Varðskipið Þór á Bolungarvík og Flateyri um helgina

Mánudagur 3. júní 2013

Varðskipið Þór tók um helgina þátt í hátíðahöldum sjómannadagsins á Bolungarvík og Flateyri. Farin var skemmtisigling með gesti frá Bolungarvík og var skipið opið til sýnis. Einnig tók áhöfnin þátt í kappróðri og öðrum viðburðum helgarinnar. Samtals fóru 743 farþegar með í siglingarnar en 494 gestir skoðuðu skipið á Bolungarvík.

Einnig veitti Landhelgisgæslan viðtöku heiðursviðurkenningu Menningar- og ferðamálaráðs Bolungarvíkur og Verkalýðs- og sjómannafélags Bolungarvíkur fyrir einstakt björgunarafrek þyrluáhafnar TF-LIF við strand Jónínu Brynju ÍS-55 við Straumnes þann 25. nóvember 2012.

Hér eru myndir sem áhöfn Þórs tók um helgina.

Sigling um Djúp, Páll Pálson við hlið varðskipsins.

Sigling um Djúp.

Þór við bryggju á Flateyri á Sjómannadaginn.

Fjöldi fólks kom um borð

Afhending heiðursviðurkenningu Menningar- og ferðamálaráðs Bolungarvíkur og Verkalýðs- og sjómannafélags Bolungarvíkur

Georg Kr. Lárusson, forstjóri Landhelgisgæslunnar tekur á móti viðurkenningunni

Fimm hundruð gestir í heimsókn

Eitthvað spennandi að skoða úr brúnni

Róðrarkeppnin