjaka norðvestur af landinu. 

Þyrlan skutlaði skólabörnum heim

Þyrlusveit LHG hafði í mörg horn að líta á flóðasvæðunum suðaustanlands í nýliðinni viku. Um tíma voru báðar þyrlurnar á vettvangi og sinntu áhafnir þeirra margvíslegum verkefnum. 

Alþjóðleg æfing sprengjusérfræðinga hafin

Northern Challenge 2017 hófst í morgun á Suðurnesjum og stendur æfingin í tvær vikur. 33 lið frá 15 ríkjum taka þátt að þessu sinni en æfingin fer fram hér á landi árlega.