Fréttir

Sprengjusveit Landhelgisgæslunnar hefur haft í mörg horn að líta síðastliðnar vikur en fyrir utan þeirra daglegu störf höfðu þeir rétt fyrir helgi farið í tíu útköll á tíu dögum þar sem meðal annars fannst tundurdufl, dýnamít á víðavangi, sprengjur á hafsbotni og í fjallshlíðum.

Síðasta útkallið barst á fimmtudag þegar sprengjusérfræðingar voru kallaðir til þegar göngufólk fann sprengju við Geithúsárgil í Reyðarfirði þar sem áður var æfingasvæði breskra hermanna í síðari heimsstyrjöld.

Lesa meira

Stjórnstöð Landhelgisgæslunnar barst kl. 18:28 beiðni í gegn um Neyðarlínuna 112 þar sem óskað var eftir aðstoð þyrlu við björgun á Langjökli. Hafði einstaklingur fallið niður í sprungu og var beðið um að undanfarar frá Slysavarnarfélaginu Landsbjörgu á höfuðborgarsvæðinu kæmu með í þyrlunni. Voru jafnframt boðaðar út björgunarsveitir í Borgarfirði og á Akranesi. Flutti TF-LÍF,  þyrla Landhelgisgæslunnar undanfarana á slysstaðinn og flutti að björgun lokinni hinn slasaða á Landspítalann. Lesa meira

Varðskip Landhelgisgæslunnar, Ægir og Týr eru ákaflega mikilvæg í eftirliti, öryggis-, og löggæslu á hafsvæðinu umhverfis Ísland. Varðskipið Ægir kom í lok vikunnar til hafnar eftir að hafa verið við gæslu- og eftirlit á Suðvestur-, Vestur- og Vestfjarðamiðum fram að sjómannadegi. Var þá haldið til gæslu á Norðvestur- og Norðurmiðum austur af Grímsey. Farið var til eftirlits í þrjátíu íslensk skip. Lesa meira

Þyrla Landhelgisgæslunnar, TF-LÍF, var kölluð út kl. 22:20 í gærkvöldi eftir að togarinn Gnúpur GK frá Grindavík hafði samband við stjórnstöð Landhelgisgæslunnar. Slys varð um borð í togaranum þegar skipverji féll um borð og skaddaðis á baki. Læknir úr áhöfn þyrlunnar fékk upplýsingar um ástand skipverjans og ákveðið var að hann yrði sóttur.

Togarinn er staddur á Reykjaneshrygg eða um 180 sjómílur undan Reykjanesi. Sigldi togarinn á fullri ferð til lands, til móts við þyrluna.

Lesa meira

Eins og gefur að skilja þurfa starfsmenn Landhelgisgæslunnar að vera viðbúnir að glíma við ólíkar aðstæður í björgunar-störfum. Veigamikill þáttur í starfi þeirra er því að þjálfa vandlega vinnubrögð við björgun. Á meðfylgjandi myndum má sjá hrikalegar aðstæður þegar þyrla Landhelgisgæslunnar fór nýverið í æfingaflug að skriðjökli sem heitir Norðurjökull og er í Langjökli við Hvítárvatn. Sigmaður seig niður í sprungu og var umkringdur fallegu en á sama tíma ógnvekjandi umhverfi jökulsins.... Lesa meira

Miðvikudagur 17. Júní 2009 Stjórnstöð Landhelgisgæslunnar barst um kl 16:35 beiðni frá Fjarskiptamiðstöð Lögreglunnar um að þyrla yrði kölluð út til að sækja slasaða konu í Reykjadal skammt norður af Hveragerði. Var þá búið að kalla út Björgunarsveitir í Hveragerði, á Selfossi og Eyrabakka. Lesa meira

Þann 28. maí barst dómsmálaráðherra, Rögnu Árnadóttur fyrirspurn á Alþingi frá Róberti Marshall, 8. þingmanni Suðurkjördæmis fyrir Samfylkinguna. Hljómaði fyrirspurn hans svo;   Hefur Landhelgisgæslan nægt fjármagn til að halda áfram óbreyttum rekstri á björgunarþyrlum sínum? Óskað var eftir skriflegu svari.  Svar dómsmálaráðherra barst þann 11. júní og má það lesa hér. Lesa meira

