Fréttir

Gæsluflug um vestanvert landið - 29.9.2011

Þyrla Landhelgisgæslunnar fór kl. 13:50 í dag í gæslu- og eftirlitsflug um Breiðafjörð, Vestfirði og Faxaflóa þar sem m.a. var flogið um svæði þar sem tilkynnt hefur verið um borgarísjaka og íshröngl. Einnig var flogið um skyndilokunar og reglugerðarhólf.

Lesa meira

ÞÓR siglir úr höfn í Chile - sjö þúsund sjómílna sigling framundan - 28.9.2011

THOR8

Varðskipið ÞÓR sigldi í dag kl. 16:29 að íslenskum tíma, úr höfn  Asmar skipasmíðastöðvar sjóhersins í Chile þar sem skipið hefur verið í smíðum frá árinu 2007. Framundan er sjö þúsund sjómílna sigling (um fjórtán þúsund kílómetrar) til Íslands.

Lesa meira

Hafís út af Vestfjörðum - 28.9.2011

Margar tilkynningar hafa að undanförnu borist Landhelgisgæslunni um hafís út af Vestfjörðum.  Borgarísjakar og íshröngl hafa sést á siglingaleiðum og getur sjófarendum stafað hætta af þeim.

Lesa meira

Nýtt skeytasendingaforrit - 27.9.2011

Hannað hefur verið sérstakt skeytasendingarforrit sem viðbót við sameiginlegt fjareftirlitskerfi Fiskistofu og Landhelgisgæslunnar (LHG), svo kallaður NAF-reporter. Forritið er þannig úr garði gert að skipstjórnarmenn velja sér veiðisvæði og forritið þekkir hvaða skeyti eiga við um veiðar á hvaða svæði og leiðir menn áfram við gerð einstakra skeyta auk þess að samnýta upplýsingar úr rafrænni afladagbók þar sem því verður við komið. Væntingar standa til að þetta auki hagræði við gerð og skil á skeytum líkt og skylda ber til í alþjóðasamningum og auðveldi skipstjórnarmönnum þá vinnu sem í skeytasendingunum felst.

Lesa meira

Varðskipið ÞÓR afhent Landhelgisgæslunni - 23.9.2011

Varðskipið Þór var afhent Landhelgisgæslu Íslands við hátíðlega athöfn í dag kl. 11:45 að staðartíma (kl. 14:45 að íslenskum tíma) í Asmar skipasmíðastöð sjóhersins í Chile. Viðstödd athöfnina voru Georg Kr. Lárusson forstjóri Landhelgisgæslunnar sem veitti skipinu viðtöku og Ragnhildur Hjaltadóttir ráðuneytisstjóri í innanríkisráðuneytinu.

Lesa meira

Varðskipið LHG bjargar flóttamönnum milli Marokkó og Spánar - 22.9.2011

IMGP6121

Ægir, varðskip Landhelgisgæslunnar sem er að störfum á vegum landamærastofnunar Evrópubandalagsins, FRONTEX, bjargaði skömmu fyrir hádegi í dag 63 flóttamönnum af litlum, ofhlöðnum bát sem sökk miðja vegu á milli Marokkó og Spánar.

Lesa meira

TF-LÍF tók þátt í sjóbjörgunaræfingu á Skagaströnd - 18.9.2011

NACGF_hifa

Þyrla Landhelgisgæslunnar TF-LÍF tók í gær þátt í æfingu með sjóbjörgunarsveitum víða af landinu sem haldin var á Skagaströnd. Meðal annars var farið í leitarverkefni á sjó og æfðar hífingar með hraðbátum þar sem sigmanni var slakað og hann hífður í báta á ferð.

Lesa meira

Fallbyssukúla frá seinni heimstyrjöldinni fannst í malbikunarstöð - 16.9.2011

Starfsmenn Malbikunarstöðvarinn Höfða brugðust hárrétt við í gær við þegar þeir fundu ósprungna sprengju í vinnslunni hjá sér. Þeir höfðu samband við Landhelgisgæsluna sem sendi sprengjusveitina  tafarlaust á vettvang.

Lesa meira

TF-LÍF í útkall til Vestmannaeyja - 16.9.2011

Landhelgisgæslunni barst kl. 12:38 beiðni í gegnum Neyðarlínuna frá lækni í Vestmannaeyjum um aðstoð þyrlu Landhelgisgæslunnar. Vegna þoku er ekki hægt fyrir flugvélar að lenda í Vestmannaeyjum. Þyrla Landhelgisgæslunnar fór í loftið kl. 12:57.  Lesa meira

Bátur vélarvana í miðjum Seyðisfirði - 16.9.2011

Landhelgisgæslunni barst kl. 06:16 neyðarkall á rás 16 frá bát sem var vélarvana og leki hafði komið að í miðjum Seyðisfirði. Fjórir menn voru um borð og sögðu þeir dælur bátsins hafa vel undan. Báturinn var dreginn til Seyðirfjarðar þar sem komið var til hafnar kl. 08:15.

Lesa meira

TF-LÍF flaug á Mýrdalsjökul með búnað vísindamanna - 15.9.2011

Þyrla Landhelgisgæslunnar, TF-LÍF fór í gær í flug fyrir Veðurstofuna og Raunvísindastofnun sem notað var til að flytja búnað til að mæla jarðskorpuhreyfingar í Mýrdalsjökli. Lesa meira

General Stephane Abrial, SACT kynnti sér starfsemi Landhelgisgæslunnar - 14.9.2011

IMG_7513-(Large)

General Stephane Abrial, Supreme Allied Commander Transformation NATO, SACT kynnti sér í dag starfsemi Landhelgisgæslunnar. Georg Kr. Lárusson, forstjóri Landhelgisgæslunnar, Jón B. Guðnason yfirmaður Landhelgisgæslunnar í Keflavík og Ásgrímur L. Ásgrímsson, starfandi framkvæmdastjóri aðgerðasviðs og yfirmaður stjórnstöðvar tóku á móti Abrial.

