Fréttir

Æfing sprengjusérfræðinga stendur yfir - 29.9.2014

NC2012_W1D3_Doug_Elsey_Photo_093

Nú stendur yfir á svæði Landhelgisgæslunnar við Keflavík og í Hvalfirði æfingin Northern Challenge sem er alþjóðleg æfing  fyrir sprengjusérfræðinga. Æfingin er í umsjón séraðgerða og sprengjueyðingasviðs Landhelgisgæslunnar sem einnig annast skipulagningu og stjórnun hennar. 

Lesa meira

Danska varðskipið Triton sækir skipverja sem slasaðist um borð í Reykjafossi - 27.9.2014

Landhelgisgæslunni barst kl. 13:40 tilkynning frá björgunarstöðinni í NUUK Grænlandi ´s um að þeim hefði borist aðstoðarbeiðni frá flutningaskipinu Reykjafoss vegna manns sem slasaðist um borð. Reykjafoss var þá staðsettur rúmlega 500 sjómílur suðvestur af Reykjanesi. Björgunarmiðstöðin óskaði eftir að danska varðskipið Triton myndi sækja manninn en það var þá 285 sml NNA frá Reykjafossi.

Lesa meira

Mannlaus fiskibátur slitnaði upp í Hvammsvík - 24.9.2014

Landhelgisgæslunni barst kl. 10:15 í gærmorgun tilkynning um mannlausan fiskibát sem var kominn upp í fjöru í Hvammsvík. Virtist báturinn hafa slitnað upp og lá hann á stjórnboðssíðunni í fjörunni. Eftirlits- og sjómælingaskipið Baldur var á svæðinu og var það beðið um að halda á staðinn, einnig var Umhverfisstofnun gert viðvart.

Lesa meira

Varðskipið Týr kominn til hafnar á Íslandi eftir verkefni við Svalbarða - 23.9.2014

Varðskipið Týr kom til Akureyrar síðdegis í dag eftir að hafa verið frá byrjun maí í leiguverkefni við Svalbarða þar sem skipið var notað til eftirlits- og björgunarstarfa sem og almennra löggæslu- og þjónustustarfa fyrir Sýslumanninn á Svalbarða.  Tveir starfsmenn Landhelgisgæslunnar voru í áhöfn Týs hverju sinni meðan á verkefninu stóð og var mikil ánægja með frammistöðu þeirra. Landhelgisgæslan gerði samning við Fáfni Offshore hf um verkefnið en nýtt skip Fáfnis, Polarsyssel var afhent Sýslumanninum á Svalbarða í síðastliðinni viku.

Lesa meira

Varðskipið Þór dró flutningaskipið Green Freezer af strandstað í morgun - 20.9.2014

Varðskipinu Þór tókst klukkan 10:52 í morgun að draga flutningaskipið Green Freezer af strandstað á Fáskrúðsfirði. Í nótt var dælt yfir eittthundrað tonnum af olíu úr skipinu með aðstoð Olíudreifingar. Skipið verður nú dregið til Fáskrúðsfjarðar en áður en til hafnar verður komið munu skemmdir verða kannaðar og olíu dælt aftur um borð. 

Lesa meira

Unnið að endurmati björgunaraðgerða - áætlanir um að nota hafsögubát voru ekki raunhæfar - 19.9.2014

ÞOR Arni Saeberg

Landhelgisgæslan vinnur nú að endurmati björgunaraðgerða á strandstað flutningaskipsins Green Freezer sem strandaði í Fáskrúðsfirði á miðvikudagskvöld. Dráttartaug varðskipsins Þórs slitnaði í hádeginu þegar komið var yfir 100 tonna átak á tauginni og er því ljóst að skipið situr mjög fast á strandsstað. Þessi staða undirstikar að áætlanir um að nota hafsögubát við aðgerðina voru ekki raunhæfar.

