Fréttir

Þyrla kölluð út vegna fjórhjólaslyss - 29.1.2014

Nætursjónaukar

Þyrla Landhelgisgæslunnar lenti kl. 20:30 hjá manni sem slasasðist þegar hann velti yfir sig fjórhjóli ofan við Mörtungu austan við Kirkjubæjarklaustur. Maðurinn var fluttur til rannsókna.á Borgarspítalann í Fossvogi.

Lesa meira

FGS BONN í langri reynslusiglingu - verður til sýnis við Skarfabakka - 29.1.2014

FGS BONN, birgða- og flutningaskip þýska flotans kom í morgun til Reykjavíkurhafnar en skipið mun liggja við Skarfabakka meðan á kurteisisheimsókn skipsins stendur. Skipið verður opið til sýnis föstudag og laugardag milli klukkan 13:00-16:00. Meðan skipið er við landið mun það verða við æfingar með Landhelgisgæslunni og björgunarþyrlum finnska flughersins sem auk þess taka þátt í æfingunni Iceland Air Meet 2014.

Lesa meira

Flugsveit Norðmanna lenti á Keflavíkurflugvelli - 27.1.2014

Flugsveit Norðmanna sem mun annast loftrýmisgæslu næstu vikur lenti í dag á Keflavíkurflugvelli. Flugsveitin samanstendur af sex F16 þotum og fylgja henni um 110 liðsmenn. Verkefnið er unnið skv. loftrýmisgæsluáætlun Atlantshafsbandalagsins fyrir Ísland. Flugsveitir frá Finnlandi og Svíþjóð eru væntanlegar til landsins síðar í vikunni og verða hér á landi til 21. febrúar og æfa Norðurlandasamstarfið samhliða loftrýmisgæslunni með Norðmönnum og Íslendingum.

Lesa meira

TF-LÍF bjargaði vélsleðamönnum við Drekavatn - 27.1.2014

TF-LIF, þyrla Landhelgisgæslunnar bjargaði í gærkvöldi tveimur mönnum sem festu vélsleða sína  í krapa við Drekavatn, austan við Þórisvatn. Þyrlan var kölluð út kl. 21:23 og fór í loftið kl. 21:39. Þegar þyrlan kom á staðinn kl. 22:50 hafði öðrum mannanna tekist að komast á fast land en  félagi hans beið á sleðanum um 10 til 20 metra úti í vatni og komst ekki á þurrt land. Báðir mennirnir voru hífðir um borð í þyrluna. Lesa meira

Myndir úr Þorskastríðinu 1976 - 26.1.2014

Hér eru nokkrar myndir úr Þorskastríðinu 1976 sem Landhelgisgæslan fékk nýverið sendar úr myndasafni Daníels Sigurbjörnssonar. Myndatextarnir komu einnig frá honum.

Lesa meira

Norskum loðnuskipum fjölgar fyrir austan land - 24.1.2014

lodna_jpg_640x800_sharpen_q95

Níu norsk loðnuskip eru nú komin til veiða innan íslensku efnahagslögsögunnar og eru þau við leit djúpt A- af Gerpi. Í reglugerð um loðnuveiðar erlendra skipa í fiskveiðilandhelgi Íslands á loðnuvertíðinni 2013/2014 segir að norskum skipum sé heimilt að veiða samtals 40.869 lestir í efnahagslögsögu Íslands

Lesa meira

Finnskar björgunarþyrlur komnar til landsins - 23.1.2014

Í gær komu til landsins tvær finnskar björgunarþyrlur sem munu taka þátt í æfingunni Iceland Air Meet 2014 sem hefst þann 3. febrúar nk. Þyrlurnar voru fluttar til landsins með flutningarskipinu MIMER ásamt ýmsum búnaði sem Norðmenn, Svíar og Finnar munu nota á næstu vikum í tengslum við æfinguna. Finnsku þyrlurnar munu m.a taka þátt í ýmsum æfingum með flugdeild Landhelgisgæslunnar á næstu vikum.

