Enn er unnið að því að koma íslenskum starfsmönnum Landhelgisgæslunnar heim frá Chile. Þær upplýsingar hafa fengist að reynt verði að opna flugvöllinn í Concepcion á morgun, mánudag kl. 11:30 að staðartíma eða kl. 14:30 að íslenskum tíma.  Ekki hefur tekist að koma skilaboðum til starfsmannana um farmiða né konu sem tilbúin er til að aðstoða. Áríðandi er að þessum skilaboðum verði komið til þeirra ef þeir hafa samband í gegnum síma eða tölvu. 

Lesa meira

Þær gleðifregnir bárust að ganga eitt aðfaranótt laugardagsins 28. febrúar að tveir íslenskir starfsmenn Landhelgisgæslunnar í Chile eru heilir á húfi og við góða heilsu. Þeim tókst að komast í örstutt símasamband og láta vita af sér. Lesa meira

Nú rétt í þessu fengust þær fregnir gegnum Danmörku að eiginkona eins Dananna sem starfar í Chile á vegum Landhelgisgæslunnar, hefði frétt af honum í gegnum tölvupóst sem virðist endrum og sinnum virka. Gat hann staðfest að allir Danirnir væru heilir á húfi. Byggingar þær sem þeir dvelja í eru lítið skemmdar þó innanstokksmunir hafi skemmst. Eru Danirnir nú að freista þess að komast yfir í þann borgarhluta sem íslenskir starfsmenn Landhelgisgæslunnar dvelja í til að fá af þeim fregnir. Lesa meira

Öflugur jarðskjálfti reið yfir Chile klukkan rúmlega hálfsjö í morgun laugardag, að íslenskum tíma. Sex starfsmenn Landhelgisgæslunnar, þar af tveir Íslendingar eru í borginni Concepcion í Chile vegna smíði á nýju varðskipi. Eru þeir þar við vinnu við lokaáfanga smíðinnar. Auk Íslendinganna eru fjórir danskir eftirlitsmenn á vegum Landhelgisgæslunnar við störf á staðnum. Lesa meira

Björgunaraðgerðir eiga sér sjaldnast stað í sléttum sjó, því er nauðsynlegt að æfa þær við erfiðar aðstæður. Það gerði áhöfnin á Ægi fyrir skemmstu en markmið æfinganna er að menn þekki réttu handtökin, þekki bát og búnað, áhöfn bátsins og síðast en ekki síst eigin takmörk. Lesa meira

Landhelgisgæslunni bárust á sunnudagsmorgun tvö útköll með stuttu millibili. Kl. 10:46 barst beiðni frá Neyðarlínunni um þyrlu vegna sjúklings með alvarleg brunasár eftir húsbruna í Stykkishólmi. Seinna útkallið var sent út kl. 11:05 þegar fiskibátur hafði samband við Landhelgisgæsluna. Var hann vélarvana NV-af Viðey og vantaði aðstoð strax. Lesa meira

Talsverður viðbúnaður var á miðvikudag þegar samband rofnaði við flugvélar innan íslenska flugstjórnarsvæðisins. Í fyrra skiptið var um að ræða flugvél á leið frá Odense til Keflavíkur sem kom síðan að nýju inn á radar og í seinna skiptið lítil flugvél sem síðast var í fjarskiptasambandi 50 sjómílur A- af Keflavíkur. Beðið var um útkall á þyrlu Landhelgisgæslunnar sem síðan var afturkallað þegar vélin lenti heilu og höldnu. Lesa meira

Þýska freigátan Meckelnburg-Vorpommern kom til Reykjavikur mánudaginn 15. febrúar en hún verður staðsett á Miðbakka meðan á heimsókn til Reykjavíkur stendur en hún er hér á landi í kurteisisheimsókn Freigátan verður opin almenningi þriðjudaginn 16. febrúar og miðvikudaginn 17. febrúar milli kl. 14:00 og 16:00. Lesa meira

Varðskipið TÝR heimsótti Hólmavík á 112 daginn sem var fimmtudaginn 11. febrúar. Við það tækifæri var haldin stutt kynning á Landhelgisgæslunni og starfsemi hennar í grunnskólanum á Hólmavík. Eftir kynningu héldu nemendur og starfsmenn skólans niður á bryggju þar sem bættust í hópinn nemendur og kennarar frá Drangsnesi og Finnbogastaðaskóla í Árneshreppi. Síðust en ekki síst voru svo börnin á leikskólanum Lækjarbrekku sem ráku lestina. Lesa meira

112-dagurinn verður haldinn víða um land fimmtudaginn 11. febrúar. Þema dagsins eru forvarnir og aðkoma að vettvangi slysa, veikinda og áfalla. Oftast kemur venjulegur borgari fyrst að vettvangi, tilkynnir um atburðinn og veitir fyrstu aðstoð. Þessi fyrstu viðbrögð geta skipt miklu um afdrif fólks og hvernig til tekst með björgun. Lesa meira

Þriðjudaginn 9. febrúar óx mannfjöldi í Grímsey um heil 20% þegar varðskipið TÝR lagðist þar að bryggju. Við það tækifæri komu öll grunn- og leikskólabörn eyjarinnar ásamt kennurum í heimsókn um borð. Farið var um skipið í fylgd skipverja sem fræddu gestina um skipið og búnað þess. Lesa meira

Mikill erill hefur verið hjá Landhelgisgæslunni undanfarna daga vegna loðnuveiða Norðmanna djúpt undan Austfjörðum. Varðskip hefur verið við eftirlit á miðunum en gefinn var út loðnukvóti fyrir norsk skip upp á 28.431 tonn. Öll norsku skipin hættu veiðum á sunnudag og tilkynntu þau alls 27.745 tonna afla.
Norsku skipin byrjuðu að streyma á miðin 2. febrúar en af 79 skipum sem höfðu veiðileyfi komu 31 skip til veiða. Lesa meira

Síðastliðinn sólarhring hefur norski loðnuflotinn raðað sér upp við lögsögumörkin og er kominn til loðnuveiða A- og SA af landinu en fyrir helgi komu út nýjar reglugerðir um loðnuveiðar íslenskra og erlendra skipa á vetrarvertíð 2010. Eftirlitsflugvélin Sif flaug yfir svæðið í gærkvöldi framhjá straumi norskra skipa á leið inn í lögsögu Íslands. Lesa meira