Nýtt sjókort; Öndverðarnes – Tálkni.

Þriðjudagur 21. júní 2011

Sjómælingasvið Landhelgisgæslunnar hefur gefið út nýtt sjókort yfir utanverðan Breiðafjörð. Það nær frá vestasta hluta Snæfellsness norður yfir Breiðafjörð, fyrir Bjargtanga og inn í Tálknafjörð. Kortið sem er nr. 43 og heitir Öndverðarnes – Tálkni er það í 17. flokki strandsiglingakorta í mælikvarðanum 1:100.000. Sjókort í þessum mælikvarða af utanverðum Breiðafirði hefur ekki áður verið til. Kort 43 byggir á dýptarmælingum sem að stærstu leyti fóru fram sumrin 2004 til 2007 á sjómælingabátnum Baldri.


Kort nr. 43 Öndverðarnes - Tálkni


Fáanleg kort í stærðinni 1:100.000]

Áformað er að gefa út nýtt kort (45) sem brúar bilið milli korts 43 og korts nr. 46 af Ísafjarðardjúpi. Enn er umtalsverður hluti þess svæðis ómældur en dýptarmælingar hafa legið niðri frá árinu 2008.


Innan punktalínunnar eru sýnd mörk næsta korts sem verður nr. 45.