Lesa meira

Íhlutunarrétti beitt við björgun Green Freezer - Varðskipið Þór mun hefja björgunaraðgerðir  - 19.9.2014

Landhelgisgæslan tók í kvöld ákvörðun um að beita íhlutunarrétti, í samræmi við lög um verndun hafs og strandar vegna flutningaskipsins Green Freezer sem strandaði í Fáskrúðsfirði á miðvikudagskvöld. Ákvörðunin var tekin að höfðu samráði við Umhverfisstofnun. Varðskipið Þór mun í birtingu hefja björgunaraðgerðir sem miða að því að losaflutningaskipið Green Freezer af strandstað.

Lesa meira

Áætlað að Vöttur dragi Green Freezer af strandstað í kvöld - 18.9.2014

Til stendur að lóðsbáturinn Vöttur dragi flutningaskipið Green Freezer af strandstað á háflóðinu í kvöld. Eigendur skipsins lögðu síðdegis fram aðgerðaáætlun þar sem þetta kom fram. Landhelgisgæslan gerir ekki athugasemdir við áætlun skipsins en varðskipið Þór mun verða til taks og grípa inn í ef yfirvofandi er hætta á bráðamengun.

Lesa meira

Ekki talin hætta á bráðamengun - Eigendum Green Freezer veittur áframhaldandi frestur til að ná skipinu af strandstað - 18.9.2014

Fyrir skömmu síðan lauk samráðsfundi Landhelgisgæslunnar með Umhverfisstofnun og Samgöngustofu  vegna strands flutningaskipsins Green Freezer. Engin hætta er talin á bráðamengun á svæðinu og var tekin ákvörðun um að veita eigendum skipsins áframhaldandi frest til kl. 18:00 að ná skipinu af strandstað. 

Lesa meira

Unnið að uppsetningu mengunargirðingar - samráðsfundur að hefjast - 18.9.2014

NC2009_WEEKEND_DIVE_DOUG_ELSEY_PHOTO__42

Samkvæmt vettvangsstjórn Landhelgisgæslunnar á strandstað Green Freezer er nú unnið að uppsetningu mengunargirðingar umhverfis skipið þar sem hugsanlegt er að olía hafi lekið þegar stýrisbúnaður skipsins laskaðist við strandið. Var því frestað að draga skipið af staðnum meðan kafarar Landhelgisgæslunnar kanna botn skipsins og viðbragðsaðilar meta stöðuna. Skipið er stöðugt og ágætt veður er á staðnum.

Lesa meira

Staðan metin á strandstað Green Freezer - 18.9.2014

_MG_0632

Fulltrúar Umhverfisstofnunar og Landhelgisgæslunnar komu á strandstað flutningaskipsins Green Freezer í Fáskrúðsfirði upp úr miðnætti. Ástandið á strandsstað er metið stöðugt og ekki mikil mengunarhætta, þá er góð veðurspá næstu daga. Landhelgisgæslan hefur gefið eigendum skipsins frest fram yfir morgunflóð kl.10:00 til að ná skipinu út með aðstoð dráttarbáts. Takist það ekki mun Landhelgisgæslan meta hvort beitt verði íhlutunarrétti 

Lesa meira

Fragtskip strandar á skeri í Fáskrúðsfirði - útgerð vinnur að björgunaráætlun - 17.9.2014

GNA2

Landhelgisgæslunni barst um klukkan átta í kvöld beiðni um aðstoð frá flutningaskipinu Green Freezer sem var þá strandað á skeri í Fáskrúðsfirði. Kallaðar voru út björgunarsveitir Slysavarnarfélagsins Landsbjargar á Austurlandi, þ.m.t. björgunarskip og bátar allt frá Vopnafirði til Hornafjarðar. Fjölveiðiskip Samherja, Vilhelm Þorsteinsson hélt auk þess samstundis á strandstað. Varðskipið Þór var beðið um að halda á staðinn og þyrla Landhelgisgæslunnar var kölluð út. Útgerð skipsins vinnur að björgunaráætlun.

