Fyrstir núverandi stýrimanna Gæslunnar til að útskrifast sem neyðarflutningamenn

Nýverið útskrifuðust tveir stýrimenn Landhelgisgæslunnar, Henning Þór Aðalmundsson og Hreggviður Símonarson sem neyðarflutningamenn frá Sjúkraflutningaskólanum. Hafa þeir þar með bæði lokið grunnnámi í sjúkraflutningum EMT-Basic og framhaldsnámi sem er námskeið í neyðarflutningum EMT-Intermediet.

Henning og Hreggviður ánægðir með útskriftarskýrteinin

Í ræðu sem Henning flutti við útskrift námskeiðisins sagði hann þá félaga njóta þeirra forréttinda að vera fyrstir starfsmanna LHG til að ljúka þessu námi.  Báðir starfa sem stýrimenn og sigmenn á þyrlum Landhelgisgæslunnar.  Starf  í þyrluáhöfn reynir á getu til samvinnu, snerpu og fumlausra viðbragða við oft afar erfiðar aðstæður eins og allir sjúkraflutningamenn þekkja vel.  Forsenda þess að starfa sem sigmaður á þyrlunum er að hafa lokið grunnnámi í sjúkraflutningum.  Með þeirri ákvörðun Landhelgisgæslunnar að senda nú sjúkraflutningamenn í frekara nám á þessum vettvangi hefur Landhelgisgæslan stigið skrefinu lengra í þeim tilgangi að tryggja sem best öryggi þeirra sem eru sjúkir eða slasaðir um borð í þyrlum.

Hópurinn sem útskrifaðist af námskeiði í neyðarflutningum

Allur hópurinn sem lauk grunn- og framhaldsnámi í neyðarflutningum.

Henning flytur ræðu við útskriftina

Henning tekur á móti útskriftarskírteini sínu

og Hreggviður fær sitt skírteini afhent.