Fréttir

Varðskipið Þór nýmálaður í höfn Asmar skipasmíðastöðvarinnar - 31.5.2011

IMG_1042

Síðdegis bárust þær fréttir frá starfsmönnum Landhelgisgæslunnar í Chile að Þór, nýtt fjölnota varðskip Landhelgisgæslunnar flaut fyrr í dag nýmálaður og stórglæsilegur úr kví ASMAR skipasmíðastöðvarinnar sem er í eigu sjóhersins í Chile. Stórum áfanga er nú náð í smíði skipsins.

Lesa meira

Miklar fiskivöður sáust með eftirlitsbúnaði TF-SIF - 31.5.2011

fiskvodur

Í gæslu og æfingaflugi flugvélar Landhelgisgæslunnar í gær var m.a. flogið um SA mið.  Í eftirlitsbúnaði sáust m.a. miklar fiskivöður sem voru þá um 10 sjómílur ASA af Ingólfshöfða.

Lesa meira

Radarmyndir sýndu gosstrók sem steig upp í 1,5 km hæð - 28.5.2011

TFSIF_Inflight3_ArniSaeberg

Flugvél Landhelgisgæslunnar TF-SIF fór í eftirlitsflug í gær þar sem m.a. var aflað upplýsinga um gosstöðvarnar í Grímsvötnum. Á radarmyndum sást gosbólstur sem steig beint upp í loftið og náði um 1,5 km. hæð. Var strókurinn frekar ljósleitur og sást ekki aska í honum. Samkvæmt þessu er greinilegt að gosinu er ekki lokið.

Lesa meira

Flug TF-SIF með vísindamenn HÍ og Veðurstofunnar - 26.5.2011

SIF_cockpit

Flugvél Landhelgisgæslunnar, TF-SIF flaug í gær með vísindamenn frá Jarðvísindastofnun og Veðurstofunni  að gosstöðvunum í Grímsvötnum. Staðfestu vísindamenn að loknu flugi það sem áður hafði komið fram; minnkandi virkni en óreglulega gosstróka sem geta verið varasamir.

Lesa meira

TF-GNA fann þýskan ferðamann - 25.5.2011

TF-GNÁ, þyrla Landhelgisgæslunnar, í samstarfi við björgunarsveitir Slysavarnarfélagsins Landsbjargar, fann kl. 18:05 þýskan ferðamann sem leitað hefur verið að í dag. Fór þyrlan á leitarsvæðið eftir ábendingar björgunarsveita og fannst maðurinn við Háöldur sem eru austan við Hofsjökul. Lesa meira

Dýnamít fannst á golfvelli. Var því eytt af sprengjusérfræðingum LHG - 20.5.2011

Landhelgisgæslunni barst í vikunni tilkynning frá golfklúbbnum Kili í Mosfellsfæ um að dýnamít hefði fundist í steinklöppum á golfvelli golfklúbbsins. Sprengjusérfræðingar Landhelgisgæslunnar voru kallaðir út og þegar á staðinn kom reyndist dýnamítið vera í nokkrum borholum. Lesa meira

Fyrstir núverandi stýrimanna Gæslunnar til að útskrifast sem neyðarflutningamenn - 19.5.2011

LIF_borur

Nýverið útskrifuðust tveir stýrimenn Landhelgisgæslunnar, Henning Þór Aðalmundsson og Hreggviður Símonarson sem neyðarflutningamenn frá Sjúkraflutningaskólanum. Hafa þeir þar með lokið grunnnámi í sjúkraflutningum EMT-Basic og framhaldsnámi sem er námskeið í neyðarflutningum EMT-Intermediet.

Lesa meira

Skúta óskaði eftir aðstoð - 18.5.2011

Landhelgisgæslunni barst kl. 22:13 í gærkvöldi aðstoðarbeiðni frá sex metra seglskútu með brotið stýri undan Hvassahrauni, rétt utan við Straumsvík. Einn maður var um borð og sagði hann enga hættu á ferðum en óskaði eftir aðstoð við að komast í land.

Lesa meira

Varnaræfingin Norður Víkingur haldin í júní - 17.5.2011

Varnaræfingin Norður Víkingur 2011 verður haldin dagana 3. – 10. júní 2011.  Æfingin er haldin í samræmi við samkomulag um framkvæmd varnarsamnings Íslands og Bandaríkjanna frá árinu 2006.  Samhliða Norður Víkingi 2011 verður hér á landi regluleg loftrýmisgæsla Atlantshafsbandalagsins í samræmi við ákvörðun þess og íslenskra stjórnvalda frá árinu 2007. 