Stjórnstöð Landhelgisgæslunnar barst í morgun kl. 09:50 beiðni um aðstoð frá íslenskri skútu sem stödd var fyrir utan höfnina á Patreksfirði með bilaða vél og treysti sér ekki inní höfnina á seglunum. Óskaði skútan eftir aðstoð við að komast til hafnar. Lesa meira

Mikið er um að leikskólar og tómstundanámskeið heimsæki Landhelgisgæsluna á þessum árstíma og fengu varðskipið Týr og flugdeildin fjórar heimsóknir nýverið frá Leikskólanum Seljakoti, Leikskólanum Stakkaborg, Leikskólanum Laufskálum og Tómstundaheimilinu Frostaskjóli. Hefur starfsfólk Landhelgisgæslunnar afskaplega gaman að þessum heimsóknum og gaman er heyra og svara spurningum yngri kynslóðarinnar. Lesa meira

Þyrla Landhelgisgæslunnar TF-GNÁ var nýverið kölluð út eftir að stjórnstöð Landhelgisgæslunnar barst tilkynning um fótbrotinn vélsleðamann nærri Sandsúlum á Snæfellsjökli. Upplýsingar um ástand hins slasaða voru frekar óljósar, aðeins að maðurinn væri þungt haldinn. Lesa meira

Stjórnstöð Landhelgisgæslunnar barst í morgun kl. 10:46 beiðni um aðstoð frá seglskútunni Renus/1724 á rás 16. Hafði seglskútan þá skeytt á á skeri og sett neyðarbauju í gang. Ekki kom strax fram hvar báturinn var, en hann sagðist ætla til Stykkishólms. Neyðarskeyti tóku að berast stjórnstöð í gegn um Cospar Sarsat kerfið. Reyndist báturinn vera milli Norðureyjar og Kjóeyjar, um 7 sjómílur NA af Stykkishólmi. Kallaðar voru út allar björgunarsveitir Slysavarnarfélagsins Landsbjargar á svæðinu auk þyrlu Landhelgisgæslunnar, einnig var kallað til báta á svæðinu. Lesa meira

Stjórnstöð Landhelgisgæslunnar barst á fimmtudagskvöld kl. 20:29 beiðni um aðstoð frá línuveiðiskipinu Valdimar GK-195 vegna óhapps sem varð þegar skipverjar hugðust sjósetja léttabát skipsins um 90 sjómílur norð-vestur af Öndverðanesi. Valdimar er um 600 tonn að stærð og 38 m að lengd. Læknir á þyrluvakt Landhelgisgæslunnar mat það svo að meiðsli tveggja skipverja sem voru í léttabátnum væru þess eðlis að ástæða væri til að sækja þá með þyrlu til aðhlynningar á sjúkrahúsi. Lesa meira

Franski sendiherrann Fr. Caroline Dumas og varnarmálafulltrúa Frakka fyrir Ísland, Hr. Patrick Giraud-Charreyron komu í heimsókn til Landhelgisgæslu Íslands í morgun. Frú Caroline Dumas afhenti forseta Íslands trúnaðarbréf sitt á Bessastöðum í lok maí mánaðar.

Georg Kr. Lárusson forstjóri Landhelgisgæslunnar tók á móti gestunum ásamt Ásgrími L. Ásgrímssyni yfirmanni stjórnstöðvar/vaktstöðvar siglinga og Gylfa Geirssyni forstöðumanni fjarskiptaþróunar.

