Þyrla Landhelgisgæslunnar sótti snjóbrettakappa á Snæfellsjökul
Sunnudagur 9. júní 2002.
Neyðarlínan hafði samband við stjórnstöð Landhelgisgæslunnar kl. 15:20 í dag vegna slasaðs snjóbrettakappa sem hlotið hafði slæma byltu á Snæfellsjökli. Læknir óskaði eftir þyrlu til að sækja manninn. Áhöfn TF-LÍF var kölluð út kl. 15:24 og var þyrlan komið í loftið kl. 15:54. Lent var með hinn slasaða við Landspítala Háskólasjúkrahús í Fossvogi kl. 17:12.
Dagmar Sigurðardóttir upplýsingafulltrúi
Landhelgisgæslu Íslands