Björgunarskýli flutt á Hornstrandir
Miðvikudagur 8. september 2010
Varðskip og þyrla Landhelgisgæslunnar fluttu í gær neyðarskýli fyrir Björgunarfélag Ísafjarðar að Hlöðuvík á Hornströndum. Var skýlið flutt um borð í varðskipið á mánudag þegar það var statt á Ísafirði. Í gær kom svo TF-LÍF, þyrla Landhelgisgæslunnar á staðinn og flutti hún neyðarskýlið af þilfari skipsins og í land í Hlöðuvík. Skýlið vegur um 600 kg en við flutninginn var notaður sling búnaður sem hengdur er neðan í þyrluna. Með í för voru Georg Kr. Lárusson forstjóri Landhelgisgæslunnar og Jón Björnsson landvörður á Hornströndum.
Meðan á leiðangrinum stóð var hægviðri, skyggni lélegt sunnan Snæfellsnes sökum öskufjúks en annars þokkalegt.
Hífistroffum komið á björgunarskýlið.
TF-LIF á leið til varðskipsins frá Hlöðuvík
Verið að tengja slingkapal við hífistroffur.
TF-LIF að byrja að lyfta björgunarskýlinu af þyrlupalli.
TF-LIF á leið frá varðskipinu.
TF-LIF á leið í land með skýlið.
Myndir frá áhöfn v/s TÝR