Varðskipið TÝR heimsækir Grímeyinga
Þriðjudagur 9. febrúar 2010
Mannfjöldi í Grímsey óx um heil 20% þriðjudaginn 9. febrúar þegar varðskipið TÝR lagðist þar að bryggju. Við það tækifæri komu öll grunn- og leikskólabörn eyjarinnar ásamt kennurum í heimsókn um borð. Farið var um skipið í fylgd skipverja sem fræddu gestina um skipið og búnað þess.
Eftir að hafa sleppt landfestum og siglt út fyrir höfnina var boðið upp á hressingu og svo bátsferð í land með einum af léttbátum skipsins. Ekki var annað að sjá en Grímseyingum hafi litist vel á varðskipið og allir hafi farið glaðir og sáttir.
Myndir Jón Kr. Friðgeirsson bryti ofl. úr áhöfn TÝS
Hluti Grímseyinga á leið í land.
Fannar Freyr Sveinsson háseti gætir ungra Grímseyinga
Yngsti gesturinn var 19 mánaða gamall.
Varðskipið að leggjast að bryggju í Grímsey.
Páll Geirdal skipherra á tali við Þorlák Sigurðsson og Bjarna Magnússon fyrrv. hreppstjóra.
V/S TÝR við bryggju í Grímsey.
Binda svona!
Börnin í Grímsey ásamt skipherranum.
Allir klárir í bátana.