Varðskip og þyrla LHG sóttu ferðamenn á Hornstrandir

Laugardagur 5. júlí 2014

Landhelgisgæslan fór í gær til aðstoðar tveimur hópum ferðamanna sem voru staddir í Hornvík á Jökulfjörðum og Veiðileysufirði. Veður á þessu svæði hefur verið afar slæmt að undanförnu og spáin næstu daga ekki góð. Því leit út fyrir að erfitt yrði að nálgast fólkið á næstunni með áætlunarferðum.

Lögreglan á Ísafirði og landverðir á svæðinu höfðu verið í sambandi við Landhelgisgæsluna vegna þessa og var því ákveðið að senda varðskipið Þór, sem var við eftirlit úti fyrir Vestfjörðum, inn á Veiðileysisfjörð þar sem sex manna hópi ferðamanna var boðið far til byggða. Þá var þyrla Landhelgisgæslunnar, TF-SYN við hefðbundið eftirlit út af Vestjörðum og renndi við það tækifæri við í Hornvík þar sem vitað var um sjö manna hóp í tjöldum. Þeim var jafnframt boðið far til byggða en hluti hópsins var orðin blautir og kaldur. Fólkið var flutt til Ísafjarðar.

Mynd Jón Páll Ásgeirsson

Mynd v/s Þór

Mynd JPA