Fréttir

Erill hjá Landhelgisgæslunni að undanförnu - 29.7.2013

_MG_0566
Talsverður erill hefur verið hjá Landhelgisgæslunni að undanförnu. Þyrla var kölluð út í dag eftir vélsleðaslys á Langjökli, einnig var í nótt alvarlega veikur sjómaður sóttur um borð í fiskiskip sem staðsett var suðvestur af Reykjanesi. Farið var í sjúkraflug á Norðfjörð um helgina og sprengjusérfræðingar eyddu torkennilegum hlut sem fannst í Grímsey. Lesa meira

Fékk óvænt að sjá bjargvættinn TF-LÍF á afmælisdaginn - 29.7.2013

TF-LIF_8625_1200

Í gær, sunnudaginn 28. júlí voru tíu ár síðan TF-LÍF fór í útkall til Vestmannaeyja og sótti þangað nýfætt barn sem varð fyrir miklum súrefnisskorti í fæðingu. Afi stúlkunnar hafði nýverið samband við Landhelgisgæsluna og sagði hann að flugið hafi bjargað lífi stúlkunnar sem hlaut nafnið Viktoría Líf. Hafði hann mikinn áhuga á að koma stúlkunni á óvart á afmælisdaginn með því að sýna henni „bjargvættinn“ eða TF-LÍF.

Lesa meira

Hjálparbeiðni frá seglskútu 400 sml. suður af Hvarfi - 17.7.2013

Stjornstod3

Landhelgisgæslunni barst í gærkvöld hjálparbeiðni frá seglskútu sem stödd var um 400 sjómílur suður af Hvarfi. Skútan sem er bandarískri með þriggja manna áhöfn var þá í vonskuveðri og óttaðist áhöfnin sem er að hluta íslensk um öryggis sitt.

Lesa meira

Þyrla Landhelgisgæslunnar kölluð út vegna tilkynningu um neyðarflugelda - 11.7.2013

GNA3_BaldurSveins

Stjórnstöð Landhelgisgæslunnar barst á áttunda tímanum í kvöld tilkynning frá Fjarskiptamiðstöð lögreglu um að tilkynnt hefði verið um neyðarflugelda yfir Sandgerði og nágrenni og jafnvel talið að þeim hafi verið skotið á loft frá sjó.

Lesa meira

Ákvörðun tekin um loftrýmiseftirlit Svía og Finna á Íslandi - 5.7.2013

KEFIMG_0497

Í byrjun næsta árs munu Svíar og Finnar sinna loftrýmiseftirliti á Íslandi samhliða reglubundinni loftrýmisgæslu Norðmanna. Um er að ræða merkileg skref í sögu norrænnar varnarsamvinnu og Atlantshafsbandalagsins segir í frétt á heimasíðu utanríkisráðuneytisins. Landhelgisgæslan annast daglegan rekstur  varnar- öryggis- og upplýsingakerfa Atlantshafsbandalagsins, veitir þjónustu og aðstöðu fyrir mannafla þjóðanna sem koma til eftirlitsins. Er auk þess til taks þegar kemur að leit og björgun.

Lesa meira

Þyrla LHG sækir sjómann sem slasaðist - 4.7.2013

GNA2

Landhelgisgæslunni barst upp úr klukkan 21:00 í kvöld beiðni um aðstoð þyrlu eftir að sjómaður slasaðist um borð í fiskiskipi sem staðsett var um 90 sjómílur SV- af Reykjanesi. Eftir samráð við þyrlulækni var talið nauðsynlegt að sækja manninn sem er ekki í lífshættu. Báðar þyrluvaktir voru kallaðar út kl. 21:24 en þar sem skipið er staðsett utan 20 sjómílna var nauðsynlegt að kalla út tvær þyrluáhafnir, önnur þeirra er í viðbragðsstöðu.