Lesa meira

Ægir siglir með þyrlur að ísröndinni við Grænland - 16.5.2011

Agir_a_fullu_eftir_breytingar_i_okt_05_JPA

Varðskipið Ægir flutti fyrir skömmu tvær þyrlur fyrir Vesturflug (Blue West Helicopters) frá Ísafjarðardjúpi að ísröndinni við Grænland. Flugu þyrlurnar frá varðskipinu inn á land en lentu þar í mjög slæmu veðri og neyddust til að lenda. Liðu 28 klst þar til þeim tókst að fara að nýju í loftið.

Lesa meira

Tvö þyrluútköll síðdegis - 12.5.2011

Beiðni um útkall þyrlu Landhelgisgæslunnar barst kl. 16:47 þegar TF-LÍF var í gæslu- og eftirlitsflugi á Breiðafirði. Óskað var eftir aðstoð þyrlunnar vegna bílslys sem varð suður af Gilsfirði. Annað útkall barst kl. 20:28 vegna konu sem slasaðist í Esju.

Lesa meira

LHG gerir samning við Öryrkjabandalagið - 12.5.2011

Landhelgisgæslan hefur gert samning við Vinnustaði Öryrkjabandalagsins um ræstingar í húsnæði LHG í Skógarhlíð 15.  Samningurinn er hagstæður fyrir Landhelgisgæsluna og þjónustan er tryggð alla virka daga þar sem Vinnustaðir ÖBÍ sjá um allar ræstingar og afleysingar í veikindum, sumarleyfum og svo framvegis.
Lesa meira

Leitað að merkjum um hvítabirni á Hornströndum - 11.5.2011

Isbjarnaeftirlitsfl_TF_GNA_180608_1

Þyrla Landhelgisgæslunnar fór í dag í eftirlitsflug um friðlandið á Hornströndum þar sem sérstaklega var leitast við að finna merki um hvítabirni á svæðinu. Mikill almennur þrýstingur hefur verið um að farið yrði í slíkt flug, eftir að hvítabjörn var felldur í Rekavík 2. maí síðastliðinn.

Lesa meira

Árangursrík leitaræfing á Langjökli - 11.5.2011

Sif_Lif_Gna2_BaldurSveinsson

Afar árangursrík æfing var í gær haldin með þátttöku flugvélar og þyrlu Landhelgisgæslunnar auk tveggja félaga úr Flugbjörgunarsveitinni sem brunuðu upp á Langjökul og léku sig týnda. Tilgangur æfingarinnar var að finna vélsleðamennina tvo með leitar og eftirlitsbúnaði um borð í loftförunum tveimur.

Lesa meira

Skipt um stjórnklefa í TF SIF - 11.5.2011

TF-SIF, eftirlitsflugvél Landhelgisgæslunnar sneri nýverið aftur til landsins eftir að breytingar voru gerðar á flugstjórnarklefa vélarinnar hjá Field Aviation í Kanada. Skipt var út 45 mælum sem áður voru í stjórnborði flugvélarinnar og í stað þeirra birtast upplýsingar nú á fimm rafrænum skjáum. 

Lesa meira

Sjófarendur eru hvattir til að hlusta ætíð á rás 16 - 10.5.2011

Þegar TF-SIF var í eftirlitsflugi í gær voru rúmlega sexhundruð skip og bátar í eftirliti. Enn var þá veitt á öllum strandveiðisvæðum. Frá og með deginum í dag voru veiðar hinsvegar bannaðar á svæði A sem er svæðið frá Eyja- og Miklaholtshreppi til Súðavíkurhrepps. Sjá þéttar merkingar á kortinu.

Lesa meira

Þyrla Landhelgisgæslunnar fann manninn á Hábungu - 9.5.2011

Þyrla Landhelgisgæslunnar var kölluð út kl. 18:52 í kvöld eftir að fjarskiptamiðstöð lögreglunnar óskaði eftir aðstoð við leit að týndum manni í Esju.  Fór þyrlan í loftið kl. 19:21 og var byrjað að leita austast á gönguleiðinni og  leitað var vestur með henni.  

Kl. 1953 sást maðurinn frá þyrlunni við vörðu efst á Hábungu.

Lesa meira

Þyrla LHG sækir slasaðan vélsleðamann á Skjaldbreið - 7.5.2011

Landhelgisgæslunni barst kl. 18:09 beiðni frá Neyðarlínunni um að þyrla Landhelgisgæslunnar myndi sækja mann sem slasaðist á vélsleða á Skjaldbreid. Fór TF-GNA, þyrla Landhelgisgæslunnar í loftið frá Reykjavík kl. 18:52 og reiknað er með að þyrlan verði á slysstað um kl. 19:20.