Lesa meira

Íslensku skipi vísað til hafnar fyrir meintar ólöglegar síldveiðar í lögsögu Grænlands - 17.9.2014

Landhelgisgæslan vísaði í nótt íslensku skipi til hafnar fyrir meintar ólöglegar síldveiðar í lögsögu Grænlands. Íslensk skip hafa ekki heimild íslenskra stjórnvalda til síldveiða innan grænlenskrar lögsögu og var Landhelgisgæslan því í samskiptum við yfirvöld á Grænlandi vegna málsins. Tvö skip eru grunuð um að hafa stundað ólglegar síldveiðar á svæðinu en bæði skipin höfðu hinsvegar leyfi til makrílveiða á svæðinu. 

Lesa meira

Flutningaskip áminnt fyrir að fara ekki eftir reglum um aðskildar siglingaleiðir fyrir Reykjanes - 16.9.2014

_MG_0659

Landhelgisgæslunni barst í gær tilkynning frá erlendu flutningaskipi sem var að leggja úr höfn frá Vestmannaeyjum til Reykjavíkur. Skipinu voru veittar þær upplýsingar að vegna stærðar skipsins (yfir 5000 tonn) var því aðeins heimilt að sigla ytri siglingaleið fyrir Reykjanes.

Lesa meira

Lauk námi í stjórnun verkefna á sviði friðargæslu - 15.9.2014

Jónas Þorvaldsson sprengjusérfræðingur og fagstjóri köfunar lauk í sumar námi við sænsku alþjóðlegu herakademíuna (SWEDINT-Swedish Armed Forces International Centre) sem gerir hann hæfan til að annast stjórnun verkefna á sviði friðargæslunnar. Jónasi var boðið af  NORDEFCO (Nordisk Defence Cooperation) á námskeiðið sem kallaðist United Nations Civilian Staff Officer Course. 

Lesa meira

Dómsmálaráðherra tekur þátt í eftirliti þyrlu LHG yfir gosstöðvarnar  - 13.9.2014

Sigmundur Davíð Gunnlaugsson, forsætis- og dómsmálaráðherra fór í morgun með Georg Kr. Lárussyni, forstjóra Landhelgisgæslunnar og Haraldi Jóhannessen, ríkislögreglustjóra í eftirlitsflug með þyrlu Landhelgisgæslunnar yfir Bárðarbungu og gosstöðvarnar í Holuhrauni. Markmið flugsins er að kynna fyrir dómsmálaráðherra stöðuna á svæðinu sem og starf viðbragðsaðila.

Lesa meira

Þyrlan TF-SYN flaug með vísindamenn og almannavarnir að Bárðarbungu og Holuhrauni - 11.9.2014

Fimmtudagur 11. september 2014

TF-SYN, þyrla Landhelgisgæslunnar flaug í dag með menn frá Jarðvísindastofnun, Veðurstofu og Almannavörnum á Bárðarbungu og Kverkfjöll til að setja niður mæla og vinna við ýmsan búnað. Að vinnu lokinni var flogið yfir Dyngjujökul og Holuhraun.

Lesa meira

Yfirhershöfðingi Atlantshafsbandalagsins í Evrópu heimsótti Landhelgisgæsluna - 10.9.2014

Yfirhershöfðingi Atlantshafsbandalagsins(NATO) í Evrópu, SACEUR Philip M. Breedlove, heimsótti í dag Landhelgisgæslunaí Keflavík ásamt fylgdarliði og fulltrúum utanríkisráðuneytisins. Jón B. Guðnason, framkvæmdastjóri lofthelgis- og öryggismálasviðs og Auðunn F. Kristinsson, starfandi framkvæmdastjóri aðgerðasviðs tóku á móti honum ásamt samstarfsmönnum.

Lesa meira

Þyrla LHG bjargaði ferðamanni úr þverhníptu klettabelti - 9.9.2014

TF-LIF_8625_1200

Þyrla Landhelgisgæslunnar var kölluð út kl. 18:37 í gærkvöldi að beiðni fjarskiptamiðstöðvar RLS vegna ferðamanns í sjálfheldu efst í Ófeigsfjalli á Reyðarfirði. Maðurinn var í 900-1000 metra hæð í þverníptu klettabelti.TF-LIF fór í loftið frá Reykjavík kl. 19:19  með þrjá undanfara Slysavarnarfélagsins Landsbjargar.

