Undanfarinn misseri hefur Landhelgisgæslan þurft að hafa talsverð afskipti af bátum sem hafa verið á veiðum inn í skyndilokunum.

Séraðgerða- og sprengjueyðingasvið Landhelgisgæslunnar eyddi í dag fjórum tonnum af útrunnum flugeldum fyrir Slysavarnarfélagið Landsbjörgu. Var flugeldunum eytt í Sandgrifjum við Stapafell. Eins og nærri má geta varð brennan mikil og litskrúðug. Hér eru myndir og myndbrot af staðnum. 

Landhelgisgæslunni barst kl. 12:14 aðstoðarbeiðni frá skútu, með tvo menn um borð sem rekur í átt að landi í Meðallandsbugt . Þyrla Landhelgisgæslunnar er á leið til aðstoðar. Einnig hafa björgunarsveitir á landi hafa verið kallaðar út auk þess sem björgunarskip Slysavarnarfélagsins Landsbjargar í Vestmannaeyjum og á Höfn eru á leiðinni á staðinn.

Þyrla Landhelgisgæslunnar TF-GNA var í morgun við æfingar með þýsku herskipunum Frankfurt og Emden á Faxaflóa. Með báðum skipunum voru æfðar hífingar, aðflugi stjórnað frá skipinu með þeirri tækni sem notuð er í mjög litlu skyggni og lending á  þyrlupalli. Var þyrlan fest niður, sleppt og tekið á loft.

Í gær kom út skýrsla Ríkisendurskoðunar sem varðar verkefni Landhelgisgæslunnar erlendis.  Landhelgisgæslan fagnar útkomu skýrslunnar sem er góð og gagnleg.  Í henni kemur meðal annars fram að verkefnum Landhelgisgæslunnar erlendis hafi fylgt faglegur og fjárhagslegur ávinningur fyrir Landhelgisgæsluna.

Landhelgisgæslunni barst kl. 22:11 beiðni um útkall þyrlu frá lögreglunni í Borgarnesi og 112 eftir að  bátur sem var í skemmtisiglingu fann konu á skeri utan við Borgarnes en faðir hennar sem var með henni í siglingu lenti í sjónum. TF-LÍF fór í loftið kl. 22:37 og fann hún manninn í sjónum kl. 23:09.

Varðskipið Þór heimsótti Færeyjar í lok vikunnar og var samstarfaaðilum Landhelgisgæslunnar,  Íslendingafélaginu og almenningi boðið að skoða skipið. Um 570 manns komu um borð og var mikil og góð stemmning.

Landhelgisgæslan og Fiskistofa hafa frá því í vor unnið saman að eftirliti með veiðum skipa á Breiðafirði með harðbotna slöngubátnum Flóka sem Landhelgisgæslan hefur í prófunum fyrir íslenska skipaframleiðandann OK Hull. Smábátum sem stunda veiðar á Breiðafirði hefur fjölgað mikið með tilkomu strandveiða og mun meiri sókn er á grásleppuveiðar.

Stöður flugmanna á flugvél og þyrlur hjá Landhelgisgæslu Íslands voru auglýstar lausar til umsóknar í janúar sl. og rann umsóknarfrestur út 7. febrúar.  Hefur nú verið lokið við ráðningu á flugvél Landhelgisgæslunnar.

Hópur nemenda frá Kvennasmiðjunni sem starfrækt er á vegum velferðarsviðs Reykjavíkurborgar heimsótti nýverið varðskip Landhelgisgæslunnar. Kvennasmiðjan er hugsuð fyrir einstæðar mæður á aldrinum 24 - 45 ára og miðar að því að bæta lífgæði þátttakenda og styðja þá út á vinnumarkað eða í frekara nám.

Að sögn varðstjóra Landhelgisgæslunnar voru um níuhundruð skip og bátar í fjareftirlitskerfum um níu leitið í morgun en u.þ.b. þrír fjórðu hlutar þeirra voru smærri bátar. Miklir álagspunktar geta komið upp hjá varðstjórum stjórnstöðvarinnar snemma á morgnana og síðdegis þegar bátar tilkynna sig úr og í höfn.

Æfing vegna bruna í hvalaskoðunarskipi stóð yfir á Húsavík í dag.  Æfingin hófst með því að neyðarkall barst stjórnstöð Landhelgisgæslunnar laust fyrir klukkan 09:00 þar sem tilkynnt var um eld um borð í hvalaskoðunarskipi á Skjálfanda skammt utan Húsvíkur.

