Fréttir

Stórstreymt um Jólin - fullt tungl á Aðfangadag - 20.12.2007

Sjavarhaed_flod
Fimmtudagur 20. desember 2007

Landhelgisgæsla Íslands – Sjómælingasvið vill vekja athygli á því að fullt tungl er á Aðfangadag og að vanda, stórstreymi því samfara. Það er því ástæða fyrir sjómenn og aðra að fylgjast vel með veðurspá og loftþrýstingi. Lesa meira

Landhelgisgæsla Íslands og Landmælingar Íslands gera með sér samstarfssamning um landupplýsingar - 19.12.2007

Samstarfssamn_LHG_LMI_GLar_MGudm_18122007

Miðvikudagur 19. desember 2007


Í gær undirrituðu forstjórar Landhelgisgæslu Íslands og Landmælinga Íslands samstarfssamning um landupplýsingar. Markmið samningsins er að auka samstarf stofnananna á sviði kortagerðar, landfræðilegra upplýsingakerfa, landmælinga og til að samnýta sérþekkingu og gögn. Stofnanirnar munu koma sér saman um sameiginlega verkefnaskrá er varðar þessi atriði. Einnig munu þær sameignlega vekja athygli á gildi landupplýsinga á Íslandi. Gengið var frá verkefnaskrá fyrir komandi starfsár sem innifelur meðal annars þarfagreiningu vegna söfnunar gagna til kortagerðar af Breiðafirði og frumvinnu vegna sameiginlegrar skilgreiningar á strandlínu Íslands.

Lesa meira

Landhelgisgæsla Íslands gerir samstarfssamning við skipaumferðarmiðstöðina í Vardö í Noregi - 14.12.2007

risaoliuskipid_dundee_feb_2003
Föstudagur 14. desember 2007

Landhelgisgæsla Íslands gerði í vikunni samstarfssamning við Vardö VTS (e.vessel traffic service), sem er skipaumferðarmiðstöð í norður-Noregi, sem vaktar meðal annars, alla skipaumferð á hafsvæðinu undan norður og norðvestur Noregi.

Starfssemi stöðvarinnar hófst 1.janúar á þessu ári. Megin hlutverk Vardö VTS að fylgjast með allri skipaumferð á stóru svæði undan NV-strönd Noregs og einnig að bregðast við ef hættuástand skapast, t.d. ef skip verða fyrir vélarbilun, þá bregst stöðin við því með dráttarskipum sem tiltæk eru hverju sinni. Lesa meira

Súlan EA 300 strandar við innsiglinguna til Grindavíkur - 7.12.2007

Föstudagur 7. desember 2007

Í dag klukkan 09:55 barst Vaktstöð siglinga/ Stjórnstöð Landhelgisgæslunnar tilkynning um að Súlan EA 300 væri strand vestan við innsiglinguna til Grindavíkur. Björgunarskip Slysavarnafélagsins Landsbjargar Oddur V. Gíslason og björgunarbátarnir Villi, Árni í Tungu og Áskell voru tafarlaust sendir á staðinn. Varðskip var sent áleiðis semog þyrla Landhelgisgæslunnar. Fljótlega tókst að koma taug frá Oddi V. í Súluna og eru skipin nú á leið til Grindavíkurhafnar.

Lesa meira

Áhöfn Vs. Ægis og varð- og stýrimenn úr flugdeild LHG á námskeiði hjá Slökkviliði Höfuðborgarsvæðisins - 6.12.2007

Slokkvinamsk_LHG_SHS_03122007_eldur1
Fimmtudagur 6. Desember 2007

Síðastliðinn þriðjudag, 3. desember, tók áhöfn varðskipsins Ægis ásamt stýrimönnum og vaktmönnum úr flugdeild þátt í námskeiði og æfingum í fyrstu hjálp og slökkvistörfum hjá Slökkviliði Höfuðborgarsvæðisins (SHS). Lesa meira

Nýtt sjókort af Austfjörðum - 6.12.2007

Sjomael_k73_ny_utg_06122007_nytt_kort
Fimmtudagur 6. desember 2007

Nýtt sjókort af Austfjörðum er komið út. Kortið sem heitir Glettinganes – Hlaða og er nr. 73 nær frá Glettinganesi, sunnan Borgarfjarðar eystri að Hlöðu í Breiðdalsvík og er í mælikvarðanum 1:100 000. Það leysir af hólmi eldra kort með sama nafni og númeri . Gamla kortið var gefið út af „det kongelige Søkort-Arkiv“ í Kaupmannahöfn í október 1944. Dýptarmælingarnar sem sú útgáfa kortsins byggir að stærstum hluta á voru gerðar árið 1898 eða fyrir 109 árum. Lesa meira

Grunnskólabörn á Fáskrúðsfirði heimsækja varðskipið Tý - 4.12.2007

Tyr_born_Faskrudsf_heims_03122007
Þriðjudagur 4. desember 2007

Nemendur í 1 – 3 bekk Grunnskólans á Fáskrúðsfirði heimsóttu varðskipið Tý á köldum vetrarmorgni, þegar skipið kom inn til Fáskrúðsfjarðar fyrir skömmu. Alls komu 24 börn um borð ásamt 5 kennurum og foreldrum. Tekið var á móti börnunum við skipshlið. Þá var gengið á skipsfjöl þar sem skipherra varðskipsins Sigurður Steinar Ketilsson, Pálmi Jónsson yfirstýrimaður og Einar Örn Einarsson 2. stýrimaður tóku á móti þeim. Lesa meira

Jólaball Landhelgisgæslunnar - 3.12.2007

Jolaball_02122007_joli_thyrla
Mánudagur 3. desember 2007

Í gær, sunnudag, var árlegt jólaball Landhelgisgæslunnar haldið. Þar komu starfsmenn saman ásamt börnum sínum og skemmtu sér konunglega. Gáttaþefur mætti á staðinn og hafði með sér aðstoðarfólkið Birgittu Haukdal og Magna. Þau stigu á stokk, sungu og skemmtu börnum og fullorðnum. Gáttaþefur hafði auk þess lítilræði í poka sínum sem hann útdeildi til barnanna. Lesa meira

Dómsmálaráðherra Noregs og sendiherra Noregs á Íslandi heimsækja Landhelgisgæsluna. Samstarfssamningur um þyrlukaup. - 30.11.2007

BB_KS_undirritun_301120070001
Föstudagur 30. nóvember 2oo7

Í dag heimsóttu norski dómsmálaráðherrann, Knut Storberget og Margit Tveiten sendiherra Noregs á Íslandi, ásamt fylgdarliði, Landhelgisgæsluna. Tilefni heimsóknarinnar var samstarfssamningur sem ráðherrann og Björn Bjarnason, dóms- og kirkjumálaráðherra undirrituðu, í morgun, um samstarf Íslands og Noregs um kaup og rekstur nýrra langdrægra björgunarþyrla. Lesa meira

Flutningaskipið Axel - 28.11.2007

Miðvikudagur 28.nóvember 2007

Rétt fyrir klukkan 7:00 í morgun fór skipstjóri flutningaskipsins Axels fram á að fá öflugar dælur um borð í skipið þar sem lensidælur þess höfðu stíflast. Skipið var þá statt undan Vopnafirði. Björgunarskipið Sveinbjörn Sveinsson fór á staðinn með öflugar dælur frá slökkviliðinu á Vopnafirði. Gerðar voru ráðstafanir til að fá viðbótar dælur og hafnaryfirvöld á Vopnafirði sett í viðbragðsstöðu vegna hugsanlegrar komu skipsins. Vel gengur nú að dæla sjó úr skipinu og hefur það tekið stefnu á Akureyri. Varðskip mun koma að Axel um hádegisbil, með öflugar dælur og setja mannskap um borð. Varðskipið mun svo fylgja flutningaskipinu til hafnar. Lesa meira

Flutningaskipið Axel heldur til hafnar á Fáskrúðsfirði - 27.11.2007

Þriðjudagur 27. nóvember 2007 – uppfært kl. 14:00

Eftir samráð Landhelgisgæslu Íslands, Umhverfisstofnunar, flokkunarfélags skipsins ásamt skipstjóra þess og útgerð hefur verið ákveðið að flutningaskipið Axel sem skemmdist er það strandaði við Hornafjarðarós í morgun, haldi til hafnar á Fáskrúðsfirði. Lesa meira

Flutningaskipið Axel komið af strandstað, gengur fyrir eigin vélarafli - 27.11.2007

Flutnskip_Axel_strand_Hornafj_27112007_2

Þriðjudagur 27.nóvember 2007 - uppfært kl.10:45

Flutningaskipið Axel, sem strandaði við Hornafjarðarós í morgun er komið af strandstað. Enginn olíuleki virðist vera frá skipinu og dælur hafa við að dæla þeim sjó sem berst í skipið. Axel gengur undir eigin vélarafli áleiðist til Berufjarðar þar sem áætlað er að skipið fari til hafnar. Björgunarskipið Ingibjörg fylgir skipinu áleiðis þar til varðskip Landhelgisgæslunnar mætir skipunum og mun varðskipið fylgja Axel til hafnar.

