Lunning sem rifnaði af varðskipinu Ægi í Þorskastríðinu komin í leitirnar
Mánudagur 7. janúar 2008
Þann 20. desember síðastliðinn fékk togarinn Arnar HU 1 stórt járnstykki upp með trollinu þegar hann var við veiðar á Þistilfjarðargrunni. Við nánari skoðun reyndist þar vera komin lunning sem rifnaði af varðskipinu Ægi í Þorskastríðinu, í október 1972. Þá keyrði breski togarinn Aldershot á stjórnborðssíðu Ægis, með þeim afleiðingum að lunningin rifnaði af.
Lunningin á varðskipinu Ægi fyrir breytingar (mynd: Jón Páll Ásgeirsson)
Lunningarhlutinn sem kom upp nýverið (mynd: Ólafur Bernódusson)
Við skoðun á járnstykkinu og samanburð við gamlar myndir mátti taka af allan vafa að þarna er lunningin af Vs. Ægi komin í leitirnar.
Nánar má lesa um atburðinn í ævisögu Guðmundar skipherra Kjærnested
– síðara bindi.
07.01.2008 SRS