Landhelgisgæslan í eftirlitsflugi um Hornstrandir
Miðvikudagur 18. Júní 2008
Þyrla Landhelgisgæslunnar, TF-GNA, var að koma úr eftirlitsflugi á Vestfjörðum þar sem flogið var um Hornstrandafriðland og svipast vandlega um eftir ísbjörnum. Með í för var Jón Björnsson, landvörður Hornstrandafriðlandsins. Flogið var um allt svæðið frá Aðalvík austur að Ófeigsfirði, eftir eldsneytistöku á Ísafirði. Ekki sáust nein ummerki um ísbjörn á leitarsvæðinu.
Meðfylgjandi myndir tók Henning Þór Aðalmundsson stýrimaður/sigmaður.
Í áhöfn þyrlunar voru Walter Ehrat flugstjóri, Jens Þór Sigurðsson flugmaður, Henning Þór Aðalmundsson stýrimaður/sigmaður Óskar Óskarsson flugvirki/spilmaður og Hlynur Þorsteinsson læknir.
18.06.2008 SRS