Lesa meira

Flutningaskipið Axel strandar við Hornafjarðarós - 27.11.2007

Flutnskip_Axel_strand_Hornafj_27112007
Þriðjudagur 27.nóvember. 2007

Klukkan 08:20 barst Vaktstöð siglinga/Stjórnstöð Landhelgisgæslunnar boð vegna flutningaskipsins Axel sem strandað hafði á Borgeyjarboða við Hornafjarðarós. Björgunarskip Slysavarnafélagsins Landsbjargar, Ingibjörg frá Hornafirði ásamt lóðsbáti Hornafjarðarhafnar fóru tafarlaust á staðinn. Lesa meira

Stýrimenn/sigmenn og læknar í áhöfnum á þyrlum á fjallamennskuæfingu - 26.11.2007

Fjallamennskunamsk_Villi-Snorri-Hannes-Frikki-Tobbi
Mánudagur 26. Nóvember 2007

Um helgina fóru stýrimenn/sigmenn og læknar í áhöfnum á þyrlum LHG í árlega fjallaæfingu með undanförum Slysvarnarfélagsins Landsbjargar. Æfing sem þessi er haldin í upphafi hvers vetrar og miðar að því að þjálfa þá áhafnarmeðlimi er starfa fyrir utan þyrlurnar í meðferð mannbrodd og ísaxa til notkunar á fjöllum og jöklum að vetri. Þá er æfð notkun trygginga og sigbúnaðar í klettum. Lesa meira

Vélarvana dragnótarbátur tekinn í tog - 24.11.2007

Jon_a_Hofi_i_togi_24112007
Laugardagur 24. nóvember 2007

Um klukkann 8:00 í morgun bárust Vaktstöð siglinga/stjórnstöð Landhelgisgæslunnar, boð frá Jóni á Hofi ÁR-62, sem var vélarvana um 25 sjómílur NV af Garðskaga. Jón á Hofi er 35 metra, 334 brl. dragnótarbátur með 8 manns í áhöfn (leiðrétt 26.11.2007 SRS). Varðskip fór á staðinn og kom taug í skipið um klukkan 11:15. Varðskipið er með Jón á Hofi í togi, ferðin sækist vel og eru skipin væntanleg til Reykjavíkur um eftirmiðdaginn. Lesa meira

Landhelgisgæslan færir út kvíarnar - 23.11.2007

SYN_flugskyli
Föstudagur 23. nóvember 2007

Í dag voru Fokker flugvél Landhelgisgæslunnnar, TF-SYN og þyrla TF-GNA, flutt í aðstöðu sem Landhelgisgæslan hefur tímabundið fengið til afnota á Keflavíkurflugvelli. Við stækkun flugflotans hefur þrengt að í flugskýlinu við Reykjavíkurflugvöll þar sem Landhelgisgæslan hefur nú fjórar þyrlur til ráðstöfunar, auk Fokker flugvélarinnar. Lesa meira

Ráðningu þyrluflugmanna lokið - 23.11.2007

TF_LIF_Odd_Stefan

Föstudagur 23. nóvember 2007

Nú nýverið lauk ráðningu á nýjum þyrluflugmönnum til Landhelgisgæslu Íslands. Ráðningin var síðasti liður í eflingu þyrlusveitar Landhelgisgæslunnar í kjölfar brotthvarfs varnarliðsins. Hafa þá alls sjö þyrluflugmenn verið ráðnir til starfa, til stækkunar þyrlusveitarinnar.

Lesa meira

Vélarvana bátur á reki í nágrenni Reykjavíkur - 21.11.2007

Skolaskipid_Drofn_dregur_somabat_til_rek
Miðvikudagur 21. nóvember 2007

Í dag klukkan 15:32 barst Vaktstöð siglinga/stjórnstöð Landhelgisgæslunnar, símtal frá vélarvana bát á reki í nágrenni Reykjavíkur, í gegnum Neyðarlínuna, 112. Bátinn, 6 metra langan Sómabát með þrjá menn um borð rak í átt að Geldinganesi. Lesa meira

Tundurdufl í veiðarfæri - 18.11.2007

Duflid_um_bord
Laugardagur 17. nóvember 2007

Um kl 09:00 hafði togskipið Þorvarður Lárusson frá Grundarfirði (áður Smáey)samband við Vaktstöð siglinga og sagðist vera á togveiðum undan Látrabjargi og hafa fengið stóra álkúlu í veiðarfærin sem væri um 1.20 m í þvermál. Vaktstöð siglinga kom skipstjóra skipsins í samband við sprengjusérfræðing Landhelgisgæslunnar og eftir lýsingum hans á duflinu var enginn vafi talinn á að um væri að ræða þýskt tundurdufl en þeim var meðal annars lagt út við Látrabjarg til að trufla ferðir skipalesta á leið til Murmansk, í seinni heimsstyrjöld. Lesa meira

Útkall - þyrluna strax - 16.11.2007

Utkall_Ottar_bok
Föstudagur 16.nóvember 2007

Út er komin bók Óttars Sveinssonar - Útkall þyrluna strax. Að því tilefni heimsóttu Ulf M. Berthelsen skipherra og Chano Lyng vélavörður á danska varðskipinu Triton Landhelgisgæsluna. Lesa meira

Vaktstöð siglinga, samningur um endurnýjun fjarskiptabúnaðar - 13.11.2007

Stadsetning_senda_strandastodvakerfis
Þriðjudagur 13. nóvember 2007

Undirritaður hefur verið samningur um kaup á nýjum fjarskiptabúnaði fyrir strandastöðvar Vaktstöðvar siglinga. Á síðastliðnu ári var gerð áætlun um endurnýjun strandastöðvarbúnaðar vaktstöðvarinnar og í framhaldi af því var fjármögnun til þessa verkefnis tryggð. Það var síðan ákveðið að bjóða út strandastöðvarbúnaðinn og var útboðið auglýst í maí s.l. og tilboð opnuð 2. ágúst. Tilboð bárust frá fjórum aðilum og var eftir yfirferð tilboða ákveðið að ganga til samninga við austuríska fyrirtækið Frequentis. Lesa meira

Ný leiguþyrla LHG komin heim - 10.11.2007

LN_OBX_REK_10.11.2007_4
Laugardagur 10. nóvember 2007

Í dag lenti ný leiguþyrla Landhelgisgæslunnar, LN-OBX, í Reykjavík eftir flug frá Förde í Noregi. Áhöfnin tók við vélinni í Förde sl. miðvikudag og gerði nauðsynlegar flugprófanir. Ráðgert hafði verið að hefja ferðina sl. fimmtudag en brottför frestaðist vegna veðurs þar sem vindur fór í 50 m/s hafinu milli Noregs og Færeyja. Ferðin hófst því í gær, föstudag. Lesa meira

Harðjaxlar heimsækja varðskip Landhelgisgæslunnar - 6.11.2007

Hardjaxlar_a_dekki
Mánudagur 5. nóvember 2007
Harðjaxlar skoðuðu varðskip Landhelgisgæslunnar og fóru í siglingu. Harðjaxlarnir eru hópur fatlaðra og ófatlaðra barna í 7. bekk, undir leiðsögn Bjarna Karlssonar, sóknarprests í Laugarneskirkju. Lesa meira

Allsherjarnefnd heimsækir Landhelgisgæsluna - 5.11.2007

Allsherjarnefnd_heims_LHG_1
Mánudagur 5. nóvember 2007
Í dag heimsótti Allsherjarnefnd Alþingis, Landhelgisgæslu Íslands. Hópurinn kynnti sér starfsemi Landhelgisgæslunnar; skrifstofu, Sjómælingar, Stjórnstöð og Vaktstöð siglinga, Sprengjueyðingadeild og Köfunardeild, Flugdeild og varðskip. Allar deildir kynntu sína starfsemi fyrir nefndarmönnum auk þess sem ný lög um Landhelgisgæsluna voru kynnt. Lesa meira