Lesa meira

Þyrla LHG sækir veikan sjómann - 6.5.2011

Landhelgisgæslunni barst kl. 15:35 aðstoðarbeiðni frá skipi sem statt er um 40 sml SV af Reykjanesi. Óskað var eftir sambandi við þyrlulækni vegna sjúklings um borð. Að höfðu samráði við lækni var TF-LIF þyrla Landhelgisgæslunnar kölluð út og verður hún við skipið um kl. 16:40. Reiknað er með að þyrlan verði við Landspítalann í Fossvogi um kl. 17:30.

Lesa meira

Eldur kom upp í fiskibát - 5.5.2011

Baldur_2074.__7._agust_2007

Landhelgisgæslunni barst kl. 12:42 tilkynning um eld um borð í fiskibátnum Ása RE-52 sem staddur var 10 sml. NV af Gróttu með einn mann um borð. Samstundis voru nærstaddir bátar kallaðir til aðstoðar ásamt björgunarsveitum Slysavarnarfélagsins Landsbjargar á höfuðborgarsvæðinu og á Akranesi. Einnig var þyrla Landhelgisgæslunnar kölluð út.

Lesa meira

Strandveiðar hefjast af fullum krafti - 3.5.2011

Mikið annríki er nú hjá stjórnstöð Landhelgisgæslunnar  vegna strandveiðanna sem hófust á miðnætti 2. maí. Á tímabilinu frá kl. 0400-0700 tilkynntu 350 bátar sig úr höfn en klukkan 12 á hádegi voru samtals 825 skip á sjó sem er um tvöfalt fleiri íslensk skip en að jafnaði eru á sjó í einu. Lesa meira

Skýrsla gefin út hjá FAO um samræmd eftirlitskerfi Landhelgisgæslunnar - 3.5.2011

_IB_6324

Nýlega kom út hjá FAO - Matvæla- og landbúnaðarstofnun Sameinuðu þjóðanna, skýrsla Gylfa Geirssonar, sérfræðings hjá Landhelgisgæslunni ; Case Study of the Icelandic Integrated System for Monitoring, Control and Surveillance . Skýrslan útskýrir undirbúning, þróun og rekstur samræmdra eftirlitskerfa Landhelgisgæslunnar.

Lesa meira

Útkall vegna báts sem hvarf úr ferilvöktun - 3.5.2011

Landhelgisgæslan boðaði um kl. 0430 björgunarskip og björgunarbáta Slysavarnafélagsins á Austfjörðum, nærstadda báta og þyrlu Landhelgisgæslunnar vegna strandveiðibáts sem hvarf úr ferilvöktun við Barðsneshorn og ekki náðist talstöðvarsamband við.
Lesa meira

Hvítabjörn felldur í Rekavík (Bakhöfn) - 2.5.2011

Hvítabjörn var felldur í Rekavík (Bakhöfn) á Hornströndum kl. 14.21. Tilkynning barst Landhelgisgæslunni í morgun um hvítabjörn í Hælavík á Hornströndum. Þyrla Landhelgisgæslunnar flaug á Ísafjörð þaðan sem flogið var á Hornstrandir í Hælavík. Þegar þangað var komið hafði dýrið fært sig um set og fannst eftir nokkra leit í Rekavík (Bakhöfn)

Lesa meira

Varðskipið Týr siglir af stað í verkefni fyrir Fiskveiðieftirlitsstofnun Evrópusambandsins - 2.5.2011

cfca_logo_Page_1

Varðskipið Týr hélt í morgun úr höfn í Reykjavík en skipið mun til loka nóvembermánaðar sinna verkefnum fyrir CFCA - Fiskveiðieftirlitsstofnun Evrópusambandsins. Landhelgisgæslan útvegar tæki og áhöfn til verkefnisins en CFCA sér alfarið um fiskveiðieftirlit.

Lesa meira

Tilkynning barst til LHG um bjarndýr í Hlöðuvík - 2.5.2011

Landhelgisgæslunni barst kl. 08:46 í morgun tilkynning frá fiskibát um bjarndýr sem þeir sáu í fjörunni í Hlöðuvík. Var samstundis haft samband við Umhverfisstofnun sem og lögregluna á Vestfjörðum,  auk þess var þyrla Landhelgisgæslunnar  sett í viðbragðsstöðu. Lesa meira

Varðskipsmenn skoða afla um borð í skipum á Reykjaneshrygg - 1.5.2011

Agir_a_fullu_eftir_breytingar_i_okt_05_JPA

Landhelgisgæslan hefur nú kannað veiðar skipa frá Spáni og Rússlandi sem sáust í gæsluflugi á Reykjaneshrygg fyrir tveimur dögum. Við skoðun varðskipsmanna um borð í skipum frá Spáni í dag kom í ljós að þau eru að veiða langhala og var enginn úthafskarfi í afla eða um borð í skipunum

Lesa meira