Erlent fréttaefni um Northern Challenge
Mánudagur 31. október 2011
Nú er komið út erlent fréttaefni vegna æfingarinnar Northern Challenge sem fór fram hér á landi í byrjun október. Northern Challenge er alþjóðleg æfing sprengjueyðingarsveita sem fer fram árlega á svæði Landhelgisgæslunnar við Keflavík og á fyrrum varnarsvæðum utan Keflavíkurflugvallar, svo sem í höfninni í Helguvík og Patterson svæðinu. Æfingin er mikilvægur þáttur í þjálfun sprengjusérfræðinga en þátttakendur hennar eru oft á tíðum teymi á leið til friðargæslu. Landhelgisgæsla Íslands og NATO standa fyrir æfingunni.
Sjá efni frá NATO channel
Efni frá bandarískum þátttakendum
Æfingin í ár var haldin í ellefta skipti og tóku samtals átta þjóðir þátt í henni, Danmörk, Noregur, Svíþjóð, Þýskaland, Austurríki og Bandaríkin, auk sprengjueyðingarsveitar Landhelgisgæslunnar. Sprengjusérfræðingar frá Belgíu og Ítalíu fylgdust auk þess með framkvæmd æfingarinnar. Margir aðrir aðilar frá Landhelgisgæslunni sem og öðrum íslenskum stofnunum komu að, má þar nefna þyrludeild, köfunardeild, varðskipadeild, Ríkislögreglustjóra, Slökkvilið Höfuðborgarsvæðisins og Keflavíkurflugvallar.