Tómas Helgason flugstjóri lætur af störfum eftir 35 ára farsælt starf hjá Landhelgisgæslu Íslands - 2.11.2007

TF_SYN_lowpass_REK0001
Föstudagur 2. nóvember 2007
Í dag lét Tómas Helgason flugstjóri af störfum eftir tæplega 35 ára farsælt starf hjá Landhelgisgæslu Íslands. Lesa meira

Yfirmaður framkvæmda fyrir 1. flotadeild Dana og skipherra HDMS Thetis heimsækja Landhelgisgæsluna - 2.11.2007

Cpt_Walter_Cdr_Ryberg

Föstudagur 2. nóvember 2007
Í dag heimsóttu Cpt. Jens Walther, yfirmaður framkvæmda fyrir 1. flotadeild Dana og Cdr. (sg) Henryk Ryberg, skipherra á HDMS Thetis, Landhelgisgæsluna. Í heimsókninni funduðu þeir með Georg Lárussyni, forstjóra og kynntu sér starfsemi deilda LHG. Lesa meira

Smíði nýs varðskips hafin í Chile - 24.10.2007

Nytt_vardskip_stal_skorid
Miðvikudagur 24. október 2007
Smíði nýs varðskips hófst, í ASMAR skipasmíðastöðinni í Talcahuano í Chile, þann 16. október síðastliðinn. Skipið hefur fengið nýsmíðanúmer 106. Byrjað var að skera til stál í fyrsta hluta skipsins sem hafist verður handa við að smíða á næstu dögum. Lesa meira

Varðskip tekur Erling KE-140 vélarvana í tog - 18.10.2007

Erling_KE_tekin_i_tog
Fimmtudagur 18.október 2007
Um kl. 13:21, tilkynnti fiskiskipið Erling KE-140, kallmerki TFFB, til Vaktstöðvar siglinga og stjórnstöðvar Landhelgisgæslunnar, að vélarbilun væri um borð. Skipið var þá statt um 19 sjómílur SSA frá Malarrifi. Lesa meira

Sendiherra Noregs á Íslandi, Margit Tveiten, heimsækir Landhelgisgæsluna - 11.10.2007

Sendih_Noregs_1110200
Fimmtudagur 11. Október 2007
Í dag heimsótti norski sendiherrann á Íslandi, Margit Tveiten Landhelgisgæsluna. Með henni í för var Thomas Ball sendiráðsritari. Sendiherrann kynnti sér víðtæka starfsemi Landhelgisgæslunnar, í tengslum við vaxandi samstarf Landhelgisgæslunnar og norsku
strandgæslunnar, Kystvakten. Lesa meira

Landhelgisgæslan skoðar aðstæður á Jan Mayen - 4.10.2007

LHG til Jan Mayen

Fimmtudagur 4 október 2007

Í gær fóru starfsmenn Landhelgisgæslunnar til Jan Mayen til þess að skoða aðstæður þar og kynna sér búnað á staðnum. Einnig til að koma á tengslum og samstarfi milli Landhelgisgæslunnar og stöðvarinnar á Jan Mayen. Með í för var forstjóri Gæslunnar Georg Lárusson ásamt fleiri starfsmönnum stofnunarinnar sem flestir starfa í flugdeild.

Lesa meira

Herdeild 330 frá Konunglega norska flughernum heimsækir flugdeild Landhelgisgæslunnar. - 4.10.2007

Sea_King_Isafj.flugv.0410_2007

Fimmtudagur 4. október 2007

Herdeild 330 kom til Íslands á þriðjudaginn s.l. á einni af Sea King þyrlu deildarinnar og mun verða við æfingar með flugdeild Landhelgisgæslu Íslands næstu daga, m.a. á Ísafirði í dag. Áætlað er að herdeildin muni hafa viðkomu á Akureyri n.k. mánudag og muni síðar hverfa aftur til Noregs á þriðjudag.

Lesa meira

Öryggisþjálfun áhafna og kafara - 2.10.2007

Þyrluhermir_Aberdeen_sept07
Þriðjudagur 2. október 2007
Í síðastliðinni viku fór hluti áhafna loftfara og kafara Landhelgisgæslunnar til öryggisþjálfunar til Falck Nutec, í Aberdeen í Skotlandi. Þjálfun þessi er hluti af reglubundinni þjálfun áhafna og snýst þessi hluti um að komast út úr þyrlu sem lent hefur í sjó eða vatni (e. Aircraft Underwater Escape & Short Term Air Supply System (STASS)). Lesa meira

Nýr upplýsingafulltrúi hjá Landhelgisgæslu Íslands - 26.9.2007

Sigríður Ragna_Upplýsingafulltrúi
Sigríður Ragna Sverrisdóttir landfræðingur hjá Sjómælingum Íslands hefur tekið við starfi upplýsingafulltrúa Landhelgisgæslunnar, tímabundið til áramóta. Hún leysir af hólmi Dagmar Sigurðardóttur lögfræðing Landhelgisgæslunnar sem sinnt hefur starfi upplýsingafulltrúa meðfram starfi lögfræðings stofnunarinnar í nokkur ár. Lesa meira

Fékk tundurdufl í dragnót - 24.9.2007

Breskt seguldufl2
Skipstjóri dragnótarbátsins Sigga Bjarna GK 5 hafði samband við Vaktstöð siglinga og tilkynnti um sprengju í dragnótinni. Sprengjusérfræðingur LHG var kallaður til og eftir að hafa rætt við skipstjórann vaknaði grunur um að um tundurdufl væri að ræða. Lesa meira

Laus störf smyrjara og háseta hjá Landhelgisgæslunni - 19.9.2007

Fallbyssuæfing á Ægi - apríl 2007.
Miðvikudagur 19. september 2007.
Um þessar mundir er Landhelgisgæslan í leit að kraftmiklu og áhugasömu fólki til starfa um borð í varðskipum stofnunarinnar.   Lesa meira

Almenn ánægja meðal þátttakenda á Northern Challenge - 17.9.2007

Northern Challenge 2007

Mánudagur 17. september 2007.
Sprengjueyðingaræfingin Northern Challenge 2007 stóð frá 28. ágúst til 7. september sl. Almenn ánægja var meðal þátttakenda í æfingunni en alls tóku 50 sprengjusérfræðingar þátt í henni auk 20 erlendra gesta og dómara.

Lesa meira

Mannbjörg varð er leki kom að báti á Ísafjarðardjúpi - 17.9.2007

Sunnudagur 16. september 2007.
Fjórum mönnum var bjargað úr lekum báti á Ísafjarðardjúpi í kvöld. Lesa meira

Týr bjargar pólskri skútu - 10.9.2007

Týr pólsk skúta 100907
Varðskipið Týr kom pólskri skútu til bjargar í dag. Skútan var vélarvana með rifin segl. Hún var á leið frá Reykjavík til Vestmannaeyja og ætlaði síðan að koma við í Skotlandi á leið til Póllands. Lesa meira

Þyrlan Steinríkur aftur leigð til Landhelgisgæslunnar - 10.9.2007

Steinríkur björgunarþyrla
Þyrlan Steinríkur verður aftur leigð til Landhelgisgæslunnar. Hún er væntanleg til landsins í október. Lesa meira

Leit að þýsku ferðamönnunum haldið áfram - útkall vegna ferðamanna í sjálfheldu í Köldukvísl - 23.8.2007

Leit að þjóðverjum 23. ágúst 2007
Fimmtudagur 23. ágúst 2007.
Leit að tveimur þjóðverjum sem saknað hefur verið var haldið áfram í gær og í dag. Þyrlurnar Gná og Eir taka þátt í leitinni en Syn hefur séð um að flytja 20 björgunarsveitarmenn austur til Hornafjarðar.  Eir þurfti í gær að fara í útkall á leið á leitarsvæðið vegna tveggja kvenna sem voru í sjálfheldu á þaki bíls í Köldukvísl. Lesa meira

Landhelgisgæslan sá um flugeldasýningu og öryggiseftirlit á sjó á menningarnótt - 23.8.2007

Týr á menningarnótt 2007
Sunnudagur 19. ágúst 2007.
Mikill erill var um helgina hjá Landhelgisgæslunni. Landhelgisgæslan stjórnaði öryggismálum á sjó vegna menningarnætur og sá um flugeldasýningu í samstarfi við fleiri viðbragðsaðila. Lesa meira

Útköll vegna slasaðrar konu í Víti, ferðamanns í sjálfheldu í Tungnaá, og leit að þýskum ferðamönnum - 23.8.2007

