Jólastund starfsmanna Landhelgisgæslunnar
Fimmtudagur 17. desember 2009
Starfsmenn Landhelgisgæslunnar áttu í vikunni saman hátíðlega jólastund í flugskýli Landhelgisgæslunnar við Nauthólsvík. Jólastundin er árviss viðburður starfsmanna Landhelgisgæslunnar og ómissandi þáttur í jólamánuðinum þar sem komið er saman til að hlýða á upplestur jólaguðspjallsins, gæða sér á góðgæti og óska gleðilegrar jólahátíðar.
Georg Kr. Lárusson, forstjóri Landhelgisgæslunnar flutti ávarp þar sem hann ræddi stöðu Landhelgisgæslunnar sem og áhrif samdráttar á starfsemina. Mannauður innan Landhelgisgæslunnar er afar dýrmætur og reynt hefur verið af fremsta megni að halda í þá sérhæfðu reynslu og miklu þekkingu sem sé til staðar. Eins og hjá öllum öðrum í þjóðfélaginu hefur þurft að draga saman seglin en eitt er þó fullvíst; það sem Landhelgisgæslan gerir, gerir hún vel og af fyllstu heilindum.
Henning Þ. Aðalmundsson stýrimaður í flugdeild las upp úr jólaguðspjallinu og Svanhildur Sverrisdóttir starfsmannastjóri afhenti starfsmönnum sem hafa fagnað merkisafmælum á árinu gjafir frá Landhelgisgæslunni og starfsmönnum hennar. Þar á meðal var Ríkharð Laxdal sem fagnaði 70 ára afmæli sínu í nóvember sl. Ríkharð hefur starfað hjá Landhelgisgæslunni í rúm 36 ár, bæði á varðskipum og við störf í landi og hefur hann ávallt sinnt störfum sínum af fagmennsku og natni. Var hann sérstaklega heiðraður af þessu tilefni.
Var síðan boðið upp á heitt súkkulaði með rjóma, smákökur og ljúffengar brauðtertur en allt þetta reiddi Viðar Gíslasonar bryti hjá Landhelgisgæslunni fram af sinni einskæru snilld.
Myndir Gunnar Örn Arnarson og Jón Páll Ásgeirsson
Steinvör Gísladóttir, Kristín Viktorsdóttir, Harpa Karlsdóttir, Óskar Ármann
Skúlason, Skúli Sigurbjörn Jóhannesson og Henning Aðalmundsson.
Georg Kr. Lárusson flytur ávarp. Mynd GOA
Henning Aðalmundsson stýrimaður í flugdeild les upp úr jólaguðspjallinu.
Mynd GOA
Svanhildur Sverrisdóttir afhendir Ríkharði Laxdal gjöf frá Landhelgisgæslunni
Mynd GOA
Svanhildur Sverrisdóttir starfsmannastjóri afhendir Einari K. Sigurgeirssyni gjöf, hjá þeim standa Jónas Ágústsson, aðstoðarmaður á flugvelli og Gunnar Kristjánsson háseti á Ægi. Mynd GOA
Týsmennirnir Haukur Haraldsson, Jón Árni Árnason, Marvin Ingólfsson,
sprengjusérfræðingur, Andri Leifsson og Rögnvaldur K. Úlfarsson.
Kristján Þ. Jónsson skipherra og Georg Kr. Lárusson forstjóri LHG
Mynd JPA
Þórarinn Ingi Ingason flugstjóri, Lárus Helgi Kristjánsson, flugmaður
ásamt Magnúsi Ö. Einarssyni stýrimanni í flugdeild.
Hákon Örn Halldórsson vélstjóri og Einar Sigurgeirsson varðstjóri í stjórnstöð
Gylfi Geirsson forstöðumaður á aðgerðasviði og Dagmar Sigurðardóttir
lögfræðingur. Mynd GOA
Hrafnhildur Brynja Stefánsdóttir upplýsingafulltrúi og Henning Aðalmundsson
stýrimaður í flugdeild. Mynd GOA
Kaskeiti bíða notkunar. Mynd GOA