Vélarvana dragnótarbátur tekinn í tog
Laugardagur 24. nóvember 2007
Um klukkann 8:00 í morgun bárust Vaktstöð siglinga/ stjórnstöð Landhelgisgæslunnar boð frá Jóni á Hofi ÁR-62, sem var vélarvana um 25 sjómílur NV af Garðskaga. Jón á Hofi er 35 metra, 334 brl. dragnótarbátur með 8 manns í áhöfn (leiðrétt 26.11.2007 SRS). Varðskip fór á staðinn og kom taug í skipið um klukkan 11:15. Varðskipið er með Jón á Hofi í togi, ferðin sækist vel og eru skipin væntanleg til Reykjavíkur um eftirmiðdaginn.
Meðfylgjandi myndir tók Guðmundur St. Valdimarsson, bátsmaður.
Sigurður Ó. Óskarsson stýrimaður og Rafn Sigurðsson háseti tilbúnir
með línubyssuna
Línan skýst yfir
Línan komin í Jón á Hofi
Af spildekki varðskipsins, þaðan sem dráttartauginni er slakað út
Jón á Hofi kominn í tog
Myndir: Guðmundur St. Valdimarsson bátsmaður
SRS 24.11.2007