Tungnaá - útkall v. þýskrar ferðakonu í sjálfheldu 180807
Sunnudagur 19. ágúst 2007.
Tvær hjálparbeiðnir bárust Landhelgisgæslunni í dag, annars vegar vegna tveggja þýskra ferðamanna sem saknað er og hins vegar vegna konu sem lent hafði í grjóthruni í Víti við Öskjuvatn. Lesa meira

Þrjár vélar Landhelgisgæslunnar á lofti á sama tíma vegna þriggja útkalla - 18.8.2007

Gná sjúkraflug í skemmtiferðaskipið Saga Rose 170807
Föstudagur 17. ágúst 2007.
Áhöfn landhelgisgæsluþyrlunnar Gnár sótti tvo sjúklinga út á haf í kvöld og fór eftirlitsflugvél Landhelgisgæslunnar, Syn, til fylgdar.  Einnig sótti áhöfn þyrlunnar Eirar konu sem hafði fallið af hestbaki á Kjalvegi. Lesa meira

Mælingar við Surtsey frá 1967 - 2007 - 8.8.2007

Surtsey2

Miðvikudagur 8. ágúst 2007

Nýverið var mælingabáturinn Baldur við mælingar umhverfis Surtsey og eyjarnar norðaustur af henni en í ár eru 40 ár liðin frá fyrstu mælingum við eyjuna.

Lesa meira

TF-GNÁ kölluð út vegna manns sem fallið hafði ofan í Laxárgljúfur - 26.7.2007

TF-GNA_Laxargljufur2

Fimmtudagur 26. júlí 2006

Þyrla Landhelgisgæslunnar TF-GNÁ var í gærkvöld kölluð út vegna manns sem hafði hrapað í Laxárgljúfri. Í upphafi var ljóst að aðstæður á vettvangi væru erfiðar og var því kallað eftir aðstoð undanfara Landsbjargar og fóru þrír með þyrlunni austur.

Lesa meira

Varðskipið Ægir flutti slasaða konu frá Hornvík til Ísafjarðar - 21.7.2007

Ægir í sjúkraflutningum 190707
Föstudagur 20. júlí 2007.
Varðskipið Ægir flutti slasaða konu frá MIðfelli við Horn til Ísafjarðar. Lesa meira

Áhöfn björgunarskipsins Einars Sigurjónssonar þakkað fyrir björgun áhafnar landhelgisgæsluþyrlunnar Sifjar - 20.7.2007

Sif_naudlending_grillveisla
Föstudagur 20. júlí 2007.
Grillveisla var haldin til heiðurs áhöfninni á björgunarskipinu Einari Sigurjónssyni. Ekki hægt að fullyrða hvað olli því að hreyflar landhelgisgæsluþyrlunnar Sifjar misstu afl. Lesa meira

Björgunaraðgerðir í nótt - Þyrlan Sif dregin á land - 17.7.2007

Björgun - SIF4

Þriðjudagur 17. júlí 2007.
Í nótt tókst að koma þyrlunni Sif á land og er hún nú í vörslu Rannsóknarnefndar flugslysa.

Lesa meira

Áhöfnin á Landhelgisgæsluþyrlunni Sif heil á húfi eftir nauðlendingu í sjónum við Straumsvík - unnið að björgun þyrlunnar - 17.7.2007

Tyrla_hifir_sigm&sjukl
Mánudagur 16. júlí 2007.
Engan sakaði er þyrla Landhelgisgæslunnar, Sif, nauðlenti í sjónum við Straumsvík um kl. 18:50. Lesa meira

Þyrlur Landhelgisgæslunnar taka þátt í umferðareftirliti - 29.6.2007

Gná - móttökuathöfn í flugskýli 7.6.07

Föstudagur 29. júní 2007.
Þyrlur Landhelgisgæslunnar taka þátt í umferðareftirliti um helgina. Það er liður í samstarfi Ríkislögreglustjórans og annarra lögregluembætta við forvarnir gegn umferðarslysum.  Framhald verður á þessu samstarfi í sumar.

Lesa meira

Þyrludraumar vísindakonu - 29.6.2007

Thorben Lund sigmaður/stýrimaður
Föstudagur 29. júní 2007.
Áhöfn Landhelgisgæsluþyrlunnar Gnár bárust í gær þakkir frá áhöfninni á bandaríska rannsóknaskipinu Knorr. Gná hafði ferjað nýjan rannsóknakapal til skipsins í stað kapals sem hafði skemmst og sótti einnig bátsmanninn sem var meiddur á fæti og kom honum til læknis á Landspítala Háskólasjúkrahúsi í Fossvogi. Lesa meira

Nýtt björgunarskýli á Látrum - 26.6.2007

Sif aðstoðar við flutning timburs í björgunarskýli í Látrum

Þriðjudagur 26. júní 2007.
Á heimasíðu Grenivíkur er sagt frá byggingu nýs björgunarskýlis á Látrum en áhöfn Landhelgisgæsluþyrlunnar Sifjar aðstoðaði við að flytja timbur á byggingarstaðinn.

Lesa meira

Mikill viðbúnaður vegna elds um borð í Hafsúlunni - 75 manns um borð - 26.6.2007

Gná - móttökuathöfn í flugskýli 7.6.07

Þriðjudagur 26. júní 2007.´
Allt tiltækt björgunarlið var kallað út á sjötta tímanum í gær vegna elds um borð í hvalaskoðunarskipinu Hafsúlunni. Sjötíu og fimm manns voru um borð en fljótlega tókst að slökkva eldinn og allt fór vel.

Lesa meira

Færeysku línuskipi vísað til hafnar - 25.6.2007

Vaktstöð siglinga / stjórnstöðin 2007
Mánudagur 25. júní 2007.
Landhelgisgæslan vísaði færeysku línuskipi til hafnar í Þorlákshöfn um helgina þar sem rannsakað var meint brot skipstjórans gegn íslenskri fiskveiðilöggjöf. Var skipstjórinn grunaður um að hafa veitt ólöglega á lokuðu svæði á Kötlugrunni.
Lesa meira

Opinber rafræn sjókort - 21.6.2007

E36-hluti

Í dag, 21. júní, er Alþjóðlegi sjómælingadagurinn. Á liðnu ári varð Alþjóðasjómælingastofnunin 85 ára. Af því tilefni samþykktu Sameinuðu þjóðirnar að gera þennan dag að Alþjóðlega sjómælingadeginum. Í ár er þema dagsins rafræn sjókort (Electronic Navigational Charts, ENC).

Lesa meira

Áhöfnin á Syn stóð skipstjóra að meintum ólöglegum veiðum - 20.6.2007

Kort_syn040309
Miðvikudagur 20. júní 2007.
Áhöfnin á Syn, eftirlitsflugvél Landhelgisgæslunnar, stóð skipstjóra á fiskibát að meintum ólöglegum línuveiðum inni í lokuðu hólfi 7,8 sjómílur norðvestur af Deild um hádegisbilið í gær. Lesa meira

Landhelgisgæslan æfir með sérsveit Ríkislögreglustjórans og Delta sveit norsku lögreglunnar - 18.6.2007

Æfing LHG með sérsveit RLS og Delta sveit norsku lögreglunnar

Mánudagur 18. júní 2007.
Nýlega æfði Landhelgisgæslan með sérsveit Ríkislögreglustjórans og Delta sveit norsku lögreglunnar. Æfingin var haldin í Hvalfirði.

Lesa meira

Leitar- og björgunaræfingar - 14.6.2007

Ægir og Syn - æfing sumarið 2007

Fimmtudagur 14. júní 2007.
Áhafnir skipa og loftfara Landhelgisgæslunnar halda reglulega sameiginlegar æfingar í leit og björgun. Guðmundur St. Valdimarsson tók flottar myndir þegar áhöfn varðskipsins Ægis æfði annars vegar með áhöfn björgunarþyrlunnar Eirar og síðar sama dag með áhöfn eftirlitsflugvélarinnar Synjar.

