Landhelgisgæsla Íslands - Fréttir

Varðskipið Þór við eftirlit á Reykjaneshrygg

Tue, 21 May 2013 14:30:00 +0000

Varðskipið Þór var nýverið við eftirlit á Reykjaneshrygg en þar standa nú yfir úthafskarfaveiðar á svæði Norður Atlantshafsfiskveiðinefndarinnar (NEAFC). Þar eru nú að veiðum tólf íslensk skip og þrjátíu erlend utan 200 sjómílna efnahagslögsögunnar. Varðskipsmenn fóru til eftirlits um borð í skip á svæðinu en þar hefur verið mokveiði undanfarna daga. Tvö skip fengu alvarlega áminningu.

Þyrlur LHG kallaðar út eftir rútuslys á Snæfellsnesi

Sat, 18 May 2013 16:06:00 +0000

Upp úr klukkan 13:00 varð harður árekstur langferðabifreiðar og húsbíls um fimm kílómetra vestur af Grundarfirði við Látravík. Fimmtán manns voru í langferðabílnum og tveir í húsbílnum.Einn farþegi úr húsbílnum er alvarlega slasaður og annar minna slasaður og er Líf þyrla Landhelgisgæslunnar flutti þá til Reykjavíkur og lenti við Landspítalann í Fossvogi um kl. 15:30.

Starfsmönnum LHG boðið í siglingu með tundurduflaslæðurum

Fri, 17 May 2013 13:13:00 +0000

Starfsmönnum Landhelgisgæslunnar var í vikunni boðið að kynnast starfi tundurduflaslæðaranna sem hafa verið við æfingar með Landhelgisgæslunni að undanförnu. Siglt var með hollenska skipinu HNLMS Urk í Hvalfjörð og var þar búnaður skipsins notaður til að skoða hafsbotninn.

Á sleðanum í vinnuna

Thu, 16 May 2013 13:05:00 +0000

Landhelgisgæslan tekur að sjálfsögðu þátt í vinnustaðaátakinu Hjólað í vinnuna með tveimur liðum. Ekki hafa allir möguleika á að taka þátt, t.d. þau sem starfa á varðskipunum og starfsmenn Landhelgisgæslunnar á ratsjárstöðinni Bolafjalli. Ástæðan sést vissulega á þessum myndum

Tundurdufl fannst við leit tundurduflaslæðara

Wed, 15 May 2013 21:24:00 +0000

Sprengjusérfræðingar og kafarar Landhelgisgæslunnar hafa að undanförnu verið við æfingar og leit neðansjávar með flota tundurduflaslæðara Atlantshafsbandalagsins sem eru í heimsókn hér við land. Við leitina í dag fannst breskt tundurdufl í Hvalfirði á 33 metra dýpi sem tilheyrir kafbátagirðingu sem var lögð út í seinni heimstyrjöldinni. Duflið fannst með sónar belgíska skipsins Bellis og köfuðu síðan kafarar Landhelgisgæslunnar niður til að auðkenna það. Ákveðið var að eyða tundurduflinu.

Leikskólinn Nóaborg heimsækir flugdeild Landhelgisgæslunnar

Wed, 15 May 2013 12:19:00 +0000

Flugdeild Landhelgisgæslunnar fékk í morgun heimsókn fróðleiksfúsra barna úr útskriftarhópi leikskólans Nóaborgar. Guðmundur Ragnar Magnússon stýrimaður og sigmaður tók á móti hópnum og sýndi þeim þyrlur og flugvél Gæslunnar.

Voru þau mjög ánægð með heimsóknina og fannst spennandi að skoða þessi stóru björgunartæki.

Landhelgisgæslan brýnir fyrir sjómönnum að hlusta á neyðarrás 16

Wed, 15 May 2013 09:59:00 +0000

Nú þegar strandveiðar eru komnar í fullan gang hafa allnokkur tilfelli komið upp þar sem erfitt hefur verið að ná í báta sem eru að veiðum en þeir eiga að nota neyðarrás 16 á VHF og ber skylda til að hafa hana opna. Einnig hefur verið erfitt að ná í farsíma um borð. Er slíkt afar bagalegt þegar Landhelgisgæslan þarf nauðsynlega að kalla á aðstoð fyrir báta sem lenda í vandræðum á sama svæði.

