Sjómælingasvið Landhelgisgæslunnar gaf nýverið út fjögur ný sjókort. Þetta eru hafnakort af Þingeyri, Flateyri, Suðureyri og Súðavík. Kortin leysa af hólmi hafnauppdrætti sem eru í Leiðsögubók fyrir sjómenn við Ísland sem kom út 1991. Nýju kortin eru í mælikvarðanum 1:10.000.

Í Fiskifréttum 24. febrúar birtist grein sem fjallar um tíð afskipti Landhelgisgæslunnar af smábátum sem ekki sinna lögskráningu áhafna sem skildi. Virðist nokkuð misskilningur ríkja meðal sjómanna um fyrirkomulag lögskráninga.

Starfsmenn Landhelgisgæslunnar fengu í dag sendar þakkir frá Georg Kr. Lárussyni, forstjóra Landhelgisgæslunnar  í tilefni af niðurstöðum nýlegra rannsókna sem höfðu það að markmiði að kanna traust almennings til stofanana hér á landi.

Landhelgisgæslunni barst á miðvikudagskvöld kl. 20:32 beiðni um útkall  þyrlu Landhelgisgæslunnar vegna sjómanns með mikla verki um borð í línubát sem var staddur 20 sjómílur suðvestur af Malarrifi á Snæfellsnesi.

Landhelgisgæslan nýtur traust 89% landsmanna samkvæmt Þjóðarpúlsi Gallup sem kom út í vikunni. Í ár svöruðu 97% aðspurðra könnuninni og dreifist traustið nokkuð jafnt á milli kynja.

Yfirmaður norsku strandgæslunnar, Arild-Inge Skram situr í dag fund með Georg Kr. Lárussyni, forstjóra Landhelgisgæslunnar þar sem til umræðu er samstarf þjóðanna á sviði öryggis-, eftirlits- og björgunarmála. Einnig verða á dagskránni björgunaraðgerðir í Oslóarfirði, á strandstað Goðafoss við Noreg þar sem Harstad, systurskip Þórs vinnur að hreinsun.

Landhelgisgæslunni barst í gær kl. 18:18 tilkynning frá slökkviliðinu á Reykjavíkurflugvelli og flugturningum í Reykjavík um torkennilegan hlut  með blikkandi ljósi úti á Skerjafirði.  Sagt var að frá slökkvistöðinni bæri þetta yfir flugskýli 3 á Reykjavíkurflugvelli út á sjó. Ljósið breyttist síðan í  rautt og grænt.

Flóðspá fyrir Reykjavík gerir ráð fyrir óvenju hárri sjávarstöð á fullu tungli febrúar og mars. Það er því ástæða til að fylgjast vel með veðurspá og loftþrýstingi. Ástæður óvenju hárrar sjávarstöðu núna er að tunglið verður eins nálægt jörðu og það getur orðið þann 19 mars.

Niðurstöður nýrrar könnunar MMR á trausti almennings til helstu stofnana á sviði réttarfars og dómsmála leiddu í ljós að  Landhelgisgæslan nýtur áberandi mests trausts meðal almennings eða 80,8%. Hefur traust til Landhelgisgæslunnar aukist frá síðustu könnun MMR.

Þyrla Landhelgisgæslunnar tók á laugardagskvöld þátt í sjóbjörgunaræfingu með félögum í Björgunarfélagi Ísafjarðar, Tindum í Hnífsdal og Vestfjarðadeild Björgunarhundasveitar Íslands.

Nýverið stóð sjómælingasvið Landhelgisgæslunnar fyrir vinnufundi Norrænna sjómælingastofnana þar sem fjallað var um fjölgeislamælingar og úrvinnslu gagna. Farið var yfir verkefni sem unnin hafa verið og hvað er á döfinni

Í dag var 112 dagurinn haldinn hátíðlegur hjá viðbragðsaðilum víða um land og var af því tilefni komið saman í björgunarmiðstöðinni við Skógarhlíð þar sem m.a. Guðbjartur Hannesson velferðarráðherra og Ögmundur Jónasson innanríkisráðherra kynntu frumniðurstöður þjóðfundar um öryggis- og neyðarþjónustu sem fram fór í gær.

Í dag koma um eitt hundrað starfsmenn og sjálfboðaliðar í öryggis- og neyðarþjónustu af öllu landinu saman til fundar í tilefni af 112-deginum sem að venju er haldinn 11. febrúar. Meginniðurstöður verða kynntar við dagskrá sem haldin verður í Björgunarmiðstöðinni Skógarhlíð á morgun og munu innanríkisráðherra og velferðarráðherra taka þátt í kynningu niðurstaðna fundarins.

Georg Kr. Lárusson, forstjóri Landhelgisgæslunnar átti í dag fund með Hr. Maarten de Sitter, pólitískum ráðgjafa hjá Atlantshafsbandalaginu (NATO) í Evrópu.  Var heimsóknin liður í heimsókn de Sitter og samstarfsmanna sem skipulögð var af utanríkisráðuneytinu.

Við eftirlit varðskipsmanna af v/s TÝR í gær var m.a. farið um borð nóta- og togveiðiskip sem staðsett var á Hafnarleir. Við mælingu reyndist afli um borð vera 63% undir máli og var í kjölfarið sett skyndilokun nr. 4.