Skólaskipið Gorch Fock lagði að Miðbakka kl. 10:00 í morgun. Liður í heimsókn skipsins er að heilsa upp á stofnanir, s.s. hafnar- og borgarstjóra, lögreglustjóra, Landhelgisgæsluna og Varnarmálastofnun.

Georg Kr. Lárusson, forstjóri Landhelgisgæslunnar tók á móti gestunum um hádegisbil og átti með þeim stuttan fund áður en haldið var til hádegisverðar um borð í skipið.

Lesa meira

Þýska skólaskipið Gorch Foch liggur nú við akkeri út á ytri höfninni í Reykjavík en skipið kemur að Miðbakka kl 10:00 í fyrramálið.

Meðan skipið liggur við bryggju í Reykjavík mun áhöfn og liðsforingjaefni m.a. heimsækja  Landhelgisgæsluna, hafnarstjóra, borgarstjóra, lögreglustjóra og  forstjóra Varnarmálastofnunar.

 

Um helgina verður skipið opið almenningi milli kl. 14:00-17:00.

Lesa meira

Samkvæmt upplýsingum úr gagnagrunni Stjórnstöðvar Landhelgisgæslunnar sigldu alls 1484 erlend skip til íslenskra hafna árið 2008. Lesa meira

Þýska skólaskipið Gorch Fock er væntanlegt til Reykjavíkur nk. fimmtudag 26. mars kl. 10:00, mun skipið liggja við Miðbakka meðan á dvöl þess stendur. Um borð verður um 60 manna áhöfn og 145 liðsforingjaefni. Gorch Fock er 90 m langt, 3gja mastra seglskip sem nokkrum sinnum hefur komið til Reykjavíkur síðan það var tekið í notkun 1958. Lesa meira

Stjórnstöð Landhelgisgæslunnar barst kl. 14:03 beiðni frá Neyðarlínunni um að þyrla yrði kölluð út vegna vélsleðaslyss við Sandfell í Axarfirði. TF-GNÁ fór í loftið kl. 14:38 en kl. 15:10 var beiðnin afturkölluð þar sem læknir á slysstað mat sjúklinga svo að vel væri hægt að flytja þá til Kópaskers. Beiðni um þyrlu barst aftur kl.15:38 þar sem björgunarsveitarmönnum og lækni leist ekki á að flytja manninn af slysstað í 1,5 klst og síðan í 2 klst til Akureyrar. Lesa meira

Þyrla Landhelgisgæslunnar, TF-EIR fann Aldísi Westergren í Langavatni, rétt fyrir ofan Grafarvog fyrir hádegi í morgun. Lögreglan í Reykjavík óskaði eftir aðstoð þyrlunnar en einnig tóku þátt í leitinni Björgunarsveitir Slysavarnarfélagsins Landsbjargar. Þyrlan fór í loftið rétt fyrir klukkan tíu í morgun og hóf leitina við Reynisvatn.

Færði þyrlan sig að því loknu að Langavatni þar sem Aldís fannst fljótlega og var svæðisstjórn samstundis gert viðvart. Lenti þyrlan á staðnum og leiðbeindi áhöfn þyrlunnar köfurum frá björgunarsveitinni Ársæli í Reykjavík með staðsetningu.
Lesa meira

Þyrla LHG mun aðstoða við leit að Aldísi Westergren, 37 ára konu sem ekkert hefur spurst til síðan 24. febrúar sl. Hún sást síðast við heimili sitt í Gvendargeisla í Grafarholti í Reykjavík. Leitað verður á svæðinu í kring um heimili Aldísar, Reynisvatn og Langavatn. Lesa meira

Sören Gade, varnarmálaráðherra Danmerkur, átti í morgun fund með Georgi Lárussyni, forstjóra Landhelgisgælunnar þar sem öryggismál á Norður-Atlantshafi voru rædd. Gade sér mikil tækifæri í nánari samvinnu við Landhelgisgæsluna, ekki síst með tilliti til opnunar siglingaleiða á Norður-Íshafi. Þá viðraði varnarmálaráðherrann þann möguleika að Landhelgisgæslan taki þátt í eftirliti á hafinu við Grænland og Færeyjar þegar Landhelgisgæslan tekur nýja Dash-8 flugvél í notkun.

Lesa meira

Aukið samstarf Landhelgisgæslunnar og bandarísku strandgæslunnar ásamt mikilvægi þess, var rætt á fundi Georgs Kr. Lárussonar, forstjóra Landhelgisgæslunnar og Dale Gable aðmíráls hjá bandarísku strandgæslunni í liðinni viku. Einnig fóru aðilar bandarísku strandgæslunnar um borð í varðskip LHG og fengu kynningu á starfsemi stjórnstöðvar.

