Umtalsverð fjölgun útkalla hjá þyrlum Landhelgisgæslunnar

Miðvikudagur 17. September 2013

Útköllum hjá þyrlum Landhelgisgæslunnar hefur fjölgað ört síðastliðin ár og sýna niðurstöður fyrir fyrstu átta mánuði ársins fjölgun um 28 prósent miðað við sama tímabil í fyrra. Að vissu leyti má rekja þessa miklu fjölgun útkalla til aukinnar ferðamennsku og fjölgunar ferðamanna til landsins.

Þegar tekið er saman meðaltal útkalla flugdeildar Landhelgisgæslunnar fyrstu 8 mánuði ársins sl. 10 ár  og fjöldi þeirra borinn saman við fjölda í útkalla í ár kemur í ljós 40% aukning útkalla.

	2003	2004	2005	2006	2007	2008	2009	2010	2011	2012	2013
Útköll loftfara t.o.m. 20 ágúst  2003-2013 (rúmir 8 mán. ár hvert)	99	84	91	75	127	104	94	134	134	116	148

 

Þessi mikla aukning í útköllum hefur orðið til þess að hlutfall reksturs flugdeildar Landhelgisgæslunnar hefur vaxið umtalsvert undanfarin ár. Hefur það kallað á endurskipulagningu allra eininga LHG með tilliti til fjárheimilda. Aukning í flugi hefur bein áhrif til aukningar útgjalda og vegna þess hefur m.a. orðið að draga úr siglingum varðskipanna.

Eftir sem áður er leitast við að hafa ávallt varðskip til taks með vel þjálfaðri áhöfn fyrir öryggi landsmanna og sjófarenda. Fræðsla og ýmsar æfingar eru skipulagðar reglulega, á sjó og landi, bæði með innlendum jafnt sem erlendum samstarfsaðilum, m.a. reykköfunaræfingar, þjálfun í notkun mengunarbúnaður, köfunaræfingar, þyrluæfingar, fjarskiptaæfingar, eldvarnaæfingar o.fl. Til að auka viðbragðið eru varðskip nú staðsett á tveimur stöðum, annars vegar í Reykjavík og hins vegar á Norðausturhorni landsins til að geta fyrr brugðist við áföllum á þeim hluta hafsvæðisins.

Myndir Árni Sæberg