Varðskipið Þór til taks í Ísafjarðardjúpi
arðskipið Þór er til taks í Ísafjarðardjúpi ef á þarf að halda.
10.12.2019 Kl: 11:15
Varðskipið Þór er til taks í Ísafjarðardjúpi ef á þarf að halda en skipið hefur sinnt eftirliti á hafsvæðinu umhverfis landið undanfarna daga. Þá eru þyrlur Landhelgisgæslunnar sömuleiðis til taks í Reykjavík. Eins og gefur að skilja er lítil skipaumferð á Vestfjörðum. Fjögur skip eru undir Grænuhlíð og eitt tankskip er á leið fyrir Hornbjarg og fer suður með Vestfjörðum.
Engin skipaumferð er á miðunum norður af landinu en stjórnstöð Landhelgisgæslunnar fylgist vel með skipaumferð umhverfis landið allt.
Meðfylgjandi myndbönd voru tekin af áhöfn varðskipsins Þórs þegar skipið var út af Dýrafirði snemma í morgun. Eins og sjá má var þá farið að hvessa hressilega á Vestfjarðamiðum og gekk sjórinn yfir varðskipið.
Varðskipið Þór á Vestfjarðamiðum
Áhöfnin á varðskipinu Þór tók meðfylgjandi mynd.