Mælingar við Surtsey frá 1967 - 2007
40 ár frá fyrstu mælingum
Miðvikudagur 8. ágúst 2007
Nýverið var mælingabáturinn Baldur við mælingar umhverfis Surtsey og eyjarnar norðaustur af henni en í ár eru 40 ár liðinn frá fyrstu mælingum við eyjuna. Veðrið var mjög gott allan tímann og heppnuðust mælingarnar mjög vel. Úrvinnslu gagna er ekki lokið en hér má sjá mynd eftir bráðabirgða úrvinnslu af svæðinu umhverfis Surtsey. Ef vel er að gáð þá sést að hrunið úr grynningunum norður og austur af rananum.
Jólnir sést suðvestan við Surtsey og Syrtlingur og Surtla norðaustan við. Austast sést í syðsta hluta Geirfuglaskershrauns og neðst til hægri sést í Stórahraun.
Árið 1964 voru gerðar mælingar á v/s Albert í kringum Surtsey án þess að mælt væri næst eyjunni enda gosið ekki afstaðið.
Fyrstu mælingar, næst Surtsey, voru gerðar eftir lok gossins í júlí 1967 á léttabát frá breska rannsóknarskipinu Heclu.
Mælt var mælingabátnum Tý 1973.
Þrívíddarmynd af mælingum sem voru gerðar á Baldri júlí árið 2000
Hér að neðan er svo nokkrar af þeim myndum sem teknar voru af áhöfn Baldurs við mælingar í sumar.
Surtsey, séð úr vestri.
Geirfuglasker.
Hæna, Hani og Hrauney.
„Fíllinn“ í vestanverðri Heimaey.
Þrídrangar með Surtsey í baksýn.
Hilmar Helgason
Framkvæmdastjóri Sjómælingasviðs LHG