Lesa meira

Ótrygg fjarskipti vegna bilunar í Grímsey - 13.9.2011

Vegna bilunar í VHF fjarskiptabúnaði í Grímsey eru fjarskipti á svæðinu ótrygg. Viðgerð fer fram eins fljótt og auðið er. Samkvæmt upplýsingum frá varðstjórum Landhelgisgæslunnar er talið að bilun búnaðarins sé líklega bein afleiðing af rafmagnsbilun í eyjunni.

Lesa meira

Þyrla Landhelgisgæslunnar tók þátt í flugdeginum - 11.9.2011

NC2009_WEEK2_DOUG_ELSEY_PHOTO__104

Landhelgisgæslan tók í gær þátt í flugdeginum á Reykjavíkurflugvelli með ýmsum hætti og sýndi nokkra möguleika í notkun þyrlu Landhelgisgæslunnar. Byrjað var á að sýna notkun slökkvifötu (bamby bucket) var síðan farið í hefðbundna björgunarhífingu með börum og einum manni í lykkju og var eftir það bifreið slingað og sleppt.

Lesa meira

TF-LÍF sækir veikan sjómann - 10.9.2011

P5310014

Þyrla Landhelgisgæslunni var kölluð út kl. 15:40 í dag vegna alvarlegra veikinda um borð í togara sem staddur var um 50 sml Austur af landinu. Aðstoðarbeiðnin barst í gegnum Neyðarlínuna og eftir samráð skipstjóra við þyrlulækni var ákveðið að kalla út TF-LÍF.

Lesa meira

Borgarísjaki norðvestur af Kögri - 10.9.2011

07122010HafisDSCN2554

Borgarísjaki sást 25 sjómílur norðvestur af Kögri í á fimmtudag. Landhelgisgæslunni barst tilkynning um borgarískjakann frá fiskiskipi sem var statt um 16.3 sml. NV af Straumnesi.

Lesa meira

Útkall þyrlu og sjóbjörgunarsveita vegna neyðarljóss - 7.9.2011

TF-LIF-140604_venus

Landhelgisgæslunni barst kl 16:40  tilkynning í gegnum Neyðarlínuna um neyðarljós á lofti yfir Sundunum norðan við Reykjavík. Björgunarskip og björgunarbátar Slysavarnafélagsins Landsbjargar á höfuðborgarsvæðinu voru kallaðir út til leitar auk þyrlu Landhelgisgæslunnar.

Lesa meira

Þyrla tekur þátt í leit á Reykjanesi - staðsetning í síma olli misskilningi. - 7.9.2011

Þyrla Landhelgisgæslunnar var kölluð út kl. 03:38 í morgun eftir að lögreglan á Suðurnesjum óskaði eftir aðstoð hennar við leit að tveimur piltum sem villtust norður af Fagradalsfjalli á Reykjanesi í gærkvöldi. Lesa meira

Formaður landsstjórnar Grænlands heimsækir björgunarmiðstöðina í Skógarhlíð - 6.9.2011

Graenl_Koma_ALA

Kuupik Kleist, formaður landsstjórnar Grænlands, heimsótti í morgun björgunarmiðstöðina í Skógarhlíð og kynnti sér starfsemi viðbragðsaðila. Einnig var komið inn á björgunarmálefni norðurslóða, leitar- og björgunarsvæði, samstarf Arctic Council og samhæfingu þjóða þegar kemur að óhöppum á norðurslóðum.

Lesa meira

Baldur við eftirlit á Ljósanótt - 5.9.2011

Baldur_2074.__7._agust_2007

Baldur, eftirlits- og sjómælingabátur Landhelgisgæslunnar tók um helgina þátt í eftirliti og gæslu vegna Ljósanætur, ásamt lögreglu og björgunarsveitum Slysavarnarfélagsins Landsbjargar. Að sögn áhafnar Baldurs var á laugardagskvöldinu leiðinda sjólag því ekki mikil umferð á sjó.

Lesa meira

TF-LÍF sótti veika konu í Hvannagil - 4.9.2011

LIF_borur

Þyrla Landhelgisgæslunnar var kölluð út kl. 10:57 í morgun vegna alvarlega veikrar konu sem stödd var í Hvannagilshnausum, sunnan við Álftavatn. TF-LÍF fór í loftið kl. 11:27 og flaug beint á staðinn.

Lesa meira

Sprengjusveit við ýmis verkefni á Austurlandi - 1.9.2011

hlutur

Landhelgisgæslunni barst í sl. viku tilkynning frá lögreglunni á Egilsstöðum  um grunsamlegan hlut sem fannst á Héraðssandi. Talið var að um væri að ræða tundurdufl,  þar sem mikið hefur verið af þeim á þessu svæði í gegnum tíðina.

Lesa meira

TF-LÍF í sjúkraflug til Stykkishólms - 1.9.2011

 Landhelgisgæslunni barst kl. kl 05:32 beiðni frá lækni í Stykkishólmi um þyrlu vegna bráðveikrar konu.  Þyrla LHG var kölluð út og fór TF-LÍF í loftið kl. 06:07. Lesa meira