Lesa meira

Nýr léttbátur um borð í varðskipinu Ægi - 14.6.2007

Nýr léttbátur í Ægi sumar 2007
Fimmtudagur 14. júní 2007.
Varðskipið Ægir hefur nú fengið nýjan léttbát og eru því samtals fimm léttbátar um borð í skipinu. Lesa meira

Sprengjusérfræðingar Landhelgisgæslunnar við mannúðarstörf í Líbanon á vegum Íslensku friðargæslunnar - 13.6.2007

Líbanon 2007
Miðvikudagur 13. júní 2007.
Sprengjusérfræðingar frá Landhelgisgæslunni ásamt bráðatæknum frá Slökkviliði Reykjavíkur komu nýlega heim til Íslands eftir 3 mánaða verkefni í suðurhluta Líbanon. Lesa meira

Utanríkisráðuneytið styrkir baráttuna gegn ólöglegum fiskveiðum - Landhelgisgæslumaður að störfum í Róm - 12.6.2007

Gylfi og Georg í Róm - heimsókn til FAO
Þriðjudagur 12. júní 2007.
Utanríkisráðuneytið segir frá því í Stiklum að ráðuneytið kosti starf sérfræðings frá Landhelgisgæslunni við fjareftirlit með skipum og við rafrænar afladagbækur í fiskideild FAO í Róm.  Þar er einnig sagt frá heimsókn Georgs Kr. Lárussonar til FAO.
Lesa meira

Kajakræðarar fundust heilir á húfi eftir umfangsmikla leit - 12.6.2007

Þriðjudagur 12. júní 2007.
Tveir kajakræðarar sem leitað var að fundust heilir á húfi. Misskilingur varð þess valdandi að óttast var um þá. Lesa meira

Áhöfn Lífar sótti ísklifurkonur á Grænlandsjökul - 11.6.2007

Ísklifurkonur Líf Grænland 100607
Sunnudagur 10. júní 2007.
Björgunarþyrlan Líf flaug til Grænlands í gær til að sækja nokkrar vaskar konur sem höfðu verið þar við ísklifuræfingar. Flugvél þeirra hafði hlekkst á. Lesa meira

Björgunarþyrlan Líf flutti sérsveit Ríkislögreglustjórans vegna byssumanns í Hnífsdal - 11.6.2007

Laugardagur 9. júní 2007.
Föstudagskvöldið, 8. júní, var þyrluáhöfn Landhelgisgæslunnar kölluð út með bráðaútkalli, og beðið um flutning á sérsveitarmönnum Ríkislögreglustjórans vegna skotárásar í Hnífsdal.
Lesa meira

Björgunarþyrlunni Gná fagnað - 8.6.2007

Gná - móttökuathöfn í flugskýli 7.6.07
Föstudagur 8. júní 2007.
Björgunarþyrlan Gná kom til landsins sl. laugardag. Hún var leigð frá norska fyrirtækinu Norsk Helicopter í Stavanger.   Í gær var starfsmönnum Landhelgisgæslunnar og dómsmálaráðuneytisins boðið í móttökuathöfn í flugskýli Landhelgisgæslunnar þar sem Björn Bjarnason dóms- og kirkjumálaráðherra flutti erindi af þessu tilefni og Geirþrúður Alfreðsdóttir sagði frá þyrlunni og eiginleikum hennar. Lesa meira

10. bekkur Grunnskóla Bláskógabyggðar í heimsókn - 31.5.2007

Fimmtudagur 30. maí 2007. heimsokn_10bekkur_Blaskogab_2007
Í gær komu í heimsókn til Landhelgisgæslunnar nemendur úr grunnskóla Bláskógabyggðar.

 

Lesa meira

Aukasýningar á Gyðjunni í vélinni - 22.5.2007

Vatnadansmeyjar
Þriðjudagur 22. maí 2007.
Sýningar á Gyðjunni í vélinni í varðskipinu Óðni hafa gengið mjög vel við mikla hrifningu sýningargesta og hefur verið nær uppselt á allar sýningar. Af þeim sökum hefur verið bætt við þremur aukasýningum nú í vikunni, miðv. 23. , fimmtud. 24. og föstud. 25. maí. Lesa meira

Ratsjárgervitunglamyndir notaðar við skipulagningu eftirlits á hafinu - 15.5.2007

ratsjargervitunglamynd_mai_2007
Þriðjudagur 15. maí 2007.
Landhelgisgæslan notar ratsjárgervitunglamyndir til að skipuleggja eftirlit með skipaferðum umhverfis landið. Lesa meira

Varðskipið Ægir leggur út hlustunardufl sem mælir jarðskjálfta og hljóð hvala - 15.5.2007

Varðskipið Ægir - maí 2007 - hlustunardufl.

Þriðjudagur 15. maí 2007.
Varðskipið Ægir hefur á eftirlitssiglingu um lögsöguna haft það aukaverkefni á leiðinni að leggja út hlustunardufl sem ætluð eru til að mæla jarðskjálfta og nema hljóð hvala.

Lesa meira

Slökkvibúnaður til að bregðast við skógareldum keyptur í þyrlur Landhelgisgæslunnar - 11.5.2007

Steinríkur björgunarþyrla

Föstudagur 11. maí 2007.
Landhelgisgæslan hefur fengið búnað til að nota í þyrlum Landhelgisgæslunnar sem er sérstaklega hannaður til að slökkva gróðurelda. Um er að ræða sérhannaða fötu sem notuð er í þessum tilgangi. Hún rúmar alls 2000 lítra af vatni.

Lesa meira

Viðbúnaður vegna eldsvoða um borð í skemmtibáti - 11.5.2007

Gróa Pétursdóttir, björgunarbátur SL, með skemmtibát í togi
Föstudagur 11. maí 2007.
Landhelgisgæslan hefur fengið búnað til að nota í þyrlum Landhelgisgæslunnar sem er sérstaklega hannaður til að slökkva gróðurelda. Um er að ræða sérhannaða fötu sem notuð er í þessum tilgangi. Hún rúmar alls 2000 lítra af vatni.

 

Lesa meira

Kynningarfundur - ný flugvél - nýtt skip og nýr árangursstjórnunarsamningur - 10.5.2007

Kynningarfundur í flugskýli 9. maí 2007
Miðvikudagur 9. maí 2007.
Kynningarfundur var haldinn í flugdeild Landhelgisgæslunnar í dag þar sem starfsfólk fræddist um gerð og eiginleika nýrrar flugvélar og nýs varðskips sem verið er að smíða fyrir Landhelgisgæsluna. Einnig var farið yfir nýjan árangursstjórnunarsamning við dómsmálaráðuneytið sem var undirritaður sl. mánudag. Lesa meira

Fallbyssuæfing fyrir lávarða - 8.5.2007

Fallbyssuæfing á Ægi - 4. stig. apríl 2007.

Þriðjudagur 8. maí 2007.
Eitt af því sem er nauðsynlegt fyrir skipherra að kunna, er að hafa þekkingu á fallbyssum og öðrum vopnum.

Lesa meira

Árangursstjórnunarsamningur Landhelgisgæslunnar og dóms- og kirkjumálaráðuneytis undirritaður - 8.5.2007

Árangursstjórnunarsamningur og kaupsamningur um flugvél 070507
Mánudagur 7. maí 2007.
Landhelgisgæslan og dóms- og kirkjumálaráðuneytið hafa gert árangursstjórnunarsamning. Lesa meira

Dómsmálaráðuneytið gefur út vefrit um Landhelgisgæsluna - 7.5.2007

Vefrit um LHG
Mánudagur 7. maí 2007.
Dóms- og kirkjumálaráðuneytið hefur gefið út vefrit sem er helgað málefnum Landhelgisgæslunnar. Lesa meira

Kaupsamningur um nýja eftirlitsflugvél fyrir Landhelgisgæsluna undirritaður - 7.5.2007

Kaupsamningur um nýja eftirlitsflugvél undirritaður
Mánudagur 7. maí 2007.
Landhelgisgæslan fær nýja eftirlitsflugvél í júlí 2009 ef allt gengur samkvæmt áætlun en samningur um kaup á flugvélinni var undirritaður í morgun. Lesa meira

Þrjú sjúkra- og björgunarflug um helgina - 7.5.2007

Sjukraflug í Brimil 2006
Mánudagur 7. maí 2007.
Þyrlur Landhelgisgæslunnar flugu þrjú sjúkra- og björgunarflug um helgina. Lesa meira

Dóms- og kirkjumálaráðherra kynnir byltingu í fjarskiptum neyðar- og viðbragðsaðila - 7.5.2007

Björn Bjarnason 4 maí 2007 - mynd MBL

Föstudagur 4. maí 2007.
Björn Bjarnason dóms- og kirkjumálaráðherra var í dag viðstaddur þegar fyrsti áfangi TETRA neyðar- og öryggisfjarskiptakerfisins var tekinn í notkun við athöfn í samhæfingarstöðinni í Björgunarmiðstöðinni Skógarhlíð. Þar voru einnig fulltrúar helstu viðbragðsaðila í landinu.