Lesa meira

Í byrjun maí var greint frá því hér á vefnum að sjómælingasvið Landhelgisgæslunnar hefði lokið við gerð tveggja nýrra sjókorta og væru þau komin út. Þetta voru ný hafnakort af Tálknafirði og Bíldudal. Sjómælingasvið gaf út til viðbótar þrjú sjókort í nýjum útgáfum í maí. Hafnarkortið af Reykjavík kom um miðjan mánuðinn og undir mánaðarmót komu út nýjar útgáfur af kortunum af Rifi og Sauðárkróki. Á síðarnefndu stöðunum hafa verið gerðir stórir brimvarnargarðar sem kölluðu á uppfærslu kortanna. Tveir garðar á Rifi og einn á Sauðárkróki. Lesa meira

Stjórnstöð Landhelgisgæslunnar fékk í kvöld tilkynningu frá þremur aðskildum aðilum, tveimur sjófarendum og einum aðila á landi sem urðu varir var við reyk Austur af Garðskaga. Ekki er vitað um skip eða báta á þessum slóðum og er því talið nauðsynlegt að kanna málið nánar. Lesa meira

Föstudaginn 5. júní lagðist varðskipið Ægir að bryggju á Flateyri til að taka þátt í hátíðarhöldum helgarinnar. Strax um kvöldið æfði áhöfnin fyrir róðrakeppnina og var það eina æfingin sem tekin var. Á laugardeginum var farið í skemmtisiglingu með Flateyringa og nærsveitamenn, alls komu um 150 manns með og var almenn ánægja með þessa siglingu. Um kvöldið var skipherranum, yfirstýrimanni, 2. stýrimanni, yfirvélstjóra og 1. vélstjóra boðið í mat hjá Eyrarodda og sjómannadagsráði og var það mikil og góð veisla. Á sjálfan Sjómannadaginn tók áhöfn varðskipsins virkan þátt í hátíðarhöldunum, m.a. með ritningarlestri í hátíðarmessu, þátttöku í kappróðri, reipitogi í karlaflokki og kvennaflokki (Linda háseti keppti með kvennaliði Flateyrar) og sigruðu varðskipsmenn og konur í báðum flokkum. Einnig tók áhöfnin þátt í flekahlaupi og koddaslag. Varðskipsmenn/kona unnu í róðrakeppninni og reipitogi. Góður rómur var gerður að aðkomu varðskipsmanna meðal bæjarbúa og var áhöfn Ægis hæst ánægð með hátíðarhöld helgarinnar og kunna Flateyringum góðar þakkir.

Lesa meira

Á sjómannadaginn var Georg Kr. Lárussyni forstjóra Landhelgisgæslu Íslands boðið í heimsókn um borð í norska varðskipið Harstad ásamt Rögnu Árnadóttur dóms- og kirkjumálaráðherra og Þórunni J. Hafstein settum ráðuneytisstjóra í dóms- og kirkjumálaráðuneytinu. Skipherra Harstad tók á móti gestunum ásamt áhöfn sinni og snæddur var hádegisverður um borð. Í erindi sem Georg Kr. Lárusson forstjóri Landhelgisgæslunnar flutti við tilefnið ræddi hann um samstarf Landhelgisgæslunnar og norsku strandgæslunnar og mikilvægi þess að starfsmenn vinni saman á grundvelli samstarfssamnings sem undirritaður var í október síðastliðnum, Að þjóðirnar að skiptist á upplýsingum og vinni sameiginlega að þjálfun á því víðfema hafsvæði sem N-Atlantshafið er. Lesa meira

Í dag var sjómannadagurinn haldinn hátíðlegur um land allt. Landhelgisgæslan tók þátt í hátíðahöldunum með ýmsum hætti. Áhöfn varðskipsins Týs stóð heiðursvörð ásamt áhöfn norska varðskipsins Harstad við athöfn sem haldin var við Minningaröldur Sjómannadagsins við Fossvogskapellu í Fossvogskirkjugarði. Minnst var sérstaklega á að síðastliðið ár var hið fyrsta í Íslandssögunni sem engin fórst í sjávarháska. Lesa meira

Norska varðskipið Harstad, varðskipið Týr og þyrla Landhelgisgæslunnar TF-LÍF voru í dag við björgunaræfingar á Faxaflóa. Harstad er hér á landi í boði Landhelgisgæslunnar en skipið er nær systurskip íslenska varðskipsins Þórs sem er í smíðum í Chile. Harstad og Þór eru öflug björgunar- og dráttarskip og var afar gagnlegt fyrir starfsmenn Landhelgisgæslunnar sem og starfsmenn ýmissa innlendra samstarfsstofnana að fylgjast með hvernig búnaður varðskipsins starfar. Ekki fer á milli mála að varðskip eru þau björgunartæki sem öflugust eru til sjávar. Lesa meira