Lesa meira

Landhelgisgæslan með erindi á ráðstefnu um Norðurslóðir - 23.1.2014

Nú stendur yfir í Tromsö í Noregi ráðstefnan Arctic Frontiers þar sem Ásgrímur L. Ásgrímsson, framkvæmdastjóri aðgerðasviðs Landhelgisgæslunnar (LHG) hélt erindi um öryggismál á Norðurslóðum og hlutverk Landhelgisgæslu Íslands í þeim breytingum sem framundan eru á þessum vettvangi.  Í erindi hans kom m.a. fram að reynslan af fjölþjóðlegum leitar- og björgunaræfingum sem Landhelgisgæslan hefur  tekið þátt í hefur leitt í ljós að Ísland er augljós kostur fyrir alþjóðlega leitar- og björgunarmiðstöð á Norður-Atlantshafi.

Lesa meira

Undirbúningur fyrir æfinguna Iceland Air Meet stendur yfir - 20.1.2014

Fjölþættur undirbúningur stendur nú yfir fyrir æfinguna „Iceland Air Meet 2014“ (IAM2014) sem mun fara fram samhliða loftrýmisgæslu Atlantshafsbandalagsins við Ísland. Loftrýmisgæslan verður að þessu sinni í umsjón flugsveitar norska flughersins. Sænskar og finnskar flugsveitir taka þátt í æfingunni auk Norðmanna.Hér má sjá mynd og myndskeið sem sýnir flutning finnskrar björgunarþyrlu.

Lesa meira

Eitt norskt skip komið til loðnuveiða - 20.1.2014

Samkvæmt varðstjórum Landhelgisgæslunnar kom eitt norskt loðnuskip til veiða innan íslensku efnahagslögsögunnar aðfaranótt sunnudags. Er skipið nú við leit undan NA-landi. Ekki er vitað um fleiri skip sem eru væntanleg.

Lesa meira

Varðskipið Þór verður til sýnis á Seyðisfirði - 17.1.2014

IMG_1721_fhdr

Varðskipið Þór er væntanlegt  til Seyðisfjarðar á morgun, laugardaginn 18. janúar og er áætlað að varðskipið verði opið til sýnis frá kl. 13:00-18:00. Áhöfn varðskipið mun taka á móti gestum og sýna helstu vistarverur og segja frá búnaði og getu skipsins.

Lesa meira

Gæslu- og eftirlitsflug þyrlu um Faxaflóa, Breiðafjörð og Vestfirði - 17.1.2014

Í gær fór þyrla Landhelgisgæslunnar TF-GNA í gæslu og eftirlitsflug um Faxaflóa, Breiðafjörð og Vestfirði. Eftirlitið hófst norður af Garðskaga þar sem nokkur fjöldi skipa og báta var að veiðum. Þaðan var haldið fyrir Snæfellsnes og inn á Breiðafjörð, flogið var vestur að Straumnesfjalli en þar voru kannaðar skemmdir á fjarskipta- og ferilvöktunarbúnaði.

Lesa meira

Norðmenn, Svíar og Finnar koma til landsins vegna Iceland Air Meet 2014 - 15.1.2014

F-4F_BaldurSveins-(3)

Loftrýmisgæsla Atlantshafsbandalagsins við Ísland hefst á ný mánudaginn 27. janúar nk. með komu flugsveitar norska flughersins til landsins. Samhliða loftrýmisgæslunni munu flugsveitir frá Finnlandi og Svíþjóð verða á landinu við æfingar með Norðmönnum og Íslendingum. Það verkefni hefur vinnuheitið „Iceland Air Meet 2014“ (IAM2014) og hefst það föstudaginn 31. janúar með komu sænskra og finnskra flugsveita.  

Lesa meira

Óvenju margir við vinnu í flugskýli LHG - 13.1.2014

_33A2291

Óvenju fjölmennur hópur er þessa dagana við vinnu í flugskýli Landhelgisgæslunnar. Flugvélin TF-SIF er í reglubundinni C-skoðun sem er nokkuð umfangsmikil og er hún í umsjón flugvirkja Landhelgisgæslunnar sem hafa fengið flugvirkja frá Flugfélagi Íslands til aðstoðar. Einnig er Lynx þyrla dönsku varðskipanna í skoðun og fylgir henni um 20 manna hópur flugvirkja.

