Föstudagur 23. nóvember 2007

Nú nýverið lauk ráðningu á nýjum þyrluflugmönnum til Landhelgisgæslu Íslands. Ráðningin var síðasti liður í eflingu þyrlusveitar Landhelgisgæslunnar í kjölfar brotthvarfs varnarliðsins. Hafa þá alls sjö þyrluflugmenn verið ráðnir til starfa, til stækkunar þyrlusveitarinnar.

Miðvikudagur 21. nóvember 2007

Í dag klukkan 15:32 barst Vaktstöð siglinga/stjórnstöð Landhelgisgæslunnar, símtal frá vélarvana bát á reki í nágrenni Reykjavíkur, í gegnum Neyðarlínuna, 112. Bátinn, 6 metra langan Sómabát með þrjá menn um borð rak í átt að Geldinganesi.

Laugardagur 17. nóvember 2007

Um kl 09:00 hafði togskipið Þorvarður Lárusson frá Grundarfirði (áður Smáey)samband við Vaktstöð siglinga og sagðist vera á togveiðum undan Látrabjargi og hafa fengið stóra álkúlu í veiðarfærin sem væri um 1.20 m í þvermál. Vaktstöð siglinga kom skipstjóra skipsins í samband við sprengjusérfræðing Landhelgisgæslunnar og eftir lýsingum hans á duflinu var enginn vafi talinn á að um væri að ræða þýskt tundurdufl en þeim var meðal annars lagt út við Látrabjarg til að trufla ferðir skipalesta á leið til Murmansk, í seinni heimsstyrjöld.

Föstudagur 16.nóvember 2007

Út er komin bók Óttars Sveinssonar - Útkall þyrluna strax. Að því tilefni heimsóttu Ulf M. Berthelsen skipherra og Chano Lyng vélavörður á danska varðskipinu Triton Landhelgisgæsluna.

Þriðjudagur 13. nóvember 2007

Undirritaður hefur verið samningur um kaup á nýjum fjarskiptabúnaði fyrir strandastöðvar Vaktstöðvar siglinga. Á síðastliðnu ári var gerð áætlun um endurnýjun strandastöðvarbúnaðar vaktstöðvarinnar og í framhaldi af því var fjármögnun til þessa verkefnis tryggð. Það var síðan ákveðið að bjóða út strandastöðvarbúnaðinn og var útboðið auglýst í maí s.l. og tilboð opnuð 2. ágúst. Tilboð bárust frá fjórum aðilum og var eftir yfirferð tilboða ákveðið að ganga til samninga við austuríska fyrirtækið Frequentis.

Laugardagur 10. nóvember 2007

Í dag lenti ný leiguþyrla Landhelgisgæslunnar, LN-OBX, í Reykjavík eftir flug frá Förde í Noregi. Áhöfnin tók við vélinni í Förde sl. miðvikudag og gerði nauðsynlegar flugprófanir. Ráðgert hafði verið að hefja ferðina sl. fimmtudag en brottför frestaðist vegna veðurs þar sem vindur fór í 50 m/s hafinu milli Noregs og Færeyja. Ferðin hófst því í gær, föstudag.

Mánudagur 5. nóvember 2007
Harðjaxlar skoðuðu varðskip Landhelgisgæslunnar og fóru í siglingu. Harðjaxlarnir eru hópur fatlaðra og ófatlaðra barna í 7. bekk, undir leiðsögn Bjarna Karlssonar, sóknarprests í Laugarneskirkju.

Mánudagur 5. nóvember 2007
Í dag heimsótti Allsherjarnefnd Alþingis, Landhelgisgæslu Íslands. Hópurinn kynnti sér starfsemi Landhelgisgæslunnar; skrifstofu, Sjómælingar, Stjórnstöð og Vaktstöð siglinga, Sprengjueyðingadeild og Köfunardeild, Flugdeild og varðskip. Allar deildir kynntu sína starfsemi fyrir nefndarmönnum auk þess sem ný lög um Landhelgisgæsluna voru kynnt.

Föstudagur 2. nóvember 2007
Í dag lét Tómas Helgason flugstjóri af störfum eftir tæplega 35 ára farsælt starf hjá Landhelgisgæslu Íslands.

Föstudagur 2. nóvember 2007
Í dag heimsóttu Cpt. Jens Walther, yfirmaður framkvæmda fyrir 1. flotadeild Dana og Cdr. (sg) Henryk Ryberg, skipherra á HDMS Thetis, Landhelgisgæsluna. Í heimsókninni funduðu þeir með Georg Lárussyni, forstjóra og kynntu sér starfsemi deilda LHG.

Miðvikudagur 24. október 2007
Smíði nýs varðskips hófst, í ASMAR skipasmíðastöðinni í Talcahuano í Chile, þann 16. október síðastliðinn. Skipið hefur fengið nýsmíðanúmer 106. Byrjað var að skera til stál í fyrsta hluta skipsins sem hafist verður handa við að smíða á næstu dögum.

Fimmtudagur 18.október 2007
Um kl. 13:21, tilkynnti fiskiskipið Erling KE-140, kallmerki TFFB, til Vaktstöðvar siglinga og stjórnstöðvar Landhelgisgæslunnar, að vélarbilun væri um borð. Skipið var þá statt um 19 sjómílur SSA frá Malarrifi.

Fimmtudagur 11. Október 2007
Í dag heimsótti norski sendiherrann á Íslandi, Margit Tveiten Landhelgisgæsluna. Með henni í för var Thomas Ball sendiráðsritari. Sendiherrann kynnti sér víðtæka starfsemi Landhelgisgæslunnar, í tengslum við vaxandi samstarf Landhelgisgæslunnar og norsku
strandgæslunnar, Kystvakten.

Fimmtudagur 4 október 2007

Í gær fóru starfsmenn Landhelgisgæslunnar til Jan Mayen til þess að skoða aðstæður þar og kynna sér búnað á staðnum. Einnig til að koma á tengslum og samstarfi milli Landhelgisgæslunnar og stöðvarinnar á Jan Mayen. Með í för var forstjóri Gæslunnar Georg Lárusson ásamt fleiri starfsmönnum stofnunarinnar sem flestir starfa í flugdeild.

Fimmtudagur 4. október 2007

Herdeild 330 kom til Íslands á þriðjudaginn s.l. á einni af Sea King þyrlu deildarinnar og mun verða við æfingar með flugdeild Landhelgisgæslu Íslands næstu daga, m.a. á Ísafirði í dag. Áætlað er að herdeildin muni hafa viðkomu á Akureyri n.k. mánudag og muni síðar hverfa aftur til Noregs á þriðjudag.

Þriðjudagur 2. október 2007
Í síðastliðinni viku fór hluti áhafna loftfara og kafara Landhelgisgæslunnar til öryggisþjálfunar til Falck Nutec, í Aberdeen í Skotlandi. Þjálfun þessi er hluti af reglubundinni þjálfun áhafna og snýst þessi hluti um að komast út úr þyrlu sem lent hefur í sjó eða vatni (e. Aircraft Underwater Escape & Short Term Air Supply System (STASS)).