Samkvæmt yfirlýsingu þjóðanna munu strandgæslan og Landhelgisgæslan styrkja samstarf sitt enn frekar, svo sem við leit og björgun, stjórn á siglingum, mengunareftirlit á hafinu og almenna öryggisgæslu. Þá er einnig gert ráð fyrir sameiginlegri þjálfun og menntun starfsmanna eftir því sem nauðsynlegt er til að treysta samstarfið sem best.

Lesa meira

Stjórnstöð LHG fékk um helgina tvær skoskar stúlkur í heimsókn. Var önnur þeirra í hópi sem bjargað var þann 9. Júní 2007 af þyrlu LHG, TF-LÍF. Vildu stúlkurnar koma innilegu þakklæti til áhafnarinnar.

Saga björgunarinnar er sú að þann 9. júní 2007 hafði breska strandgæslan í Clyde á Skotlandi samband við stjórnstöð Landhelgisgæslu Íslands. Höfðu menn áhyggjur af hópi kvenna sem dvalið hafði við ísklifuræfingar á Grænlandsjökli. Lesa meira

Tvískipt björgunaræfing áhafna varðskips Landhelgisgæslunnar og danska varðskipsins Hvidbjörnen fór fram í vikunni. Fyrri hluti æfingarinnar fólst í að eldur að kom upp í varðskipi LHG og leituðu reykkafarar danska varðskipsins um borð og fundu fjóra „slasaða“ sem voru undirbúnir fyrir flutning frá skipinu. Lesa meira

Dómsmálaráðherra, Ragna Árnadóttir kynnti sér í dag starfsemi Landhelgisgæslunnar ásamt Þorsteini Geirssyni ráðuneytisstjóra, Skúla Þór Gunnsteinssyni lögfræðingi, Jóni Magnússyni skrifstofustjóra auk Elísabetu Jónasdóttur upplýsingafulltrúa. Snæddur var hádegisverður í varðskipi Landhelgisgæslunnar, fór hópurinn að því loknu í springerbát sem flutti þau að æfingu sem stóð yfir með þyrlu LHG TF-EIR og Slysavarnarskóla sjómanna. Gerðist dómsmálaráðherra og fylgdarlið sjálfboðaliðar í æfingunni og voru hífð um borð í þyrluna sem síðan flutti þau á Reykjavíkurflugvöll. Lesa meira

Gagnkvæmt traust, trúverðugleiki, samvinna og mikilvægi upplýsingamiðlunar var sameiginleg niðurstaða ráðstefnu strandgæslna og sjóherja tuttugu þjóða á Norður Atlantshafi sem lauk á Hótel Sögu í gær og Landhelgisgæslan annaðist og skipulagði. Rússland, Bandaríkin og Kanada eiga aðild að samtökunum auk sautján Evrópuþjóða.

Formennska samtakanna er í höndum Georgs Kr. Lárussonar forstjóra Landhelgisgæslunnar og hefur Ísland þar með lykilhlutverki að gegna við að móta starfsemi samtakanna, stuðla að samræmingu milli aðila eftir því sem við á og koma á kerfi til upplýsingaskipta sem tengist heimasíðu samtakanna. Lesa meira

Sprengjudeild Landhelgisgæslunnar eyddi í
gær bresku tundurdufli sem fannst sokkið í sand austan við Þorlákshöfn. Lögreglan á Selfossi tilkynnti duflið til stjórnstöðvar LHG á sunnudagskvöld. Eftir myndum að dæma var talið nokkuð öruggt að duflið væri tómt. Við nánari athugun kom í ljós að enn voru leifar af sprengiefni í duflinu og var það grafið upp og því eytt. Lesa meira

Þar sem hættuástandi hefur verið lýst yfir á Vestfjörðum vegna snjóflóðahættu hafa varðskip Landhelgisgæslunnar og danskt varðskip í nágrenni við landið, flutt sig nær Vestfjörðum en áætlað er að áhafnir skipanna æfi saman á morgun. Hitt íslenska varðskipið er einnig í viðbragðsstöðu. Lesa meira

Ráðstefna vinnuhópa North Atlantic Coast Guard Forum, samtaka strandgæslustofnana á Norður Atlantshafi var sett af Rögnu Árnadóttur, dómsmálaráðherra á þriðjudag. Ráðstefnunni lýkur á fimmtudag en um hundrað og fjörutíu manns frá tuttugu aðildarþjóðum sækja ráðstefnuna og taka þátt í vinnuhópum samtakanna. Rússar, Bandaríkja- og Kanadamenn eiga aðild að samtökunum auk sautján Evrópuþjóða.