Þór við æfingar með tundurduflaslæðurum

Tue, 14 May 2013 18:49:00 +0000

Varðskipið Þór hefur síðastliðna tvo daga verið við æfingar með skipum úr flota tundurduflaslæðara Atlantshafsbandalagsins sem eru nú í heimsókn hér við land. Æfingarnar eru mjög fjölbreyttar og fá áhafnir skipanna margvíslega þjálfun m.a. er æft verklag við björgunaraðgerðir,gerðar siglingaæfingar, æfð leit að smygli í skipum, aðstoð við löskuð skip og fleira.

Mannbjörg þegar eldur kom upp í fiskibát

Mon, 13 May 2013 13:16:00 +0000

Mannbjörg varð upp úr hádegi þegar eldur kom upp í 8 metra löngum fiskibát 4 sjómílur SA af Arnarstapa. Einn skipverji var um borð og var honum bjargað í nærliggjandi fiskibát. Þyrla LHG var send ásamt slökkviliðsmönnum frá Slökkviliði höfuðborgarsvæðisins á vettvang en fiskibáturinn logar stafna á milli og talið er að hann muni sökkva.

Varðskipið Þór aðstoðar vélarvana fiskiskip á Breiðafirði

Sat, 11 May 2013 22:18:00 +0000

Landhelgisgæslunni barst kl. 17:23 í dag beiðni um aðstoð frá fiskiskipinu Þórsnesi ll/ TFKJ þar sem skipið var vélarvana um 3 sjómílur VNV af Flatey á Breiðafirði. Varðskipið Þór var staðsett í um 30 sjómílna fjarlægð og hélt samstundis til aðstoðar.

Landhelgisgæslan brýnir fyrir sjófarendum að gæta öryggis

Wed, 8 May 2013 11:00:00 +0000

Samvæmt upplýsingum frá stjórnstöð Landhelgisgæslunnar eru nú 854 skip komin á sjó og strandveiðarnar í fullan gangi. Talsverður erill hefur verið hjá stjórnstöð og greiningardeild að undanförnu og nokkuð verið um óhöpp og minniháttar bilanir. Tvö óhöpp hafa verið tilkynnt þar sem skipverja hefur tekið út af bátum.

TF-GNA æfði með frönsku freigátunni Aquitine og þyrlu hennar

Tue, 7 May 2013 10:09:00 +0000

Þyrla Landhelgisgæslunnar TF-GNÁ var í gær við æfingar með frönsku freigátunni Aquitine sem var í Reykjavíkurhöfn yfir helgina. Einnig tók þyrla freigátunnar þátt í æfingunni. Hér má sjá myndir sem Baldur Sveinsson og áhöfn þyrlu LHG tóku í æfingunni.

Tundurduflaslæðarar heimsækja Ísland

Tue, 7 May 2013 12:51:00 +0000

Næstkomandi fimmtudag er von á heimsókn flota tundurduflaslæðara Atlantshafsbandalagsins til Íslands. Flotinn samanstendur af fimm skipum sem fyrst og fremst sinna mannúðarstarfi, þau eru ORP Czernicki frá Póllandi, BNS Bellis frá Belgíu, FGS Weilheim frá Þýskalandi, HNOMS Hinnøy frá Noregi og HNLMS Urk frá Hollandi.

Baldur hefur fengið nýtt útlit

Mon, 6 May 2013 21:30:00 +0000

Eftirlits- og sjómælingaskipið Baldur sigldi í dag inn í Reykjavíkurhöfn í nýjum litum en hann hefur nú fengið sama gráa litinn og notaður hefur verið á varðskipin Þór, Ægir og Týr. Baldur fór fyrir um viku síðan í slipp hjá hjá Skipasmíðastöðinni í Njarðvík og er nú tilbúinn fyrir margvísleg sjómælinga, æfinga og eftirlitsverkefni sumarsins.

Öryggissamningur undirritaður við Mílu

Fri, 3 May 2013 11:19:00 +0000

Nýverið undirrituðu Georg Kr. Lárusson, forstjóri Landhelgisgæslunnar og Páll Á. Jónsson, framkvæmdastjóri Mílu öryggissamning vegna þjónustu við ljósleiðarakerfi NATO hér á landi. Samningurinn byggir á kröfum í nýrri reglugerð nr. 959/2012 um vernd trúnaðarupplýsinga, öryggisvottanir og öryggisviðurkenningar á sviði öryggis- og varnarmála.

