Samæfing varðskipa og þyrlu

Varðskipið Þór og Týr æfðu saman á Faxaflóa í vikunni.

  • Samaefing-vardskipa-dagur-2-5-Nota

13.9.2019 

Áhafnir varðskipanna Þórs og Týs héldu sameiginlegar leitar- og björgunaræfingar á Faxaflóa í vikunni. Æfingin var liður í að stilla saman strengi áhafna beggja varðskipa en ein af þyrlum Landhelgisgæslunnar tók sömuleiðis þátt.

Í fyrsta hluta æfingarinnar, sem fram fór á miðvikudag, fengu áhafnirnar upplýsingar um að lítillar flugvélar væri saknað og að þeir sem í vélinni voru væru líklega í björgunargöllum. Leit að áhöfn flugvélarinnar var skipulögð og gekk vel.

Jafnframt var leitað að „kajakræðara“ sem hafði ekki skilað sér til Akraness á tilsettum tíma eftir að hafa róið frá Borgarnesi nokkrum tímum áður. Alls voru fjórir bátar sendir til leitar með ströndinni að austanverðu frá Landhólma og að brottfararstað. TF-GRO, þyrla Landhelgisgæslunnar, aðstoðaði við leitina. Eftir nokkra leit fannst „kajakræðarinn“ í sjónum og var fluttur um borð í varðskipið Þór til aðhlynningar.

Á fimmtudag fóru svo fram dráttaræfingar þegar Þór var tvívegis tekinn í tog af varðskipinu Tý.

Æfingar sem þessar eru sérlega mikilvægar og heppnuðust afar vel. Meðfylgjandi myndir tók Guðmundur St. Valdimarsson.

Samaefing-vardskipa-dagur-1-2-NotaÁhafnirnar að störfum á æfingunni.Samaefing-vardskipa-dagur-1-24-NotaVarðskipið Þór í öllu sínu veldi.Samaefing-vardskipa-dagur-1-13-NotaLéttbátur af varðskipinu Tý.Samaefing-vardskipa-dagur-2-13-NotaÞór tekinn í tog.Samaefing-vardskipa-dagur-2-2-NotaÆfingin gekk afar vel. Samaefing-vardskipa-dagur-2-1-NotaBræðurnir Þór og TýrSamaefing-vardskipa-dagur-1-6-NotaMyndir: Guðmundur St. Valdimarsson.