Nýr vinnuhópur tók til starfa á ráðstefnunni sem fjallar um búnað og tækniþekkingu. Markmið hópsins er að fjalla um tæknibúnað sem notaður er á sviði strandgæslu og skiptast á upplýsingum sem varða tækniþróun og þarfagreiningu. Slík samvinna hefur mjög mikla þýðingu fyrir litlar þjóðir sem Ísland, sem ekki hafa getu til að reka sérstakar tækni og áætlanadeildir. Lesa meira

Ráðstefna vinnuhópa North Atlantic Coast Guard Forum (NACGF) hefst í Reykjavík þriðjudaginn 10. mars. North Atlantic Coast Guard Forum eru samtök strandgæslustofnana á Norður Atlantshafi.  Um hundrað og fjörutíu  manns frá tuttugu aðildarþjóðum taka þátt í  ráðstefnunni sem verður haldin á Radisson SAS Hótel Sögu. Georg Kr. Lárussonar forstjóri Landhelgisgæslunnar er formaður samtakanna en hann tók við af Nils Wang admírál hjá danska flotanum á aðalfundi samtakanna sl. haust.   Lesa meira

Þyrla Landhelgisgæslunnar TF-GNA sótti í gærkvöldi fótbrotinn mann í Esju. Kom björgunarsveitarmaður að slysstaðnum sem mat aðstæður á þann veg að nauðsynlegt væri að bera hinn slasaða 100-200 metra neðar til að þyrlan nái að hífa hann upp. Stjórnstöð LHG kallaði þyrluvaktina út kl. 18:50 og lenti TF-GNA með hinn slasaða við Borgarspítalann um kl. 20:25. Lesa meira

Í dag fór flugvél Landhelgisgæslunnar TF-SYN í ískönnunarflug úti fyrir Vestfjörðum. Kl. 1211 var komið að nýmyndun hafíss á stað 67-20N-025-50V og henni fylgt til SV. Hin eiginlega hafísrönd sást ekki, eingöngu var um nýmyndun að ræða og náði um 10 sjómílur austan við línu á kortinu. Sjá pdf. skjal.

Lesa meira

Á fimmtudag urðu Mjófirðingar símsambandslausir þegar kom upp bilun í örbylgjukerfi Mílu á Austurlandi. Stjórnstöð LHG varð tengiliður Mjófirðinga við umheiminn þegar þeir báðu um að halda sambandi með talstöð sem staðsett er í báti á Mjóafirði. Talviðskiptin fóru fram í gegn um loftskeytastöðina (VHF R26 Goðatindur) á meðan þetta ástand varði.  Erfitt var að komast til viðgerðar vegna óveðurs á svæðinu. Lesa meira

Flugvél Landhelgisgæslunnar TF-SYN fór í eftirlitsflug um syðri hluta efnahagslögsögunar í dag. Flogið var yfir skip á gulldepluveiðum og kallað var í Hoffell SU-80. Aðspurður sagði hann aflabrögð dræm en hálfgerð bræla væri búin að vera á slóðinni og er torfan ennþá á suðurleið en skipin eru um 170 sjómílur SSV af Vestmannaeyjum. Höfð voru afskipti af flutningaskipinu MONTREAL EXPRESS og olíuskpinu HS TOSCA. Lesa meira

Danska varðskipið EJNAR MIKKELSEN P 571 kom til Reykjavíkur sl. laugardag en skipið er systurskip varðskipsins KNUD RASMUSSEN P 570 sem heimsótti LHG í september sl. og var þá opið almenningi. Skipin eru nýjustu skip danska flotans og sérstaklega ætluð til siglinga á hafísslóðum.   Um borð er 12 m langt björgunarskip sem sjósett er úr skutrennu skipsins (SAR vessel). Var björgunarskipið SAR 2 prófað í Reykjavíkurhöfn í dag.

Lesa meira

Stjórnstöð Landhelgisgæslunnar barst kl. 09:34 beiðni frá Fjarskiptamiðstöð lögreglunnar (FML) um aðstoð þyrlu Landhelgisgæslunnar TF-GNA vegna bílslyss sem varð við Kirkjubæjarklaustur. Flugtak þyrlunnar var kl. 10:32. Slysið varð um 5 km austan við Jökulsárlón og voru fimm manns í bifreiðinni, þrír komust úr bílnum en tveir voru fastir. Sjúkrabifreið flutti eina konu með höfuðáverka að Kirkjubæjarklaustri þar sem þyrlan tók við hinni slösuðu. Lesa meira