Þyrla LHG sækir slasaðan vélsleðamann í Glerárdal

Laugardagur 20. apríl 2013

Þyrla Landhelgisgæslunnar sótti síðdegis í dag vélsleðamann sem slasaðist í Glerárdal og flutti hann á sjúkrahúsið á Akureyri. Þyrlan var stödd á Norðurlandi þegar aðstoðarbeiðnin barst Landhelgisgæslunni en hún tók í dag þátt í flugslysaæfingu sem fór fram á Langanesi.

Þegar þyrlan kom á vettvang voru bráðatæknar frá slökkviliði Akureyrar og  hópur frá björgunarsveitinni Súlum komnir á slysstað í og höfðu þeir búið vel um manninn. Var hann fluttur um borð í þyrluna og komu bráðatæknar með í fluginu sem tók fjórar mínútur, frá slysstað og að fjórðungssjúkrahúsinu á Akureyri.

Frá slysstað í Glerárdal


Þórshöfn en þar fór fram flugslysaæfingin um helgina.


Gunnólfsvíkurfjall

Myndir úr fluginu tók áhöfn þyrlu LHG

Þorgeir Baldursson tók myndir af þyrlunni þegar hún lenti við sjúkrahúsið á Akureyri.