Cospas Sarsat hættir hlustun neyðarsendinga á tíðninni 121,5 MHz og 243 MHz
Stjórnstöð Landhelgisgæslunnar vill vekja athygi á að þann 1. febrúar hættir Cospas-Sarsat gervihnattakerfið hlustun eftir neyðarsendingum á tíðninni 121,5 MHz sem koma frá gömlum neyðarsendum skipa, báta og smærri flugvéla. Aðeins ein af 50 neyðarsendingum á 121,5/243 MHz er raunverulegt neyðartilvik. Þetta hefur í för með sér veruleg áhrif á vinnu leitar- og björgunarstöðva (SAR).
Lesa meira
Nýjar siglingaleiðir opnast á norðurslóðum
Málstofa um öryggishorfur á norðurslóðum undir heitinu „Security Prospects in the High North“ fór fram í dag á Nordica hótelinu. Um þrjúhundruð manns frá tuttugu og sex ríkjum NATÓ tóku þátt í málstofunni. Í málstofunni var fjallað um þær breytingar sem eiga sér stað á norðurslóðum með hlýnandi loftslagi og bráðnun íshellunnar.
Lesa meira
Viðbúnaður vegna eins hreyfils flugvélar
Í dag klukkan 15:35 barst Stjórnstöð Landhelgisgæslunnar boð frá Flugstjórn um eins hreyfils flugvél í vandræðum vegna ísingar. Flugvélin var á leið frá Grænlandi og átti eftir um 275 sjómílur til Reykjavíkurflugvallar. Sett var af stað viðbúnaðarstig.
Lesa meira
Bátur tekinn við meintar ólöglegar veiðar
Í gær stóð varðskip Landhelgisgæslunnar línubát að meintum ólöglegum veiðum inni á skyndilokunarsvæði út af Vatnsleysuströnd. Um er að ræða skyndilokun nr. 8 sem auglýst var 21. janúar sl. eftir að Hafrannsóknastofnun hafði fengið upplýsingar um of hátt hlutfall smáfisks í afla báta á svæðinu.
Lesa meira
Tvö þyrluútköll eftir hádegi
Þyrla Landhelgisgæslunnar lenti kl. 18:15 við Landspítalann í Fossvogi með ökklabrotinn mann sem sóttur var í Esju, við Þverfellshorn. Mjög erfiðar aðstæður voru á staðnum og var maðurinn hífður á börum um borð í þyrluna.
Var þetta annað útkall þyrlunnar í dag en kl. 15:00 barst stjórnstöð Landhelgisgæslunnar beiðni um aðstoð við að sækja slasaðan vélsleðamann í Landmannalaugar, sem fallið hafði af barði niður í gil. Var þyrlan nýlent með þann slasaða við Landspítalann þegar seinna útkallið barst.
Lesa meira
Annasamur dagur hjá Aðgerðasviði LHG
Stjórnstöð Landhelgisgæslunnar hefur haft í nógu að snúast í dag því kl. 15:01 barst beiðni í gegn um Neyðarlínuna um aðstoð þyrlu við að sækja slasaðan mann í Landmannalaugar. Að sögn félaga mannsins féll hann fram af barði ofan í gil og illmögulegt var að komast að staðnum.
Lesa meira
Eftir aðeins tíu daga hætt að hlusta eftir neyðarsendingum á 121,5 MHz
Eftir aðeins tíu daga hættir Cospas-Sarsat gervihnattakerfið hlustun eftir neyðarsendingum á tíðninni 121,5 MHz sem koma frá gömlum neyðarsendum skipa, báta og smærri flugvéla. Talið er að aðeins þriðjungur íslenska flotans sé með nýja neyðarsenda. Stjórnstöð Landhelgisgæslunnar minnir á að mjög mikilvægt er að yfirfara og skipta út gömlum neyðarsendum.
Lesa meira
Uppsögnum hjá LHG frestað um óákveðinn tíma
Neðangreind tilkynning barst starfsmönnum Landhelgisgæslunnar nú fyrir stundu frá Georgi Kr. Lárussyni, forstjóra.
„Kæru samstarfsmenn
Ég hef ákveðið að fresta fyrirhuguðum uppsögnum hjá Landhelgisgæslu Íslands um óákveðinn tíma...
Fylgjumst vel með eldsneytisflutningum
Fjöldi erlendra flutningaskipa flytja í mánuði hverjum eldsneyti milli Norður Evrópu og Norður Ameríku og sigla þá í gegn um íslenska hafsvæðið. Í dag er eitt þessara skipa á siglingu um 20 sjómílur suður af Surtsey. Skip þetta heitir Torm Horizon og er skráð í Danmörku. Skipið er 180 metra langt, 29 þúsund tonn að þyngd og flytur bensín frá Mongstad í Noregi til New York. Reiknað er með, miðað við hraða þess nú, að það verði um 39 tíma á siglingu í gegn um íslensku efnahagslögsöguna.