Mikilvægi varðskipa sem björgunartækja og ekki síður mikilvægi þess fyrir Landhelgisgæsluna að hafa yfir öflugu björgunar- og dráttarskipi að ráða sýndi sig berlega í eftirmiðdaginn þegar varðskipið Týr dró togarann Sóley Sigurjóns af strandstað í innsiglingunni í Sandgerði með aðstoð norska varðskipsins Harstad. Norska varðskipið Harstad er statt er hér við land á grundvelli samstarfssamnings við Landhelgisgæsluna. Einnig voru dráttarbátar á staðnum til að halda við togarann ásamt björgunarskipi Slysavarnafélagsins Landsbjargar, Hannesi Þ. Hafstein. Lesa meira

Stjórnstöð Landhelgisgæslunnar barst í morgun kl. 05:28 tilkynning um að togarinn Sóley Sigurjóns GK-200 hafi strandað í innsiglingunni til Sandgerðis. Varðskipið Týr var kallað á staðinn og kom að strandstað kl. 06:25. Skipið sat fast og hallaði mikið eða 35° á stjórnborða. Björgunarskip Slysavarnarfélagsins Landsbjargar, Hannes Þ. Hafstein var einnig kallað á staðinn. Fimm manns frá skipinu voru ferjaðir í land og engin hætta á ferðum. Norska varðskipið Harstad er á leið á staðinn og verður til taks ef á þarf að halda. Lesa meira

Þyrla Landhelgisgæslunnar, TF-LÍF var kölluð út kl. 22:50 í gærkvöldi eftir að grænlenski togarinn Polar Nanoq hafði samband við Stjórnstöð Landhelgisgæslunnar og óskaði eftir aðstoð þyrlunnar. Um borð væri 48 ára færeyskur maður, grunur lék á að hann væri með innvortis blæðingar. Þyrlulæknir ræddi við skipstjóra og talið var nauðsynlegt að sækja manninn. Polar Nanoq snéri samstundis við á hélt á fullri ferð til móts við þyrluna en togarinn var staðsettur um 188 sjómílur SV af Reykjanesi. Lesa meira

- koma skipsins liður í góðu og árangursríku samstarfi Landhelgisgæslu Íslands og norsku strandgæslunnar

Norska varðskipið Harstad kom til Reykjavíkur í morgun en skipið er hér á landi í boði Landhelgisgæslunnar. Skipið er nánast systurskip íslenska varðskipsins Þórs sem er í smíðum í Chile. Harstad liggur við Ægisgarð til morguns en hér fara fram áhafnarskipti. Á fimmtudag og föstudag verður varðskipið við æfingar með varðskipi og þyrlu Landhelgisgæslunnar. Harstad kemur  síðan inn til Reykjavíkur aftur um sjómannadagshelgina og verður til sýnis fyrir almenning á sjómannadaginn 7. júní frá kl. 13:30-17:00 þar sem það mun liggja við Miðbakkann í Reykjavík. Harstad heldur úr höfn á mánudag.  Um glæsilegt skip er að ræða sem gaman er að skoða og er almenningur hvattur til að nýta sér þetta einstaka tækifæri. Lesa meira

Þyrla Landhelgisgæslunnar, TF-LÍF var kölluð út kl. 02:35 í nótt þegar portúgalska farþegaskipið FUNCHAL hafði samband við Stjórnstöð Landhelgisgæslunnar og óskaði eftir að 67 ára gömul veik kona yrði sótt um borð í skipið. Að mati þyrlulæknis var talið nauðsynlegt að sækja konuna. Þyrla Landhelgisgæslunnar, TF-LIF fór frá Reykjavik kl. 04:06 og var komin að skipinu kl. 05:25 um 85 sjómílur SA af Vestmannaeyjum. Lesa meira