Lesa meira

Eldur kom upp í fiskibát NV- af Garðskaga - 4.7.2013

_MG_0566

Eldur kom upp í fimm tonna fiskibát, með einn mann um borð þegar hann var staddur um 15 sjómílur NV-af Garðskaga. Landhelgisgæslunni barst neyðarkall frá bátnum kl. 16:19 og var samstundis óskað eftir aðstoð nærstaddra skipa og báta og héldu tveir fiskibátar strax á staðinn.

Lesa meira

Varðskipið Týr á leið til eftirlits á Miðjarðarhafi - 4.7.2013

Tyr2_juli2013

Varðskipið Týr lagði í vikunni úr Reykjavíkurhöfn áleiðis til Almería á Spáni en þaðan verður skipið gert út næstu vikur fyrir Landamærastofnun Evrópu - Frontex en Ísland er aðili að stofnuninni í gegnum Schengen. Landhelgisgæslan hefur sinnt hliðstæðum verkefnum frá árinu 2010 og er áætlað að Týr verði við landamæraeftirlit á Miðjarðarhafi.

Lesa meira

Ban Ki-moon, aðalframkvæmdastjóri Sameinuðu þjóðanna heimsótti flugdeild Landhelgisgæslunnar - 3.7.2013

LHG10

Ban Ki-moon, aðalframkvæmdastjóri Sameinuðu þjóðanna heimsótti í morgun flugdeild Landhelgisgæslunnar í fylgd Gunnars Braga Sveinssonar utanríkisráðherra, Sigurðar Inga Jóhannssonar sjávarútvegs- og landbúnaðarráðherra og Helga Björnssonar jöklafræðings. Flugrekstrarstjóri og áhöfn þyrlu Landhelgisgæslunnar tóku á móti gestunum.

Lesa meira

Landhelgisgæslan með nýjan harðbotna slöngubát í prófunum fyrir Rafnar - 3.7.2013

Leiftur3

Rafnar ehf afhenti í gær séraðgerða- og sprengjueyðingasviði Landhelgisgæslunnar hraðskreiðan, tíu metra langan harðbotna slöngubát sem hlotið hefur nafnið Leiftur. Er þetta nýsköpunarverkefni sem Landhelgisgæslan hefur tekið þátt í með Rafnari frá því snemma árs 2012.

Lesa meira

TF LIF sótti örmagna ferðakonu á Hornstrandir - 3.7.2013

TF-LIF_8625_1200

Þyrla Landhelgisgæslunnar var kölluð út í gær kl. 18:51 vegna konu sem örmagnaðist á göngu um Hornstrandir. Slæmt símsamband var á svæðinu en samferðafólki tókst að komast í samband í Hornbjargsvita.  TF-LIF fór í loftið kl. 19:16 og lenti á vettvangi kl. 20:39. Var konan orðin mjög blaut og köld og var hún flutt til Reykjavíkur.

Lesa meira

Umferðar- og hálendiseftirlit með þyrlu LHG - 1.7.2013

Þyrla Landhelgisgæslunnar var um helgina til aðstoðar lögreglunni við umferðar- og hálendiseftirlit. Farið var til umferðareftirlits með lögreglunni í Stykkishólmi,  frekar lítil umferð var um Snæfellsnes meðan á eftirlitinu stóð en tveir ökumenn voru stöðvaðir fyrir of hraðan akstur. Einnig var farið í hálendiseftirlit með lögreglunni í Borgarnesi.

Lesa meira

Klettaskóli heimsótti flugdeild Gæslunnar - 1.7.2013

20130626_131127_resized

Flugdeild Landhelgisgæslunnar fékk nýverið skemmtilegar heimsóknir frá Frístundaklúbbnum Garði og Frístundaheimilinu Guluhlíð sem er frístundastarf fyrir börn í Klettaskóla – Öskuhlíðarskóla. Um er að ræða sumarnámskeið fyrir fötluð börn á aldrinum 6 til 12 ára og það var augljóst að þeim fannst mjög spennandi að heimsækja flugdeildina og skoða þyrlurnar í návígi.

Lesa meira








Þetta vefsvæði byggir á Eplica