Lesa meira

Umfangsmiklar aðgerðar Landhelgisgæslunnar um liðna helgi vegna strands Akrafells - 8.9.2014

Björgunaraðgerðir Landhelgisgæslunnar vegna strands flutningaskipsins Akrafells síðastliðinn laugardag voru afar umfangsmiklar og kom fjöldi manna úr nánast öllum deildum Landhelgisgæslunnar að málum.   Var samvinna og liðsheild starfsmanna einstök og sýndu viðbrögð þeirra að starfsmenn Landhelgisgæslunnar eru tilbúnir að gera það sem þarf til að bregðast við á ögurstundu í stóru sem smáu. 

Lesa meira

Akrafell afhent eigendum skipsins og hafnaryfirvöldum - 7.9.2014

Fjölveiðiskipið Aðalsteinn Jónsson SU frá Eskifirði dró í nótt flutningaskipið Akrafell til hafnar, í fylgd varðskipsins Ægis. Auk þeirra tóku lóðsbáturinn Vöttur og Hafbjörg, björgunarskip Slysavarnarfélagsins Landsbjargar á Neskaupstað þátt aðgerðum. Ástandið er talið stöðugt og hefur skipið nú verið afhent eigendum sem eru Samskip og hafnaryfirvöld á Eskifirði. Lesa meira

Akrafell losnaði af strandstað á háflóði - 7.9.2014

Akrafell, flutningaskip Samskipa losnaði um miðnætti af strandstað við Vattarnes á milli Reyðarfjarðar og Fáskrúðsfjarðar. Fjölveiðiskipið Aðalsteinn Jónsson SU er með skipið í togi og er áætlað að sigla með það til hafnar á Reyðarfirði. Varðskipið Ægir fylgir skipunum eftir til hafnar og verður til taks ef á þarf að halda.

Lesa meira

Hugsanlegt að Akrafell losni á háflóði um miðnætti - 6.9.2014

Verið er að skoða möguleikann á að ná Akrafelli, flutningaskipi Samskipa af strandstað í kvöld. Fimm varðskipsmenn eru auk skipstjóra um borð í skipinu og björgunaraðilar viðbúnir því að skipið losni af strandstað á háflóði sem er í kringum miðnætti.

Lesa meira

Köfurum tókst að loka fyrir streymi inn í vélarrúm Akrafells. Engin mengun greindist í flugi TF-SIF. - 6.9.2014

NC2009_WEEKEND_DIVE_DOUG_ELSEY_PHOTO__42

Talið er að köfurum Landhelgisgæslunnar hafi tekist að loka fyrir streymi inn í vélarrúm flutningaskipsins Akrafells. Virðast dæling nú loks bera árangur. Kafararnir köfuðu inn í vélarrúmið mjög erfiðar aðstæður. Vinna nú kafarar að því að rannsaka botn skipsins utan frá. TF-SIF flaug yfir svæðið í dag og er engin mengun sjáanleg.

Lesa meira

Varðskipið Þór undirbýr brottför frá Reykjavík til aðstoðar við björgun flutningaskipsins Akrafells. - 6.9.2014

Nú er nýlokið samráðsfundi Landhelgisgæslu, Umhverfisstofnunar, Samgöngustofu og Samskipa þar sem ákveðin voru næstu skref vegna strands flutningaskipsins Akrafells við Vattarnes. Unnið er að brottför varðskipsins Þórs frá Reykjavík og er áætlað að hann komi á strandstað um miðjan dag á morgun Þór tekur þá við vettvangsstjórn af varðskipinu Ægir sem og dráttartaug sem nú er yfir í fjölveiðiskipið Aðalsteinn Jónasson SU. 

Lesa meira

Þyrlu LHG snúið í útkall við Hornafjörð - 6.9.2014

Þyrla Landhelgisgæslunnar TF-SYN sem var á leiðinni til Reykjavíkur eftir að hafa flutt mannskap á strandsstað flutningaskipsins Akrafells hefur nú verið kölluð út til aðstoðar við björgun konu sem slasaðist þegar hún féll í hlíðum Geitafells norður af Hornafirði. Þyrlan er nú á vettvangi og vinnur að undirbúningi konunnar fyrir flutning.

