Stjórnstöðvar þjálfa viðbrögð við flugatvikum
Fimmtudagur 25. október 2012
Undanfarið hafa varðstjórar stjórnstöðar Landhelgisgæslunnar (JRCC Ísland), sjóbjörgunarmiðstöðvarinnar í Færeyjum (MRCC Tórshavn) og úthafsflugstjórnarmiðstöðvar ISAVIA (Reykjavík OACC) æft og þjálfað samskipti sín á milli.
Megintilgangur þessarar æfinga er að þjálfa starfsmenn stöðvanna í að skiptast á upplýsingum vegna flugatvika sem geta komið upp á ábyrgðasvæði hvers og eins. Þjálfunin felst helst í miðlun, greiningu og úrvinnslu gagna.
Þessi þjálfun byggir m.a. á samstarfssamningi Isavia ohf. og Landhelgisgæslu Íslands um leitar- og björgunarþjónustu, JRCC fyrir sjófarendur og loftför og samstarfssamningi milli Íslands og Færeyja vegna leitar og björgunar.
Stjórnstöð Landhelgisgæslunnar - JRCC Ísland
Sjóbjörgunarmiðstöðin í Færeyjum (MRCC Tórshavn)
Úthafsflugstjórnarmiðstöð ISAVIA (Reykjavík OACC)
Staðsetningar merktar inn á kort.