Landhelgisgæslunni barst um kl. 09:00 í morgun aðstoðarbeiðni frá rússneskum togara. Kallað var á aðstoð túlks sem flutti boð milli þyrlulæknis og skipstjóra. Talið var nauðsynlegt að sækja skipverjann og fór þyrla Landhelgisgæslunnar TF-LÍF frá Reykjavík um kl. 13:00.

Almannavarnanefnd Þingeyinga og embætti Lögreglustjórans á Húsavík standa fyrir sjóslysaæfingu á Skjálfanda og á Húsavík laugardaginn 9. júní nk. í samstarfi við almannavarnadeild ríkislögreglustjóra og Landhelgisgæsluna.

Í vikunni var haldinn rýnifundur vegna æfingarinnar Dynamic Mercy fór fram í apríl síðastliðnum. Var æfingin tvískipt og með þáttöku þjóða við Norður Atlantshaf. Þær þjóðir sem aðila áttu á fundinum voru auk Íslands, Noregur, Bretland, Danmörk, Færeyjar, Grænland, Belgía, Holland, Þýskaland og Rússland. Atlantshafsbandalagið tók einnig þátt í æfingunni

Með samstöðu starfsmanna á ratsjárstöðvunum fjórum og á umsjónarsvæði Landhelgisgæslunnar á Keflavíkurflugvelli hefur náðst mikill árangur milli ára í rafmagnssparnaði. Nemur heildarlækkun rafmagnskostnaðar frá janúar 2011 til apríl 2012 rúmum sex milljónum króna.

Þyrla Landhelgisgæslunnar fann um kl. 16:50 manninn sem leitað var að á Skeiðarárjökli og sendi út neyðarboð kl. 13:34 í dag. Var maðurinn heill á húfi og amaði ekkert að honum en hann villtist á svæðinu og gerði hárrétt með að senda út neyðarboðin.

Stjórnstöð Landhelgisgæslunnar barst kl. 13:34 neyðarboð frá gerfihnattaneyðarsendi með staðsetningu á austanverðum Skeiðarárjökli. Eftir að staðfesting hafði fengist á boðunum var þyrla Landhelgisgæslunnar kölluð til leitar og fer hún á staðinn með undanfara SL. Auk þess voru björgunarsveitir á Suðausturlandi kallaðar út.

Að undanförnu hefur áhöfn varðskipsins ÞÓR m.a. þjálfað notkun olíuhreinsibúnaðar og olíuvarnargirðingar varðskipsins sem ekki hefur áður verið í notkun hér á landi en sænska strandgæslan og norska strandgæslan að hluta, hefur notað hliðstæðan búnað með góðum árangri.

Þegar þyrla Landhelgisgæslunnar TF-LIF var að undirbúast fyrir eftirlitsflug síðdegis í dag barst beiðni frá 112 um aðstoð þyrlunnar eftir að eldri maður slasaðist í Stykkishólmi. Fór þyrlan í loftið kl. 18:51 og lenti á flugvellinum í Stykkishólmi kl. 19:30.

Séraðgerða- og sprengjueyðingasviði Landhelgisgæslunnar barst á föstudag tilkynning frá Sorpu um að þeim hefði borist gamalt dýnamít sem hafði verið skilið eftir í söfnunargámi Sorpu á landsbyggðinni og var það síðan flutt með sendiferðabíl til Reykjavíkur.

Varðskipið Þór var opið til sýnis um helgina í tilefni sjómannadagsins og Hátíðar hafsins. Mikið líf og fjör var um borð og voru samtals 3100 manns sem komu um borð til að skoða skipið, spjölluðu við áhöfnina og kynntu sér getu,  tækni og búnað varðskipsins.

Landhelgisgæslunni barst í morgun tilkynning um slasaðan sjómann um borð í norskum togara sem staddur var á Reykjaneshrygg eða 220 sjómílur úti fyrir landinu. Ákveðið var að skipið myndi sigla á móti þyrlunni sem fór í loftið kl. 17:27 og mætti skipinu um kl. 19:00 þegar það var um 145 sjómílur suður af Reykjanesi.

Athöfn fór fram í morgun við Minningaröldur Sjómannadagsráðs við Fossvogskapellu í Fossvogskirkjugarði. Hjálmar Jónsson dómkirkjuprestur flutti ritningarorð og bæn. Lagðir voru blómsveigar að minnisvarðanum og starfsmenn Landhelgisgæslunnar stóðu heiðursvörð.