Flugvél frá NASA með aðsetur innan svæðis LHG á Keflavíkurflugvelli
Vinna að rannsóknum á snæbreiðu Grænlands
Fimmtudagur 29. mars 2012
Rannsóknarflugvél NASA Earth Resources (ER-2) verður næstu vikur hýst í flugskýli Landhelgisgæslunnar á Keflavíkurflugvelli. Vélin er væntanleg til Íslands á morgun og er hún sérhönnuð til að fljúga í hárri lofthæð og útbúin fullkomnum mælitækjum. Í upplýsingum frá bandaríska sendiráðinu segir að flugvélin verði staðsett á Íslandi í um mánuð og mun hún á tímabilinu sinna rannsóknum í mikilli lofthæð yfir Grænlandi.
Í tilkynningu frá sendiráði Bandaríkjanna segir einnig;
Markmiðið með veru vélarinnar hér á landi er að mæla nákvæmni nýlega þróaðs mælitækis sem nefnist MABEL (Multiple Altimeter Beam Experiment Lidar). Mælingarnar eru hluti af þróunarferli sambærilegs mælitækis er verður hluti af IceSat-2, gerfihnetti frá NASA sem verður loftsettur árið 2016 og er ætlað að fylgjast með umhverfis- og loftslagsbreytingum. Verkefnið mun styðja við rannsóknir á loftlagsbreytingum með þróun betri aðferða við að mæla bráðnun heimskautaíss.
Flugvélin er gerð út frá Rannsóknarflugsetri NASA í Edwards, Kaliforníu. Flugmaður vélarinnar er Timothy L. Williams, reyndur flugmaður sem starfaði lengi hjá Flugher Bandaríkjanna.
Ferilskrá Williams: http://www.nasa.gov/centers/dryden/news/Biographies/Pilots/williams.html
Frekari upplýsingar um heimsókn ER-2 vélarinnar má finna hér: http://www.nasa.gov/centers/dryden/Features/ER-2_mabel_mission.html
Auka myndir og myndband af ER-2 flugvélinni má finna á Facebook síðu sendiráðs Bandaríkjanna: http://www.facebook.com/USEmbReykjavik