Lesa meira

Varðskip heldur úr höfn til eftirlits - 13.1.2014

Varðskipið Þór hélt í dag úr Reykjavíkurhöfn og verður á næstunni við eftirlit á íslenska hafsvæðinu. Gert er ráð fyrir að skipið verði staðsett á loðnumiðum og til taks þegar skipin hefja veiðar. 

Lesa meira

Þyrlur LHG kallaðar út fjórum sinnum síðastliðinn sólarhring - 12.1.2014

GNA1_haust2012

Miklar annir hafa verið hjá þyrlusveit Landhelgisgæslunnar sem hefur sinnt fjórum útköllum síðastliðinn sólahring. Fjórir slasaðir voru í gærkvöldi fluttir með þyrlu frá Skógumi. Snemma í morgun sótti þyrlan tvo sjúklinga á Patreksfjörð og var þyrlan kölluð út að nýju skömmu eftir lendingu í Reykjavík til að sækja alvarlega veikan mann um borð í togara 60 sml. frá Reykjanesi. Fjórða útkallið barst síðan skömmu eftir hádegi eftir að umferðarslys varð í Borgarfirði.

Lesa meira

Skemmdir á fjarskiptabúnaði vegna ísingar - 10.1.2014

Töluverðar skemmdir hafa orðið að undanförnu á fjarskiptabúnaði á Gunnólfsvíkurfjalli.  Landhelgisgæsla rekur ratsjár- og fjarskiptastöðvar NATO hér á landi þ.m.t. á Gunnólfsvíkurfjalli.   Á stöðvunum er einnig hýstur búnaður fyrir önnur fjarskiptafyrirtæki og þjónustuaðila hér á landi.  Ísingin er sú mesta sem hefur sést á staðnum frá því að ratsjárstöðin var tekin í notkun árið 1991.

Lesa meira

Samningur undirritaður vegna rafkerfisbreytinga - 10.1.2014

Nýverið var undirritaður samningur milli Landhelgisgæslu Íslands og Bergraf í Reykjanesbæ um 6. áfanga við rafkerfisbreytingar á Öryggissvæðinu á Keflavíkurflugvelli.  Samningurinn er að upphæð kr. 330 milljónir og er verktími út árið 2014. Um er að ræða umfangsmiklar og atvinnuskapandi framkvæmdir á svæðinu.

Lesa meira

Landhelgisgæslan við æfingar með danska varðskipinu Vædderen - 6.1.2014

Þyrla Landhelgisgæslunnar var um helgina við æfingar með danska varðskipinu Vædderen norður af Gróttu en skipið sem hefur verið undanfarna mánuði við Grænland  hefur verið við Ísland undanfarna daga við æfingar áður en það heldur áleiðis til Færeyja.  Samstarf Landhelgisgæslunnar og danska sjóhersins byggir á áratuga góðri samvinnu sem meðal annars felst í samæfingum, starfsmannaskiptum og samstarfi við leit og björgun í Norður Atlantshafi.

Lesa meira

Leki kom að skipi í Ísafjarðardjúpi - þyrlur Landhelgisgæslunnar sendar á staðinn - 4.1.2014

GNA2

Upp úr klukkan 14:00 óskaði línuskipið Þorlákur ÍS frá Bolungarvík eftir aðstoð þar sem leki var kominn að skipinu undir Grænuhlíð í Ísafjarðardjúpi. Landhelgisgæslan virkjaði samhæfingarstöð í Skógarhlíð og þyrlurnar TF-LÍF og TF-GNA voru kallaðar út.

Lesa meira

TF-LIF sækir alvarlega veikan sjómann - 3.1.2014

Þyrla Landhelgisgæslunnar var kölluð út klukkan 9:15 í morgun vegna alvarlegra veikinda um borð í fiskiskipi sem var staðsett suður af Malarrifi. TF-LIF fór í loftið klukkan 09:52 og kom að skipinu um hálftíma síðar. Var maðurinn fluttur um borð í þyrluna og er hún nú á leið til Reykjavíkur og verður lent við Landspítalann í Fossvogi upp úr klukkan 11.

Lesa meira








Þetta vefsvæði byggir á Eplica