Lesa meira
Þrjú þyrluútköll um helgina
Þyrlur Landhelgisgæslunnar voru sendar í þrjú útköll um helgina. Sóttur var hjartveikur maður í Stykkishólm, slasaður sjómaður um borð í togara sem staddur var um 40 sjómílur VNV af Garðskaga og slasaður vélsleðamaður var sóttur á Lyngdalsheiði.
Lesa meira
Lesa meira
TF-GNÁ komin með nætursjónauka
Nýlega var lokið við að setja nætursjónauka í TF-GNÁ þyrlu Landhelgisgæslunnar og var hún tekin í notkun nú í vikunni. Unnið hefur verið að ísetningunni undanfarið eitt og hálft ár en það er umfangsmikið verkefni en til þess að gera notkun þeirra mögulega þarf að vera sérstök lýsing í þyrlunni sjálfri.
Lesa meira
Sjómaður sóttur með TF-GNÁ
Þyrla Landhelgisgæslunnar, TF-GNÁ, sótti í kvöld veikan sjómann um borð í íslenskt fiskiskip sem statt var um 50 sml norður af Horni. Stjórnstöð Landhelgisgæslunnar kallaði út þyrluáhöfn kl. 16:53 eftir að læknir í áhöfn TF-GNÁ hafði fengið upplýsingar um líðan skipverjans. Fór þyrlan í loftið frá Reykjavíkurflugvelli kl. 18:00.
Lesa meira
Njóta minna öryggis ef ekki er réttur búnaður um borð
Uppsetning nýs fjarskiptakerfis til talviðskipta við skip og báta umhverfis Ísland er nú á lokastigi. . Endurnýjunin felur í sér talsverðar breytingar fyrir fjarskipti skipa . Þess vegna hvetur Stjórnstöð Landhelgisgæslunnar/Vaktstöð siglinga sjófarendur til að huga að öryggi sínu, endurnýja eða uppfæra gömul tæki auk þess að skipta út neyðarsendum ef á þarf að halda.
Lesa meira
Viðbragðsgeta TF-LÍF var 92 prósent árið 2008
Flugtæknideild Landhelgisgæslunnar hefur gefið út skýrslu yfir viðbragðsgetu “availability” flugflota LHG á árinu 2008 og eru niðurstöðurnar eftirfarandi:
Lesa meira
Tilkynningarskylda fiskiskipa
Nýjar tilkynningareglur fyrir öll íslensk fiskiskip tóku gildi þann 1. september 2008. Þær taka til allra íslenskra fiskiskipa sem hafa leyfi Fiskistofu til að stunda fiskveiðar í atvinnuskyni innan sem utan fiskveiðilögsögu Íslands. Skip sem stunda fiskveiðar skulu búin fjarskiptabúnaði, sem sendir staðsetningar með sjálfvirkum hætti á að minnsta kosti klukkustundar fresti til Landhelgisgæslunnar.
Lesa meira
Bátur strandar við Garð
Stjórnstöð Landhelgisgæslunnar barst í kvöld kl. 20:07 tilkynning frá mótorbátnum Moniku GK-136 um að báturinn væri strandaður með þrjá menn um borð við sjóvarnargarðinn í Innri-Njarðvík. Samkvæmt skjám STK-kerfisins (sjálfvirka tilkynningakerfisins) í stjórnstöð Landhelgisgæslunnar virtist báturinn hins vegar vera staddur við sjóvarnargarðinn í Garði.
Lesa meira
Fækkun í útköllum Flugdeildar LHG milli ára
Alls var 68 einstaklingum bjargað í þeim 150 útköllum sem bárust Flugdeild Landhelgisgæslunnar á árinu 2008. Alls fækkaði útköllum um 18% á milli ára en flest þeirra bárust í gegn um Stjórnstöð Landhelgisgæslunnar en einnig frá Neyðarlínunni og Fjarskiptamiðstöð Lögreglunnar.
Lesa meira
Nýjar reglugerðir um starfsemi Landhelgisgæslunnar
Út eru komnar fimm reglugerðir um starfsemi Landhelgisgæslunnar. Voru þær birtar á vef Stjórnartíðinda þann 23. desember sl. Er þetta er í fyrsta skipti, svo vitað er til, að settar eru reglugerðir með stoð í lögum um Landhelgisgæslu Íslands, ef frá eru taldar reglur um yfirstjórn leitar og björgunar á hafsvæðinu umhverfis Ísland sem voru settar með hliðsjón af gömlu gæslulögunum frá 1967.
Lesa meira
