Fréttayfirlit: október 2006
Hollvinasamtök Óðins
Föstudagur 27. október 2006
Í gær voru stofnuð Hollvinasamtök Óðins. Fjölmenni mætti á stofnfundinn sem haldinn var í Víkinni, sjóminjasafni Reykjavíkur.
Myndir af þyrlusveit
Fimmtudagur 26.október 2006
Þrjár þyrlur LHG fóru til móts við flugvél sem tilkynnt hafði um bilaðan hreyfil í gær. Flugvél LHG var undirbúin undir björgunarflug og varðskipið Týr fór til móts við flugstefnu vélarinnar.
Viðbrögð Landhelgisgæslunnar við tilkynningu um flugvél með bilaða hreyfla
Miðvikudagur 25. október 2006
Kl. 14:59 barst Vakstöð siglinga/Stjórnstöð Landhelgisgæslunnar
upplýsingar um að flugvél frá Continental flugfélaginu væri með bilaða hreyfla.
Aðalmeðferð Sancy málsins
Miðvikudagur 11. október 2006
Þriðjudaginn 10. október fór fram aðalmeðferð í opinberu máli sem lögreglustjórinn á Eskifirði höfðaði gegn Elnar Holm skipstjóra færeyska togarans Sancy TG-519 fyrir að hafa 18. júní sl. óhlýðnast fyrirmælum varðskipsins Óðins og tálmað skipverjum varðskipsins uppgöngu í togarann.
Hann var jafnframt, ásamt Vagnar Joensen stýrimanni, ákærður fyrir fiskveiðbrot í íslenskri lögsögu.
Við aðalmeðferð málsins báru 11 starfsmenn Landhelgisgæslunnar sem að málinu komu vitni. Meðfylgjandi myndir eru af starfsmönnum Landhelgisgæslunnar í Héraðsdómi Austurlands á Egilsstöðum og á Egilsstaðaflugvelli.
Tilkynning frá Landhelgisgæslunni
Miðvikudagur 11. október 2006
Vegna komu bandaríska herskipsins Wasp til Reykjavíkur sem mun leggjast að bryggju við Skarfabakka mun svæðið umhverfis bryggjuna verða lokað fyrir skipa- og bátaumferð frá miðvikudeginum 11. október fram til brottfarar skipsins. Varðbáturinn Baldur mun verða með gæslu á lokunarsvæðinu. Stjórnendur skipa og báta sem leið eiga um Viðeyjarsund er bent á að Landhelgisgæslan verður með hlustvörslu á rás 12 VHF um borð í Baldri.
Landhelgisgæslan fær flugrekstarleyfi
Mánudagur 9.október 2006
Föstudaginn 6. október sl. fékk Landhelgisgæsla Íslands útgefið flugrekstrarleyfi hjá Flugmálastjórn. Leyfið hefur mikla þýðingu fyrir stofnunina og býður upp á ýmsa möguleika varðandi störf stofnunarinnar til framtíðar. Flugrekstrarleyfi er grundvöllur þess að erlend fyrirtæki fáist til að leigja loftför til Landhelgisgæslunnar en eins og kunnugt er stendur til að stofnunin fái 3 þyrlur leigðar.
Vs/ Týr kemur til landsins eftir endurbætur
Mánudagurinn 10. október 2006
Vs/ Týr kom til landsins nú fyrir helgi eftir viðamiklar endurbætur í Póllandi. Blaðamannafundur var haldinn um borð föstudaginn 6. október til að kynna breytingarnar. Björn Bjarnason dóms- og kirkjumálaráðherra var viðstaddur ásamt fulltrúum ráðuneytisins og starfsmönnum Landhelgisgæslunnar.
Landhelgisgæslan fær flugrekstarleyfi og ný þyrla kemur
Mánudagur 9. október 2006
Laugardaginn 7. október var því fagnað í flugskýli Landhelgisgæslunnar að stofnunin hefur fengið flugrekstrarleyfi frá Flugmálastjórn Íslands. Við sama tækifæri var tekið á móti nýrri Puma þyrlu Landhelgisgæslunnar, en hún er tekin á leigu hjá norska fyrirtækinu AirLift.
Björn Bjarnason dóms- og kirkjumálaráðherra, Georg Kr. Lárusson forstjóri Landhelgisgæslunnar og Pétur K. Maack framkvæmdastjóri Flugöryggissviðs Flugmálastjórnar héldu ræður við þetta tilefni.
Gústi í Papey
Margvísleg verkefni Landhelgisgæslunnar
Mánudagur 2. október 2006
Starfsmenn Landhelgisgæslunnar fóru um daginn með starfsmenn Rannsóknarnefndar flugslysa norður fyrir Vatnajökul, að Gæsavatni á TF LIF. Þar hafði TF-LEO brotlent og verið var að rannsaka atvikið. Engin slys urðu á mönnum við óhappið.