Hættuástandi aflýst í Meðallandsbugt
Laugardagur 19. maí 2012 kl. 00:50
Landhelgisgæslan hefur nú aflýst hættuástandi í Meðallandsbugt og er línubáturinn Páll Jónsson GK7 kominn með Kristbjörgu VE-071 í tog og gengur vel, skipin fjarlægjast land.
Björgunarskip Slysavarnarfélagsins Landsbjargar frá Vestmannaeyjum og Höfn, björgunarsveitir af Suðurlandi og nærstaddir bátar sem komnir voru til aðstoðar eru nú á leið af svæðinu. Einnig mun þyrla Landhelgisgæslunnar fljótlega halda til Reykjavíkur.