Fyrsti dagur strandveiða í dag - fjöldi báta án lögskráningar

Thu, 2 May 2013 11:26:00 +0000

Samkvæmt greiningardeild Landhelgisgæslunnar eru nú 60 bátar án lögskráningar á sjó en í dag er fyrsti dagur strandveiða. Landhelgisgæslan brýnir fyrir sjómönnum að hafa þessi mál í lagi enda eru sjómenn ekki tryggðir nema vera lögskráðir.

Yfirmenn norsku strandgæslunnar á fundi með LHG

Tue, 30 Apr 2013 11:29:00 +0000

Í dag fór fram fundur Landhelgisgæslunnar með yfirmönnum norsku strandgæslunnar, Commodore Lars Saunes og Commander sg Yngve Kristiansen. Farið var yfir verkefni sem framundan eru í samvinnu strandgæslanna, s.s. æfingar, upplýsingamiðlun og greiningu, þjálfunarmál og starfsmannaskipti. Einnig fengu þeir kynningu á starfsemi stjórnstöðvar, flugdeildar og varðskipsins Þórs.

TF GNA væntanlega flughæf fyrir helgina

Mon, 29 Apr 2013 22:06:00 +0000

Eftir flutning á TF-GNA til Reykjavíkur síðastliðinn laugardag var þegar hafist handa við viðgerð. Vel gekk að finna bilunina og bíður flugtæknideild Landhelgisgæslunnar nú eftir varahlutum frá Noregi en búist er við þeim til landsins á morgun.

TF-GNA komin til Reykjavíkur

Sun, 28 Apr 2013 00:09:00 +0000

TF-GNA þyrla Landhelgisgæslunnar var í kvöld flutt með flutningabifreið frá Kvískerjum til Reykjavíkur og kom hún í flugskýli Landhelgisgæslunnar rétt fyrir klukkan tvö í nótt. TF-SYN flutti í dag mannskap og búnað að Kvískerjum til að undirbúa TF-GNA fyrir flutninginn og gekk framkvæmdin í alla staði mjög vel.

Þyrlur danska sjóhersins til aðstoðar Landhelgisgæslunni, ef þörf krefur

Fri, 26 Apr 2013 15:20:00 +0000

Danska herskipið Triton kom til hafnar í Reykjavík í morgun. Fulltrúar Landhelgisgæslunnar fóru um borð til viðræðna við skipherrra skipsins til að athuga hver staðan væri með Lynx þyrlu sem er um borð og flogið er af flugmönnum danska flughersins. Þar kom í ljós að þyrlan er klár til útkalls og mun Landhelgisgæslan njóta aðstoðar danska sjóhersins vegna viðbragðs á þyrlur fram í miðja næstu viku.

Samæfing íslenskra viðbragðsaðila með björgunarsveit breska flughersins

Fri, 26 Apr 2013 14:46:00 +0000

Samæfing íslenskra viðbragðsaðila með björgunarsveit breska flughersins fer fram á Langjökli og í Borgarfirði um helgina. Meginmarkmið æfingarinnar er að þjálfa bresku sveitina í fjallabjörgun og undirbúa íslenska viðbragðsaðila fyrir flugslys hervéla á Íslandi.

Gná, þyrla Landhelgisgæslunnar verður fyrir austan fram yfir helgi

Fri, 26 Apr 2013 10:48:00 +0000

Landhelgisgæslan hefur tekið ákvörðun um að Gná, þyrla Landhelgisgæslunnar verði á Kvískerjum fram yfir helgi en í dag munu blöðin verða tekin af þyrlunni og þau send með flutningabíl til Reykjavíkur. Eftir að hafa metið stöðuna til hlítar var ákveðið að klára reglubundna skoðun þyrlunnar Líf hið fyrsta og að henni lokinni hefjist vinna við Gná. Talsvert verkefni er að flytja þyrluna til Reykjavíkur en ekki er hægt að vinna að viðgerð þyrlunnar á staðnum.

Bilun kom upp í þyrlu LHG á leið í útkall.

