Fréttir

Loftrýmisgæsla NATO við Ísland að hefjast

Flugsveit ítalska flughersins á leið hingað til lands

10.3.2017

Loftrýmisgæsla Atlantshafsbandalagsins við Ísland hefst formlega að nýju fimmtudaginn 16. mars með komu flugsveitar ítalska flughersins. Alls munu um allt að 180 liðsmenn taka þátt í verkefninu og til viðbótar starfsmenn frá stjórnstöð NATO í Uedem, Þýskalandi (Combined Air Operations Center). Flugsveitin kemur til landsins með sex Eurofighter Typhoon F-2000 orrustuþotur.

Gert er ráð fyrir aðflugsæfingum að varaflugvöllum á Akureyri og Egilsstöðum á tímabilinu 20. mars til 24. mars.

Verkefnið verður framkvæmt með sama fyrirkomulagi og fyrri ár og í samræmi við loftrýmisgæsluáætlun NATO fyrir Ísland. Ráðgert er að verkefninu ljúki miðjan apríl. Verkefnið er framkvæmt af starfsmönnum Landhelgisgæslu Íslands á öryggissvæðinu á Keflavíkurflugvelli í samvinnu við Isavia.

Þetta er í annað sinn sem Ítalir koma hingað til lands til loftrýmisgæslu. Síðar á þessu ári sinna flugsveitir annars vegar úr kanadíska flughernum og hins vegar bandaríska flughernum loftrýmisgæslu hér við land.  




Þetta vefsvæði byggir á Eplica