Lesa meira

Varðskipið Ægir komið á strandstað - TF-SIF mun rannsaka svæðið með mengunargreiningarbúnaði - 6.9.2014

Varðskipið Ægir er nú komið á strandstað Akrafells við Reyðarfjörð og er unnið að því að flytja dælur yfir skipið. Engin mengun er sjáanleg en flugvél Landhelgisgæslunnar TF-SIF mun fljúga yfir svæðið eftir hádegi til að safna upplýsingum með mengunargreiningarbúnaði flugvélarinnar. Kafarar munu þá einnig gera vettvangskönnun á skipinu.

Lesa meira

Ekki er sjáanleg mengun á strandstað Akrafells - Varðskipið Ægir væntanlegt um hádegi - 6.9.2014

Landhelgisgæslan hélt í morgun fund með fulltrúum Umhverfisstofnunar, Samskipa og Samhæfingarstöðvar þar sem farið var yfir stöðuna vegna strands flutningaskipsins Akrafells. Talsverður sjór er í vél skipsins og hefur skipið misst allt vélarafl og rafmagn. Dælur hafa ekki undan og er unnið að því að útvega fleiri dælur. Ekki er sjáanleg mengun frá skipinu.

Lesa meira

Flutningaskip strandaði við Vattarnes, milli Reyðarfjarðar og Fáskrúðsfjarðar - 6.9.2014

Akrafell, flutningaskip Samskipa, strandaði á skeri við Vattarnes, á milli Reyðarfjarðar og Fáskrúðsfjarðar skömmu fyrir klukkan fimm í morgun. Mikill leki kom að skipinu við strandið. Skipið er 137 metra langt. Allar björgunarsveitir á Austfjörðum voru kallaðar út auk varðskips og þyrlu Landhelgisgæslunnar. Einnig var slökkvilið Reyðarfjarðar sem kallað var út vegna mengunarhættu.  Umhverfisstofnun hefur virkjað neyðaráætlun vegna hættu á umhverfisspjöllum.

Lesa meira

Mikið að gera hjá TF-SIF, flugvél Landhelgisgæslunnar - 5.9.2014

TF-SIF flugvél Landhelgisgæslunnar og áhöfn hennar hafa fylgst náið með þróun mála við Bárðarbungu, Dyngjujökul og Holuhraun frá því að vélin var kölluð heim úr erlendum verkefnum þann 19. ágúst síðastliðinn. Síðan hefur flugvélin farið fjölda fluga með vísindamenn þar sem safnað hefur verið ómetanlegum gögnum með ratsjár og eftirlitsbúnaði flugvélarinnar. Nú er framundan nauðsynlegt viðhald  sem ekki var mögulegt að sinna meðan flugvélin var í erlendum verkefnum.

Lesa meira

TF-LÍF fór í útkall til Vestamannaeyja - 4.9.2014

Þyrla Landhelgisgæslunnar var kölluð út kl. 17:23 eftir að alvarlegt slys varð í Vestmannaeyjum. TF-LÍF fór í loftið sautján mínútum síðar eða kl. 17:40 og var lent á flugvellinum í Vestmannaeyjum kl 18:13. Hinn slasaði var fluttur um borð í þyrluna sem fór að nýju í loftið kl 18:34 og var lent við Landspítalann í Fossvogi kl 19:54. 

Lesa meira

Gosmökkur frá Holuhrauni náði upp í 15 þúsund fet - 1.9.2014

TF-SIF flugvél Landhelgisgæslunnar flaug í dag yfir gosstöðvarnar í Holuhrauni með vísindamenn Veðurstofunnar og Jarðvísindastofnunar Háskóla Íslands. Þar sást hraun renna í ANA um 3,5 km frá miðju gosinu og var sú tunga um 500 metra breið. Gossprungan var virk á um 600 metrum.Þegar flogið var yfir kl 15:15 náði gosmökkurinn frá 6300 fetum upp í 15000 fet.

Lesa meira



Þetta vefsvæði byggir á Eplica