Lesa meira

Gyðjan í vélinni - leiksýning um borð í varðskipinu Óðni - 3.5.2007

Leiksýning í Óðni í maí 2007

Fimmtudagur 3. maí 2007.
Varðskipið Óðinn er ekki lengur notað til landhelgisgæslustarfa en það hefur tímabundið fengið nýtt hlutverk sem leiksvið. Vatnadansmeyjafélagið Hrafnhildur ætlar að halda nokkrar sýningar um borð í skipinu á næstunni. Sýningin er styrkt af Menntamálaráðuneytinu og Reykjavíkurborg. Landhelgisgæslan er samstarfsaðili verkefnisins. MIðasala er á Listahátíð en sýningar verða eftirfarandi:

Frumsýning á Listahátíð fimmtudaginn 10. maí, önnur sýning föstud. 11. maí, 3. sýn. fimmtud. 17. maí, 4. sýn. föstud. 18. maí, 5. sýn. laugard.19. maí.

Lesa meira

Samhæfð leitar- og björgunaræfing Landhelgisgæslunnar og Slysavarnarfélagsins Landsbjargar - 3.5.2007

Æfing - apríl 2007
Fimmtudagur 3. maí 2007.
Nýlega héldu Landhelgisgæslan og Slysavarnarfélagið Landsbjörg samhæfða leitar- og björgunaræfingu við Vestmannaeyjar.

Lesa meira

Áhöfn Týs í góðu samstarfi við björgunarsveitir á Austurlandi - 2.5.2007

Tysarar_med_bjorgunarsveitarmonnum
Miðvikudagur 2. maí 2007.
Í síðustu ferð varðskipsins Týs hafði áhöfnin mikið og gott samstarf við björgunarsveitir Landsbjargar.

Lesa meira

Saumað að sjóræningjum - 2.5.2007

Sjóræningjaskip
Miðvikudagur 2. maí 2007.
Sjávarútvegsráðuneytið gaf út fréttatilkynningu í kjölfar fundar Norðaustur-Atlantshafsfiskveiðiráðsins sem haldinn var í Bergen nú í lok apríl. Þar kemur fram að sex sjóræningjaskipin verða send til niðurrifs enda lítið hægt að nota þau eftir að þau eru sett á svarta listann hjá ráðinu. Lesa meira

Lætur af störfum hjá Gæslunni eftir 43 ára starf - 30.4.2007

Vaktstöð siglinga Ásgrímur og Leif
Mánudagur 30. apríl 2007.
Leif K. Bryde, varðstjóri í Vaktstöð siglinga/stjórnstöð Landhelgisgæslunnar, tekur vaktina í síðasta skipti í dag en hann hefur starfað hjá Landhelgisgæslunni í 43 ár. Lesa meira

Bílstjóri flutningabíls slasaðist í bílveltu við brúna yfir Hrútafjarðará - Björgunarþyrlan Steinríkur flutti hann á sjúkrahús - 30.4.2007

Steinríkur björgunarþyrla
Mánudagur 30. apríl 2007.

Þyrlan Steinríkur flaug í dag að Brú í Hrútafirði til að sækja mann sem hafði slasast í bílveltu. Hann var bílstjóri flutningabíls sem lenti út af veginum og valt.
Lesa meira

Æfing með danska sjóhernum - 18.4.2007

IMG_8721
Miðvikudagur 18. apríl 2007.
Landhelgisgæslan hefur löngum átt gott samstarf við danska sjóherinn. Stundum eru haldnar sameiginlegar æfingar þegar dönsku eftirlitsskipin eru innan íslenskrar lögsögu. Hafa þyrlur og skip danska sjóhersins margoft komið til bjargar þegar Landhelgisgæslan hefur kallað þau til aðstoðar. Lesa meira

Samstarfssamningur við bandarísku strandgæsluna - 18.4.2007

Þriðjudagur 17. apríl 2007.
Í fréttatilkynningu frá dóms- og kirkjumálaráðuneytinu segir: Ákveðið hefur verið að gera samstarfssamning milli bandarísku strandgæslunnar og Landhelgisgæslu Íslands um leit og björgun, samvinnu um reglubundna upplýsingamiðlun um vöktun skipaferða, þjálfun, æfingar og starfsmannaskipti. Lesa meira

Hafísinn á svipuðum slóðum - 17.4.2007

Hafís II 160407

Mánudagur 16. apríl 2007.
Guðmundur Emil Sigurðsson stýrimaður í flugdeild Landhelgisgæslunnar tók þessar myndir af hafís í ískönnunarflugi Landhelgisgæslunnar.

Lesa meira

Varðskipsmenn í félagsskap höfrunga er skipt var um öldumælisdufl undan Bakkafjöru - 12.4.2007

Höfrungur og léttbátur Ægis
Fimmtudagur 12. apríl 2007.
Höfrungar syntu umhverfis varðskipsmenn Ægis er þeir voru nýlega að skipta um öldumælisdufl undan Bakkafjöru. Lesa meira

Skipstjórinn sem leitað var að fannst látinn - 12.4.2007

Fimmtudagur 12. apríl.
Skipstjóri fiskibáts frá Vopnafirði, sem leitað var að frá því í gærkvöldi, fannst látinn fyrir hádegið í dag. Lesa meira

Leitað að skipstjóra frá Vopnafirði - bátur hans fannst mannlaus - 12.4.2007

Fimmtudagur 12. apríl 2007.

Þyrla og varðskip Landhelgisgæslunnar og björgunarsveitir frá Vopnafirði og nágrenni hafa leitað í nótt að trillusjómanni frá Vopnafirði og stendur leit enn yfir þegar fréttatilkynning er send út kl. 8.

Lesa meira

Gaman að vinna hjá Gæslunni - Starfsmaður í 25 ár og bátsmaður í 10 ár - 11.4.2007

Gudmundur_St._Valdimarsson_2007

Miðvikudagur 11. apríl 2007.
Það virðist vera gott að starfa hjá Gæslunni ef marka má litla starfsmannaveltu og háan starfsaldur margra starfsmanna. Guðmundur St. Valdimarsson hefur verið hjá Gæslunni með stuttum hléum í 25 ár.

Lesa meira

Trilluskipstjóri staðinn að meintum ólöglegum veiðum á friðuðu svæði í Faxaflóa - 10.4.2007

Sigurður Óskarsson stýrimaður les sjóræningjum pistilinn

Mánudagur 9. apríl 2007.

Varðskip Landhelgisgæslunnar kom í dag að handfærabáti að meintum ólöglegum veiðum inni á friðunarsvæði í Faxaflóa.

Lesa meira

Björgunarþyrlan Líf sótti slasaðan mann eftir fjórhjólaslys - 10.4.2007

_DSC1018
Mánudagur 9. apríl 2007.
Björgunarþyrlan Líf sótti slasaðan mann eftir fjórhjólaslys á Meðallandssandi. Lesa meira

Sjúkraflug til Svíþjóðar - 10.4.2007

Kort_syn040309
Föstudagur 6. apríl 2007.
Flugvél Landhelgisgæslunnar, Syn, flutti í dag sjúkling frá Reykjavík til Malmö í Svíþjóð þar sem sjúkraflugvél var ekki tiltæk til að sinna verkefninu. Lesa meira

Djúpsprengja sett á land í höfninni á Rifi - Sprengjusérfræðingar Landhelgisgæslunnar kallaðir til - 3.4.2007

Sprengja á Rifi í apríl 07 (1)
Þriðjudagur 3. apríl 2007.
Skipstjóri togbáts frá Rifi óskaði eftir aðstoð Landhelgisgæslunnar eftir að hann hafði sett djúpsprengju á land í höfninni á Rifi. Sprengjusérfræðingar Landhelgisgæslunnar eyddu sprengjunni. Lesa meira

Grunnskólabörn í Neskaupstað heimsóttu varðskipið Tý - 3.4.2007

Grunnskólabörn heimsækja Tý (II) mars 2007

Þriðjudagur 3. apríl 2007.
Áhöfn varðskipsins Týs fékk skemmtilega heimsókn í Neskaupstað, en þar komu tveir hópar grunnskólabarna um borð og fræddust um varðskipið og starfsemi Landhelgisgæslunnar.

Lesa meira

Aðstoð við vélbilaðan bát frá Rifi - 3.4.2007

Sunnudagur 1. Apríl 2007.
Vaktstöð siglinga aðstoðaði línubátinn Þorlák ÍS sem var með bilaða vél. Björgunarskip Slysavarnarfélagsins Landsbjargar dró hann til hafnar á Ólafsvík.

