Siglingaviðvörun send út vegna hvalhræs
Föstudagur 25. mars 2011
Landhelgisgæslunni barst í gær tilkynning frá togara um hvalhræ sem kom í veiðarfærin um 6 sml. suður af Selvogsvita. Kom hræið í trollið sem rifnaði og varð að sleppa því í sjóinn. Siglingaviðvaranir voru í kjölfarið sendar út en hræið getur verið hættulegt minni bátum. Er það um 20 metra langt, stendur upp úr sjónum og er vel sjáanlegt. Rekur það í vestur.
Myndir Drangavík/Hilmar Jón Stefánsson