Thu, 25 Apr 2013 16:53:00 +0000

Bilun kom upp í Gná, þyrlu Landhelgisgæslunnar, þegar hún var á leið í útkall kl. 14:37 í dag og varð tafarlaust að lenda þyrlunni. Að sögn flugstjóra gekk lending vel og eru allir heilir á húfi. Ingibjörg, björgunarskip SL á Höfn í Hornafirði var þá kallað út og sótti það veikan skipverja um borð í fiskiskip sem staðsett var um 10 sjómílur frá landi. Þyrlunni var lent í nágrenni Hornafjarðar og bíður nú þyrluáhöfnin eftir að þyrlan Syn komi á staðinn með flugvirkja og verður ástand þyrlunnar þá metið.

Eftirlit- og gæsla um Suðaustur-, Austur og Norðausturmið

Wed, 24 Apr 2013 15:10:00 +0000

TF-SIF, flugvél Landhelgisgæslunnar fór í gær í eftirlits- og gæsluflug um Suðaustur-, Austur- og Norðausturmið og kannaði umferð báta og skipa á svæðinu.

Gæslu- og eftirlitsflug um Faxaflóa og Breiðafjörð

Tue, 23 Apr 2013 14:06:00 +0000

TF-SYN, þyrla Landhelgisgæslunnar fór í gær í gæslu- og eftirlitsflug um Faxaflóa og Breiðafjörð. Flogið var yfir skyndilokun og reglugerðarhólf á svæðinu.

Fiskiskip varð vélarvana við Dalatanga

Mon, 22 Apr 2013 22:22:00 +0000

Landhelgisgæslunni barst kl. 21:03 aðstoðarbeiðni á rás 16 frá fiskiskipinu Ramónu ÍS sem var með bilaða vél við Dalatanga. Flutningaskipið Green Ice C6SO4 sem var á svæðinu bauð samstundis fram aðstoð og var fiskiskipinu ráðlagt að þiggja hana þar til björgunarskip kæmi á staðinn.

Þyrla LHG sækir slasaðan vélsleðamann í Glerárdal

Sat, 20 Apr 2013 18:01:00 +0000

Þyrla Landhelgisgæslunnar sótti síðdegis í dag vélsleðamann sem slasaðist í Glerárdal og flutti hann á sjúkrahúsið á Akureyri. Þyrlan var stödd á Norðurlandi þegar aðstoðarbeiðnin barst Landhelgisgæslunni en hún tók í dag þátt í flugslysaæfingu sem fór fram á Langanesi.

TF-SIF sækir sjúkling til Færeyja

Fri, 19 Apr 2013 19:12:00 +0000

Landhelgisgæslunni barst rétt fyrir kl. 17:00 beiðni frá yfirvöldum í Færeyjum um að flugvél Landhelgisgæslunnar myndi sækja alvarlega veikan einstakling til Voga í Færeyjum og flytja hann til Reykjavíkur. TF-SIF fór í loftið rétt fyrir kl. 19:00 í kvöld og er flug á staðinn áætlað um tvær klukkustundir. Reiknað er með að flugvélin snúi aftur um miðnætti og verður þá sjúklingurinn fluttur á Landspítalann.

Umferð á sjó eykst með batnandi veðurfari

Fri, 19 Apr 2013 14:13:00 +0000

Samkvæmt upplýsingum stjórnstöðvar Landhelgisgæslunnar hafa 300-400 skip og bátar verið á sjó innan lögsögu Íslands síðastliðna daga, þar af einn norskur og tveir færeyskir línubátar. Greiningardeild hefur haft samband við skip og báta vegna lögskráningar og haffæris.

Varðskipið Ægir vísar fiskiskipi til hafnar

Thu, 18 Apr 2013 14:06:00 +0000

Skipstjórnarmenn á greiningarsviði Landhelgisgæslunnar urðu þess varir í morgun að fiskiskip, sem statt var undan Norðurlandi, var bæði haffærislaust og með lögskráningarmál áhafnar í ólagi. Varðskipið Ægir, sem statt var á svæðinu, var sent til eftirlits um borð í skipið og bar eftirgrennslan þeirra saman við upplýsingakerfi Landhelgisgæslunnar og var skipinu vísað til hafnar