Lesa meira

Eyddu sprengju í Vestmannaeyjum - 30.3.2007

sprengja Dala-Rafn VE 290307

Föstudagur 30. mars 2007.

Sprengjusérfræðingar Landhelgisgæslunnar fóru í gær með þyrlu til Vestmannaeyja og eyddu sprengju sem hafði komið í net togskipsins Dala-Rafns frá Vestmannaeyjum.

Lesa meira

Litlir söngvasveinar og meyjar í heimsókn í flugdeild - 28.3.2007

Leikskólinn Bæjarborg í heimsókn í flugdeild (II) 280307
Miðvikudagur 28. mars 2007.
Það var skemmtilegur hópur frá leikskólanum Bæjarbóli í Garðabæ sem heiðraði flugdeild Landhelgisgæslunnar með nærveru sinni í morgun. Börnin og leikskólakennarar skoðuðu þyrlurnar og flugvélina og tóku síðan lagið fyrir starfsfólk flugdeildar. Almenn ánægja var með þessa skemmtilegu heimsókn. Lesa meira

Ferðalangar brugðust rétt við er þeir fundu tundurdufl - 27.3.2007

tundurdufl_mars_2007_gusti_og_fundarmenn
Þriðjudagur 27. mars 2007.
Ferðalangar sem fundu tundurdufl á Starmýrarrifi við Álftafjörð eystri brugðust hárrétt við en þeir tóku stað á duflinu og létu varðstjóra Landhelgisgæslunnar í Vaktstöð siglinga strax vita Lesa meira

Ægir í ólgusjó - 27.3.2007

Ægir tekur dýfu 6 mars 2007
Þriðjudagur 27. mars 2007.
Guðmundur St. Valdimarsson bátsmaður sendi nýlega þessar skemmtilegu myndir af Ægi á siglingu og skýringar með.

Lesa meira

Sjúkraflug björgunarþyrlunnar Lífar vegna vinnuslyss á Grundartanga - 26.3.2007

Sjukraflug í Brimil 2006
Mánudagur 26. mars 2007.
Líf sótti á laugardaginn mann sem hafði orðið fyrir vinnuslysi á Grundartanga og flutti á sjúkrahús. Lesa meira

Útkall um helgina - Þyrlan Líf og flugvélin Syn í björgunarflugi djúpt suður af landinu - 26.3.2007

TF-LIF-140604

Mánudagur 26. mars 2007.
Þyrlan Líf sótti slasaðan sjómann um borð í Kolmunnaskipið Guðmund VE í fylgd Synjar, Fokkerflugvélar Landhelgisgæslunnar.

Lesa meira

Varðskip Landhelgisgæslunnar með Sólborgu RE-270 í togi á leið til Reykjavíkur - 20.3.2007

Vaktstöð siglinga / stjórnstöðin 2007
Þriðjudagur 20. mars 2007.
Varðskip Landhelgisgæslunnar er nú með dragnótarbátinn Sólborgu RE-270 í togi á leið til Reykjavíkur en báturinn varð vélarvana í dag um 0.8 sjómílur frá landi.
Lesa meira

Þyrlurekstur Landhelgisgæslu Íslands - þróun og tillaga um framtíðarlausn - 20.3.2007

SIF_og_LIF
Þriðjudagur 20. mars 2007
Í dag gaf dómsmálaráðuneytið út fréttatilkynningu þar sem tillögur starfshóps um þyrlurekstur landhelgisgæslunnar eru raktar.

Lesa meira

Þjálfun skipstjórnarmanns fyrir störf í flugdeild - 19.3.2007

Þjálfun skipstjórnarmanns - flugdeild

19. mars 2007.
Meðfylgjandi myndir voru teknar nýlega þegar Vilhjálmur Ó. Valsson stýrimaður/sigmaður var í grunnþjálfun sem sigmaður á þyrlu.

Lesa meira

Tæki fyrir nýja flugvél Landhelgisgæslunnar skoðuð - 16.3.2007

MSS_SLAR_Image_080
Í síðustu viku fóru þeir Hafsteinn Heiðarsson flugstjóri, Ragnar Ingólfsson flugvirki og Auðunn Kristinsson yfirstýrimaður í eftirlitsflug með Dast-8 flugvél Transport Canada. Tilgangur ferðarinnar var að skoða FLIR “Forward Looking Infrared Camera” og SLAR “Side Looking Airborn Radar” flugvélarinnar sem eru sömu gerðar og LHG hefur áhuga á að setja í nýja eftirlitsflugvél stofnunarinnar. Lesa meira

Varðskip Landhelgisgæslunnar á leið til lands með tvo gáma Kársness í togi - 15.3.2007

Fimmtudagur 15. mars 2007.
Varðskip Landhelgisgæslunnar er nú á siglingu til lands með tvo gáma sem áhöfn björgunarþyrlunnar Lífar fann út af Garðskaga í morgun. Skip Atlantsskipa, Kársnes, fékk á sig brotsjó í gærkvöldi og missti gámana frá borði.
Lesa meira

Aðstoð við flutningaskipið Barbarossa - 15.3.2007

Barbarossa

Fimmtudagur 15. mars 2007.

Undir lok síðustu viku fékk flutningaskipið Barbarossa frá Nassau á sig brotsjói 150 sjómílur suðvestur af Kötlutanga í aftakaveðri og fékk aðstoð frá vaktstöð siglinga og varðskipinu Ægi.

Lesa meira

Sprengjusérfræðingar Landhelgisgæslunnar í Líbanon - 15.3.2007

128469367-M
Fimmtudagur 15. mars 2007
Íslenska friðargæslan sendi tvo sprengjusérfræðinga frá Landhelgisgæslu Íslands og einn sjúkraflutningamann frá Slökkviliði Reykjavíkur fyrir u.þ.b. sex vikum til Líbanon til að aðstoða við sprengjueyðingu. Í Líbanon er mikið af ósprengdum sprengjum eftir stríð sem geisaði þar síðastliðið sumar.
Lesa meira

Tveir menn létust í sjóslysi í nótt - 14.3.2007

14. mars 2007.
Landhelgisgæslan, lögreglan og rannsóknarnefnd sjóslysa rannsaka málið og atburðarásina í heild. Lesa meira

Hópur kvenna heimsótti varðskipin - 13.3.2007

Konur í heimsókn í varðskipunum

Þriðjudagur 13. mars 2007.

Fríður hópur kvenna sem tengjast starfsemi erlendra sendiráða á Íslandi heimsótti varðskipið Ægi og einnig varðskipið Óðinn þar sem skipin lágu við bryggju á Faxagarði á dögunum.

Lesa meira

Nýtt sjókort af Reyðarfirði komið út - 13.3.2007

Sjókort nr. 716 af Reyðarfirði
Þriðjudagur 13. mars 2007.
Starfsfólk sjómælingasviðs Landhelgisgæslunnar hefur nú lokið vinnu við sjókort af Reyðarfirði og er það nýkomið út. Lesa meira

Fyrirlestur og kynning á nýrri bók um þorskastríðin - 12.3.2007

Fyrirlestur_um_torskastridin_090307_Trostur_Gudni_og_Andrew

Mánudagur 12. mars 2007.

Nokkrir góðir gæslumenn, bæði starfandi og á eftirlaunum, létu sig ekki vanta á fyrirlestur um þorskastríðin sem Sagnfræðingafélag Íslands og Sagnfræðistofnun Háskóla Íslands stóðu fyrir í Þjóðminjasafninu í hádeginu á föstudaginn var.

Lesa meira

Þyrluúatkall vegna leitar að týndum mönnum - 12.3.2007

TF-LIF.Langjokull
Sunnudagur 11. mars 2007.

Líf kölluð út en sneri við áður en leit hófst þar sem mennirnir höfðu fundist heilir á húfi. Lesa meira

35 ára starfsafmæli Steinars Clausen - 9.3.2007

_DSC0491
Föstudagur 9. mars 2007.
Steinar Clausen hefur helgað Landhelgisgæslu Íslands starfskrafta sína meirihluta ævinnar. Lesa meira

Skipstjóri vélbilaðs báts leitaði aðstoðar - 8.3.2007

Fimmtudagur 8. mars 2007.
Skipstjóri vélbilaðs báts leitaði til Vaktstöðvar siglinga - stjórnstöðvar Landhelgisgæslunnar. Björgunarbátur frá Ísafirði kom til hjálpar. Lesa meira

Minningarathöfn um borð í varðskipinu Ægi vegna látins vinar og félaga - 10 ár liðin frá strandi Vikartinds - 5.3.2007

Mánudagur 5. mars 2007
Þess var minnst í morgun um borð í varðskipinu Ægi að 10 ár IMG_0516eru liðin frá því hörmulega slysi er Elías Örn Kristjánsson bátsmaður og kafari lést við skyldustörf um borð í varðskipinu er þess var freistað að bjarga flutningaskipinu Vikartindi sem var vélarvana undan Háfsfjöru.

