Framkvæmdastjóri Atlantshafsbandalagsins kynnir sér varðskipið Þór

Jens Stoltenberg framkvæmdastjóri Atlantshafsbandalagsins kom nú síðdegis ásamt fylgdarliði í stutta heimsókn um borð í varðskipið Þór. Innanríkisráðherra, Ólöf Nordal og Georg Kristinn Lárusson forstjóri Landhelgisgæslunnar tóku á móti framkvæmdastjóranum og fylgdarliði hans. Forsætisráðherra og utanríkisráðherra tóku einnig þátt í heimsókninni ásamt ráðuneytisstjórum forsætis-, utanríkis- og innanríkisráðuneytis. 

Ólöf Nordal innanríkisráðherra bauð gesti velkomna um borð og lýsti yfir ánægju sinni með heimsókn framkvæmdastjórans til Íslands. Stoltenberg og fylgdarlið kynntu sér möguleika varðskipsins til leitar og björgunar sem og eftirlits og mikilvægi þess í alþjóðlegu samstarfi, ekki síst á vettvangi Norðurslóðasamstarfs.

Georg Kristinn Lárusson forstjóri Landhelgisgæslunnar og Sigurður Steinar Ketilsson skipherra bjóða innanríkisráðherra velkominn um borð í Þór

Forsætisráðherra boðinn velkominn af skipherra Þórs og forstjóra Landhelgisgæslunnar

Ólöf Nordal innanríkisráðherra býður gesti velkomna um borð

Framkvæmdastjórinn og gestir hlusta á orð innanríkisráðherra

Jens Stoltenberg ræðir málin við Gunnar Braga Sveinsson utanríkisráðherra, Georg Kristinn Lárusson forstjóra Landhelgisgæslunnar, Ólöfu Nordal innanríkisráðherra og Stefán Hauk Jóhannesson ráðuneytisstjóra í utanríkisráðuneytinu. Fjær má sjá Sigmund Davíð Gunnlaugsson forsætisráðherra á spjalli við Ragnhildi Hjaltadóttur ráðuneytisstjóra í innanríkisráðuneytinu

Sigurður Steinar Ketilsson skipherra sýnir Ólöfu Nordal innanríkisráðherra stjórnbúnað varðskipsins

Jens Stoltenberg framkvæmdastjóri NATO gengur frá borði

Ráðherrar ganga frá borði

Forstjóri Landhelgisgæslunnar gengur frá borði