Varðskipið Týr eina íslenska skipið á sjó yfir hátíðarnar
Miðvikudagur 24. desember 2014
Landhelgisgæsla Íslands óskar landsmönnum öllum gleðilegrar jólahátíðar. Engin íslensk fiskiskip verða á sjó yfir jólin en samkvæmt varðstjórum í stjórnstöð Landhelgisgæslunnar verða nokkur erlend leigu- og fragtskip á siglingu innan íslenska hafsvæðisins.
Eina íslenska skipið sem verður á sjó yfir hátíðarnar er varðskipið Týr sem er við eftirlit á Miðjarðarhafi vegna verkefna fyrir Landamærastofnun Evrópusambandsins, Frontex. Áhöfn varðskipsins sendir samstarfsmönnum og landmönnum öllum jólakveðju.
Áhöfn Týs yfir jólin. Áhafnarskipti verða milli jóla- og nýárs.