Lesa meira

Starfsmaður Landhelgisgæslunnar til starfa hjá FAO í Róm - fjareftirlit með fiskiskipum notað til að auðvelda eftirlit og björgunarstörf - 1.3.2007

Fimmtudagur 1. mars 2007Gylfi_FAO_Rom_mars_2005

Starfsmaður Landhelgisgæslunnar, Gylfi Geirsson, heldur á morgun til Rómar á Ítalíu þar sem hann mun starfa hjá Matvæla- og Landbúnaðarstofnun Sameinuðu Þjóðanna (FAO) næstu mánuði við verkefni tengd fjareftirliti og rafrænum afladagbókum. Verkefnið er unnið í samvinnu við sjávarútvegs- og utanríkisráðuneytið. Matvæla- og Landbúnaðarstofnunin óskaði eftir því við íslensk stjórnvöld að Ísland sendi fjareftirlitssérfræðing til starfa hjá stofnuninni en á alþjóðavettvangi hefur Ísland getið sér orð fyrir að vera í fremstu röð á þessu sviði í heiminum.

Lesa meira

NEAFC námskeið LHG - 22.2.2007

Gylfi_laginn_vid_ad_svara_spurningum_og_skapa_umradur2

Fimmtudagur 22. febrúar 2007

Undanfarnar vikur hafa skipstjórnarmenn af varðskipum og flugdeild Landhelgisgæslunnar sem og varðstjórar úr Vakstöð siglinga og nokkrir starfsmenn Fiskistofu setið tveggja daga námskeið er varðar störf þeirra í tengslum við fiskveiðieftirlit á vegum Norð-Austur Atlanshafs Fiskveiðiráðsins (NEAFC). Leiðbeinandi á námskeiðunum er Gylfi Geirsson forstöðumaður sem er fulltrúi og sérfræðingur Landhelgisgæslunnar í NEAFC málefnum. Honum til aðstoðar er Thorben Lund yfirstýrimaður sem hefur orðið mikla reynslu af svokölluðu NEAFC eftirliti bæði úr lofti og með varðskipum stofnunarinnar. 

Lesa meira

Olíumengun við Njarðvík - 19.2.2007

Mánudagur 19. febrúar 2006

Í tilefni af upplýsingum um að olímengun væri á svæðinu frá Garðskaga inn að Njarðvík og sést hefðu fuglar sem hefðu orðið fyrir slíkri mengun, var flugvél Landhelgisgæslunnar TF SYN, send í eftirlitsflug yfir svæðið. Áhöfn flugvélarinnar tilkynnti nú fyrir skömmu að þeir hefðu ekki orðið varir við neina olíflekki á þessu svæði.

Lesa meira

Landhelgisgæslan tók þátt í 112 deginum - 12.2.2007

Mánudagur 12. febrúar 2007
Geysilega margt var um manninn í Smáralind á 112 daginn þegar sjálfboðaliðar Rauða krossins og Slysavarnafélagsins Landsbjargar kynntu þar fjölbreytt störf sín að björgun og almannavörnum. Erilsamt var hjá þeim sem stöðu vaktina við að kynna störf að leit, björgun, skyndihjálp, fjöldahjálp og fleiri verkefnum sem sjálfboðaliðar sinna.

Þá vakti 112 lestin verðskuldaða athygli og fjöldi fólks fylgdist með björgunarsýningu Landhelgisgæslunnar, björgunarsveitarmanna og slökkviliðsmanna SHS á bílaplaninu við Smárabíó. Ríflega 30 björgunartæki af ýmsum stærðum og gerðum voru í 112 lestinni að þessu sinni.

Lesa meira

Flogið til Beirút - 12.2.2007

IMG_8815

Nú fyrir skemmstu fóru tveir starfsmenn sprengjudeildar Landhelgisgæslunnar, þeir Jónas Þorvaldsson og Adrian J. King á vegum íslensku friðargæslunnar til starfa við sprengjueyðingu í suðurhluta Líbanon. Þeir voru fluttir ásamt búnaði til Beirút með fluvél Landhelgisgæslunnar TF SYN. Verkefnið mun standa í 3 mánuði og mun Marvin Ingólfsson sprengjusérfræðingur fara utan síðar, þeim til liðveislu. Með í för er Kristján Sigfússon bráðaliði frá Slökkviliði höfuðborgarsvæðisins.

Flugstjóri í ferðinni var Tómas Helgason. Flugmenn voru Hafsteinn Heiðarsson og Pétur Steinþórsson. Flugvirki var Sverrir Erlingsson.

Lesa meira

Vatnadansmeyjafélagið Hrafnhildur um borð í Óðni - 9.2.2007

Vatnadansmeyjar
Föstudagur 9. febrúar 2007.
Í vor mun Vatnadansmeyjafélagið Hrafnhildur leiða sýningu um borð í elsta skipi Landhelgisgæslunnar. Varðskipið Óðinn fær þá nýtt yfirbragð, þar sem ímyndunaraflið fær að flæða um króka og kima. Skipið er míkrókosmos. Sér heimur.  Áhorfendur ferðast utan frá og inn; ofan frá og niður.  Með því að stíga um borð er komið inn í nýjan heim í tíma og rúmi. Lesa meira

Allur floti LHG saman í heimahöfn - 6.2.2007

Oll_skip_LHG

Þriðjudagur 6. febrúar 2007

Sá sjaldgæfi atburður átti sér stað á dögunum að allur floti LHG lá saman í heimahöfn. Slíkt hefur ekki átt sér stað lengi. Þetta ástand varði nú samt ekki lengi þar sem Týr hélt út síðdegis sama dag.

Lesa meira

Orkustjórnunarkerfi í nýtt varðskip - 23.1.2007

Nr_29

Þriðjudagur 23. janúar 2007
Björn Bjarnason Dómsmálaráðherra og Jón Ágúst Þorsteinsson framkvæmdastjóri Marorku gengu í dag frá samningi um innleiðingu Maren orkustjórnunarkerfi Marorku í nýtt varðskip Landhelgisgæslunnar. Nýja varðskipið er fyrsta skip sinnar tegundar búið Maren orkustjórnunarkerfi en við það opnast ný og spennandi tækifæri fyrir Marorku.

Lesa meira

Þyrluáhöfn LHG veitt heiðursorða danska sjóhersins - 11.1.2007

Orduveiting2

Fimmtudagur 11. janúar 2006.

Danski varnarmálaráðherran Søren Gade veitti áhöfn TF-Lífar, sem vann að björgun skipverja af danska varðskipinu Triton, heiðursorðu danska sjóhersins við athöfn sem fram fór á skrifstofu Landhelgisgæslunnar í dag.

Lesa meira

Nýjar eldsneytistunnur á Þórshöfn - 9.1.2007

Þórshöfn-Raufarhöfn1

Þriðjudagur 9. janúar 2006.

Síðastliðinn laugardag flaug áhöfn þyrlunnar TF LIF til Þórshafnar ásamt Geirþrúði Alfreðsdóttur flugrekstrarstjóra og Höskuldi Ólafssyni flugtæknistjóra. Tilgangur ferðarinnar var að taka í notkun eldsneytistunnur auk þess sem æft var með björgunarsveitum á Þórshöfn og Raufarhöfn.

Lesa meira

Störf sjálfboðaliða í brennidepli á 112 daginn - 5.1.2007

_DSC1115

Föstudagur 5. janúar 2006.

112 dagurinn verður haldinn á vegum viðbragðsaðila í björgun og almannavörnum um allt land sunnudaginn 11. febrúar næstkomandi. Að þessu sinni verður dagurinn helgaður margvíslegum störfum sjálfboðaliða að forvörnum, leit og björgun, almannavörnum og neyðaraðstoð. Megináhersla verður lögð á að kynna starf sjálfboðaliðasamtakanna og mikilvægi þess.

Lesa meira



Þetta vefsvæði byggir á Eplica